1 Korin 4:15 - Godna mo Awai mona go

¹⁵ Afa kaksag el ambe sa nengelim kwaganigim Kraisna nihem patalfuiagim afa ehengel mango nengelni alag mo. Afa ka nengelim Godna suialag mo ati sihini asa Sisas Krais nai yi ka ofenai nengelni alag.

1 Korin 4:15 ပူးပေါင်းရင်းမြစ်များ

Mo Pol Rom la nai Elim Ginofe Faini 15:20

Afa kana sawieg eba enaig eseg koka suialag mo sihin hag kembig la sa mas Kraisim anwenafig mo asa ka mas mingnag elni gafugagim puguiafofeni.

1 Korin 1:30

Afa God nengelim esenigbi asa ne Sisas Krais nai yi afohie. Afa Sisas Krais nai yi God enaig eseg heafna suialag anwenag bigim ogfunig afa ehe bigim ehena nof la afsug el fenig, afa ehe bigim ehena nemug el fenig, afa God bigim pese lambigim.

1 Korin 15:1

Kana nilite, autunam sa ka nem Godna suialag mo sihi fwahani afa glau enam koka nengelni onigigim pese ilafatigi. Afa ena mo sa ne flini asa ne enana olug onigigim wasneig afohiafena.

1 Korin 3:10

Afa God kam esmunagim kweagfugba asa ka gafugag ese ofenai lala nimblag anwena el feg. Afa ka bite tofugum afa sumul aitiageaka fwahagba afa ming el blo ena sisi yi lala nimbla go. Afa nengel mungu mungug sa ne numwehe oniginim afa nimbla.

1 Korin 3:6

Afa ka li fug kumug afa Apolos enam bu sugfunugeg afa eba God ehe enam esenigbi asa apukeg.

1 Korin 3:8

Afa el lifug kumuageg afa el bu sufunaugeg eheningina gafugagna mog mungwalofug. Afa haig gafugagim sa ehe haig gafuga eseg eba mungwalofug kig enaig flag.

1 Korin 9:12

Afa atiaba mingnag gafugag el sahtiginim nengel nai yi kwefwag fligbi eba suialag nemug feg atiaba ka nem sahtigigbi. Afa kagel mas mangwalim nengelim sahtigi goni mo. Amo kagel haig haig kinig kahlig asa ka oksig mangwal nihe esigim eba Kraisna suialag mona minam kagfog.

1 Korin 9:14

Afa Ainiyag gwenaig nihe feg el sa Godna suialag mo sihiagiafu asa ehengel enag gafugag la nai kwefwag lambi.

1 Korin 9:16

Afa ka Godna suialag mo sihiagiaka asa ka mas enag la kefim fingi fei. Afa God kam wasneig mo sihinag asa ka enam eseg. Kasabam afa ka Godna suialag mo sihiakag fwainigba.

1 Korin 9:18

Afa mangwal sa ka enag gafugag enanam flag eba enaig eseg ka Godna suialag mo sihiagiaka afa ka sifakale ka mas elim sahna enanam kam mungwag kwefwagim. Afa enag sifakale eba naho kana mungwag kwefwag.

1 Korin 9:23

Afa ka enaig mungwali eseagegba asa kog Godna suialag mo sa ma kwaniafe. Afa ka gafa asa ena mo menai suialag flai.

2 Korin 4:5

Afa mo ka sihig mango kagelni mo mo eba Sisas Kraisna mo asa ehe Ainiyag feg. Afa kagel Sisasim kwefugum asa kagel nengelni gafugag el fig.

Galesia 3:24

Afa maia Sisas blo fwainig fiahfenaba afa nihe mo bigim nangwaghiage lafina. Afa maia olug onigigna mina pigigba asa big Sisasim olug oniginag asa big Godna nof la afsug kabag apukefe.

Galesia 3:25

Afa glauwaba enag olug onigigna mina ati pigig asa nihe mo bigim mas nangwaghiage lafi.

Galesia 4:19

Kana luwal, ka nem onigigim asa ka pese susug flafug ofenai afag luwalim oningis. Afa enag susug fiahkag maia enanam Kraisna nihe ne nai yi kwania fegba sa ne Krais niheg.

2 Timoti 4:3

Afa enaig pugufe asa el nufunam mom higigim yiskosifi. Afa ehengel membig haig haig mwakwal mo higigim asa ehengel kaksag ogfuiag elim awamogonugim og ma ambe ena mwakwal mo sihiagibi ka sa higim.

Taitus 1:4

Afa ka Taitusim ginofenag afa heafna olug onigig enaig eseg eba ka i mungwalofug asa ehe kana leg lofug feg. Ka membeg Api God afa Sisas Krais bigelni kwaganig el ahfeg eheningi nem suiala ahfenife. Asa olug enesieg afa God esmunagim nem kwaganife eba nem enaig esenife.

Filemon 1:19

Sa nangug kike ningana ginofe ka Pol nem mungwag faife. Nofeka eteti Godna mina esmunagim ka nem ogfunag asa ne nofkenagag fla. Afa ne kam mas enaigim mungwag fai mo.

Jems 1:18

Emba awai! Emba esegim eheafena sawiegim mungo gweli pahalukug esegim bigelni humwan fenig. Ehena nihemo newug enag esenigeg bigim fukugum Enag esegim bigim enam, God onugum bigim Ainiyag, ehefena lualim enam, eso enengim mingnag elgimba Godna feasainam eso bigel lofug fef.

1 Pita 1:23

Afa Godna mo eba nofkenagag mo gwese wahkig gofufe. Afa enag mo nem fuklag mulug nofkenagag faig afa ofenaiba alag mas lahai.