1 Korin 15:51 - Godna mo Awai mona go

^51-52 Sa hig, ka nem sagmona mo ambala opuguni. Mas bigim mungwali pigiahiai eba maia awaieg osuna puguiba afa sumi fuf moasiba asa big ikagna waikefifi ofenai nofug baikuhla feg. Afa maia fuf moasiba lahag el bugiagafenam wahkig nofkenagag flifi mas pese pigiahiai. Afa bigel sa nofkena fig eba waikefinim ehengel lofwagfifi.

1 Korin 15:51 ပူးပေါင်းရင်းမြစ်များ

1 Korin 13:2

Afa atiaba God kam wasneig faigba asa ka Godna mo fla sihiaule el lofeg afa atiaba ka mungwali gawigim anwenafeg afa ka Godna mungwali meaganai onigigim anwenafeg afa atiaba kana olug onigig ihlafegba asa ka mugum esonafe sa hili ika afa ka nai yi elim membenig nihe gohug fwainigba eba ka esug feg.

1 Korin 15:18

Asa ambangel Kraisim olug oniginifigim asa pigig eba ehengel gafa awaieskofefe.

1 Korin 15:20

Afa eba nufunam nemug Krais lahag la nai ati pese buihiana afa enag ogfug Krais gof esegba asa el ati pigig ehengel gafa pese bugiagafefe.

1 Korin 15:6

Afa enaig esenam asa mungu osuna ehe ikanam heafna patalfuiag 500 elim gohugum afa gwesim hilifeg enaig elim puguni. Afa mingnag kaksag enag elbi ene mahim nofkenag afo afa mingnag eba ati pigihiag.

1 Korin 2:7

Afa enag mom sa kagel sihiafu eba Godna suialag anwenag autunam meagam sefu gofena. Afa maia God bite i of i gafugafeg fwainig fiahfenaba ehe ati enaig onigig fwahana afa ehe bigim kwaganigim asa big ehe i ahwagigim afa heafna kwania unehlagim lambigim.

1 Korin 4:1

Afa nengel sa ne enaig onigifi kagel Kraisna gafugag el fig. God kagelim wegfu fwatig afa heafna mo el mas anwenafig mo asa enam ambala sihiafugum.

2 Korin 5:2

Afa glau big hwag eligni gafa big kusguageg esog asa ka fwina membig heven la nai lala fligim asa ofenai el lofug yimieg fatiagim membig.

2 Korin 5:4

Afa maia big enag kogma lala la augwiaba big kinig kahlagim asa kusguagegim esog. Afa big mas enaig esogoi bigelni bitenai elig mo ma lahai, amo, big fwina membig glaunai elig sa ma bigim kagfunam afa bigelni bitenai eligim nofkikenag faig.

Efesus 1:9

Afa autunam God ati sihi fwahana og sa ma Krais bigim eseni afa autunam enag sawieg meagam gofena afa glawaba bigim ambala upugunig.

Efesus 3:3

Afa hwa mo sa God esegba eba autunamba meagam seifo gofena afa eba God heafa ehe kam ambala ogfunagba asa ka enam weti ginofe fwahana.

Efesus 5:32

Afa enag mo eba mungwanam pekag. Afa ka enag mom enaig onigig feg eba Krais mi sios mi ogfug.

Filipai 3:21

Afa eba ehe heafna wasneigni blonam bigna auwiaug lahag lofugim waikefenam asa heafna wasneig elig suialagna big fifi. Afa enag wasneigni mungwali gawig esinibi asa apaiye ehena ahnai skaufifi afa bigna eligim waikefenife.