1 Korin 15:45 - Godna mo Awai mona go

⁴⁵ Afa Godna mo enaig esog, God lasflam el Adamim gafugafenam afa bitenai eligim nofkenagag faina. Afa sumi nai Adam eba alganam feg asa bigelni sungwabugim nofkenagag faig asa bigel heven la afu gofufe.

1 Korin 15:45 ပူးပေါင်းရင်းမြစ်များ

Suialag Mo Jon Ginofena 1:4

Afa nufunam nofkenagag enag Mo la go afa enag nofkenagag elim ombusug faig.

Suialag Mo Jon Ginofena 10:10

Afa ukwef elni onigig eba enaig ehe blonam asa sipsipim ukwefenam afa tigenam afa mingnagim mo amtakwalig klaitikafe. Afa ka blogba sama kana sipsip nofkenagag flifi asa enag nofkenagag ehengelnai yi kwania feni.

Suialag Mo Jon Ginofena 10:28

Afa ka ehengelim wahkig nofkenagag faibi afa mas ambanim awaiye. Afa mas amban el kana ninganai blo ukwefe kike mungu ati feg.

Suialag Mo Jon Ginofena 14:19

Afa mungwanam feg fwainig bitenai el mas kam nangui afa ne kam nangufi. Ka nofkenafeg asa nengel gafa nofkena augufi.

Suialag Mo Jon Ginofena 14:6

Afa Sisas wahigi sihina og, “Afa el membeg nufunam mo anwenafigim afa nofkenagag fligim eba kike ena minaba feg. Afa Alag nangum afuiagba mas ming minaba goh mo, eba awai, kike mungu feg.

Suialag Mo Jon Ginofena 4:10

Afa Sisas sihina og, “Ne mas anwenafeg mo mangwal God elim asa esug faig afa kaba amban maia. Afa ne enam anwenafegba afa ne kam bum sahnaiba asa ka nem nofkenagag bu faife. Enag bu sama wahkig nofkenagag nem fai.”

Suialag Mo Jon Ginofena 4:14

Afa amban hwa bu nefe asa ka nem fai eba mas nem pese bu hefei. Afa enag bu el nai yi sefu go enaig bu eba logifife afa mas awaiye eba elim wahkig nofkenagag faife.”

Suialag Mo Jon Ginofena 5:21

Afa Alag enaig fasefe ehe lahag elim fukulag lasug afa wahkig nofkenagag faig. Afa Leg gafa gwenaig eseg asa heafna membeg ehe ambanim membenag asa nofkenagag faig.

Suialag Mo Jon Ginofena 6:33

Afa Godna aba eba enag el asa of la nai pe blog asa bite nai elim nufunam nofkenagag faig.”

Suialag Mo Jon Ginofena 6:54

Afa ne amban kana elig i afa taf i neba asa wahkig nofkenagag ehenai yi gofife. Afa kwefihiageg osuna asa ka ehengelim ihlafo tiginam nofkenagag faife.

Suialag Mo Jon Ginofena 6:57

Kana Alag nofkenaga afa ehe kam ningihiag asa heafna wasneig kam nofkenagag fai. Asa amban kam ne ba asa kana wasneig ehem nofkenagag faife.

Suialag Mo Jon Ginofena 6:63

Godna Sungwabug nufunam nofkenagag elim faig. Afa elni elig mas elim kweafui. Afa mo ka nem sihinag enag mo sama nengelni sungwabugum kweafui afa nufunam nofkenagag nem faifi.

Suialag Mo Jon Ginofena 6:68

Afa Saimon Pita enaig sihifena og, “Ainiyag amban nangum ka sa afunam asa patalfufe. Neana mo mungu bigelim wahkig nofkenagag faig.

Aposel 3:15

Afa elbi eba nofkikenagag minam pigieg eba enag elim ne tigifatigbi asa God ehem pese bitekifenai ihlafofatig. Enam ka nofna ahnangugim nasa ka ena mo ahsihig.

Mo Pol Rom la nai Elim Ginofe Faini 5:17

Eba nufunam mungu el amtakwalig esegba asa mungwali el lahagna ahnai skaufini. Afa mungu elni suialag nihe pugugim enam gwesim gosenag. Afa amban el Godna kwania esmunagim kwegfwag flagim asa Godna nof la afsug afohie asa enaig el Krais nai yi heafgelni nofkenagagim numwehe lambfiahfu.

Mo Pol Rom la nai Elim Ginofe Faini 5:21

Afa ilawana amtakwalig nihe wasneinaba asa mungwali el lahagna ahai skaufini. Eba nufunam afa enaig gafa nufunam feg. Afa glau Godna esmunagim kwaganig wasneigo afa bigelni Ainiyag Sisas Kraisna gafugag elim esenigbi asa Godna el heafna nof la afsug figim asa ehengel wahkig nofkenagag flig.

Mo Pol Rom la nai Elim Ginofe Faini 8:2

Eba Godna Sungwabugni nihe mo bigim esenigbi asa big Krais Sisas nai yi gaba afohiegim sa big nufuna nofkenagag flig asa ka mas amtakwalig nihe mi afa lahag mi ahnai skau fenag mo.

1 Korin 15:46

Afa God mango gof sungwabugni eseamo amo ehe lasflam mo bitenai eligim gafugafenam asa sumi yi mo sungwabugni upuguna.

Filipai 3:21

Afa eba ehe heafna wasneigni blonam bigna auwiaug lahag lofugim waikefenam asa heafna wasneig elig suialagna big fifi. Afa enag wasneigni mungwali gawig esinibi asa apaiye ehena ahnai skaufifi afa bigna eligim waikefenife.

Kolosi 3:4

Afa Krais ehe neana nufunam nofkenagagba ehe mog feg. Afa maia ehe ambala puguiba afa sa mungwali el ehem nangufie eba ehe kwania misog el feiba asa big ehe nai yi afohiefufe.

Hibru 9:14

Afa enaba Kraisna taf enam filafeg. Afa Krais mas mangwal weti fena mo afa wahkig gohug Sungwabugni wasneigni asa heafum Godim gwesim mungwali fainam asa lahana. Afa Kraisna taf bigna onigigim busfu klaitinig lahagna mina gam patalkuiagim asa big God nofkenagagim gafugafini.

Sumi Yi Puguiag Mo 16:3

Afa angigieg of lanai el heafna disni maia bu kwania la sugoflaitigba asa ofenaiba elni biimp lofug feiba asa bu lanai mungwali pigife.

Sumi Yi Puguiag Mo 21:6

Afa ehe kam sihina og, “Mungwali gafugag ati ihlafeg. Afa kaba kike gof lanai feg afa sumi nai feg. Afa mungwali gawig kike mog feg afa mungwali gawig awaiyegim eba kike mungohe feg. Afa ambanim bu hefegba eba ka ehem bu esug faife ena buba eba nofkikena faig bu.

Sumi Yi Puguiag Mo 22:1

Afa of lanai el kam afalig buum ogfunag. Eba nofkikena faig bu fegim afa glas lofug falaugufego. Godnai i afa Sipsip Luwalig nai i pegag sime nai pe blogim.

Sumi Yi Puguiag Mo 22:17

Godna Sungwabug i afa Sipsip Luwaligna angwafig i enaig sihi ahfe og, “Au sa blo!” Amban sa higig ehe gafa sa ma sihi og, “Au sa blo!” Ambangel sa ne buhefe skofeg sa ne blo nofkikena faig bu ne eba God nem esug faife.