Afa sa ne pese suialag onigig fenam asa ne nimbeafna amtakwalig nihe mo fwahanam. Afa ka enaig esog mingnag el mas Godim anwenafinig mo asa enag nem afwanfeg faig.
Masa ne nembefum mwakwale fe. Afa nengel nai yi amban sa enaig esofe og kaba ati bitenai anwenag flag asa kana anwenag eba fwina goseg. Afa ehe sa enaig onigigim fwahanam asa mo etetig el lofug fei. Eba sa ehe Godna suialag anwena flai.
Afa kagel Kraisna gafugag esig asa el kagelim esogonug ne mo etetig el fig. Afa nengel mas kagel lofug fig mo. Ne onigig ka Krais nai yi afuhba asa ka anwena el fig. Afa kagel eba auwiauwig el fig afa nengel eba wasneig el fig. Afa el nengelim mo fingi fegonug afa kagelim mo pigalambpuieg.
Afa ka mas nem afwanfeug faig mo enaig ginofena mo. Amo, ne kana luwal lofug afa ka nem fwina membegonug asa ka enaig sihifenig sa ne suialag minam anwenafig.
Afa maia nengel nai yi el mungu nilitem olug kinig fenagba masa ese gavmanna kot la ahkafe. Haigsegba sa ne el Godim anwenafenag fwainig gaba afug? Eba Kraisna el sa ma eheninigim kwefihianuge.