1 Korin 15:47 - Godna mo Awai mona go

⁴⁷ Afa gof Adam eba bite nai el fena afa sumi nai Adam eba heven la nai blona.

1 Korin 15:47 ပူးပေါင်းရင်းမြစ်များ

Matyu 1:23

“Higim, angwafig mungu angwaming alagagla ga fwainig afnialigni afa fagonai luwal foklafe. Afa unehlagba Emanuelim seflife.” Ais 7:14 Enag mog unehlaba ‘God bigim wanga.’

Suialag Mo Luk Ginofena 2:11

Afa hwag osuna Devitna kembig la angwafig mungu luwal fuklag afa ena luwalba mungwali nem pese lambfe. Eba Ainiyag ehe fegim afa el God Gisfu Fwahiag Elim pese hefum lambigim.

Suialag Mo Jon Ginofena 3:31

“Afa el heven lanai blog eba sisi fenig bitenai elim. Afa el bitenai feg ehe bitenai mo sihiagig. Afa el Godna kembig la nai blog ehe mungwalim sisi fenig.

Suialag Mo Jon Ginofena 6:33

Afa Godna aba eba enag el asa of la nai pe blog asa bite nai elim nufunam nofkenagag faig.”

Aposel 10:36

Ne anwenafig God kagel Ju elim heafna mo gof kam ningihianig. Ena suialag moba enaig sihifeg Sisas Krais ehe mungwali elni Ainiyag bigim esenigbi asa big God i mungu onigigna ahfeg.

1 Korin 15:45

Afa Godna mo enaig esog, God lasflam el Adamim gafugafenam afa bitenai eligim nofkenagag faina. Afa sumi nai Adam eba alganam feg asa bigelni sungwabugim nofkenagag faig asa bigel heven la afu gofufe.

1 Korin 15:46

Afa God mango gof sungwabugni eseamo amo ehe lasflam mo bitenai eligim gafugafenam asa sumi yi mo sungwabugni upuguna.

2 Korin 5:1

Afa bigelni elig ofenai kogma lala big augwia. Afa hwag bitenai lala noginam bwabuhia opefeba big anwenafig God bigelni ming lala nimblag fwahag. Afa enag lala mango el ningana nimbla mo. Eba God ehe heven la nimblag asa enag wahkig gofife.

1 Timoti 3:16

Afa big anwenafig nufunam mo God ehe upuguna afa enag fwina kwania feg. Afa enag nufunam mo enaig esog; Ehe hwaig el lofug gohna asa bitenai el heafna mom higinim ehem olug onigini. Afa Godna Sungwabug ogfuna ehe suialag afa oflanai el ehem nanguni afa ehe heven gam kukagim God i hawag.