1 Korin 14:16 - Godna mo Awai mona go

¹⁶ Afa ne enaig eseg fwainigba afa maia sungwabugni ne ming mona Godim suialag onaiba afa amban el sa ena mona anwenafeg fwainigba eba ehe mas nem mungu onigig fenam esoi eba nufunam eseg asa ehe mas neana ena mom anwenafei.

1 Korin 14:16 ပူးပေါင်းရင်းမြစ်များ

Matyu 15:36

Afa sa bret elegeg la gohna afa sawag enag lambinam. Afa Godim enaig esona hwaba suialag ka nem suialag onag. Sihi fwahanam asa bret i sawag i koskofenam, afa patalfuiag elim fainiba asa mungwali elim mangegoni.

Matyu 28:20

Afa sa ne ogfu fegonigi sa ma ena mo mungwali patalfui sa ka nem faig. Nofeka eteti eba ka nem wahkig wangafufe ikan ikan enag osuna awaiyefe.”

Matyu 6:13

Nofe ne kam fwati ma kam yuhnag pugunibi eba sa kam amtakwalig la nai lambim.

Suialag Mo Mak Ginofena 16:20

Sisasna nihiyinai enag ahuaminifegim Godna mo mungwal bete esel enanayi sihiagahug. Ainiyag kwaganig elbi ahnaig ahnaig kifutuk enag ogogfufenig elbi enaigba ahnaig gafungafihmo? Enaig gafungafigmbi emba enaig eseg elim ogfunug Godna moamba yiniho.

Suialag Mo Jon Ginofena 21:25

Afa Sisas kaksag mingnag gafugag fiahgena. Afa el mungwali enag mom buk la ginofigbi afa mungwali bite sigag mas gohug mo enag buk enanai yi skugum. Gwenaho.

Suialag Mo Jon Ginofena 7:15

Afa Ju elni misog el Sisasna mo higinim sineminefinim afa hefum esogona og, “Hanai sonag elbi kwania onigiba flana ehe mas skul yi ikana mo?”

Aposel 4:13

Pita i Jon i fwina wasnei ahgofenaba asa saglag el nangwaginim sineminefini og, “Hai, sona elbi esug el ahfena afa eheningi mas skul yi ahkana mo.” Afa ehegel anwenafini, ati eheningi Sisas nai yi ahogofena.

1 Korin 11:24

afa Godim suialag onam afa kowagnam enaig esona og, “Hwaba kana lofug, ka nem enaba afaibi nengelim kwaganigim. Sa ne gwenaig eseafufum asa kam oniginafufum.”

1 Korin 14:14

Asa ka ming mona lagigba afa kana sungwabug eba Godim sihinago afa kana onigig eba mas enam anwenafeg mo.

1 Korin 14:2

Afa enaig wasneig eba elim suialafenig afa amban el sa ming mona lagig eba mango elim sihin mo amo ehe Godim mungu sihinag. Afa el mas enam mom anwenafi asa ehe Sungwabugni wasneigni nufunam meaganai mo sihig.

1 Korin 16:24

Sa ka Sisas Krais nai yi ka mungwali nem fwina membenig. Eba nufunam nemug feg.

2 Korin 1:20

Afa Godna mo sihi fwahanaba afa Krais ena mom sawifegim asa enam mungwali mo sihi fwahag ambala nufunam pugug. Asa Sisasna unehlag la bigel Godna unehlag fingi fig afa big esog, “Enaba nufunam!”

Sumi Yi Puguiag Mo 22:20

Afa el sa ena mo sihinaba enag ilawo sihig og, “Eba nufunam, eba ka ikagna blofe.” Eba esefe. Sisas Ainiyag au sa blo.

Sumi Yi Puguiag Mo 5:14

Afa sambaga sambaga sis blistanig esog, “Eba esefe” afa saglag el apaiyenam eheningina unehlagim fingi fiawagig.

Sumi Yi Puguiag Mo 7:12

enaig esogona og; Eba nufunam, biafgelni God sisi feba, asa big ehena unehlagim fingi fifie, afa ehe mungwali anwenafeg, sa big ehem suialag oni, sa ma mungwali ehem ahnai skaufini afa ehe wasneig fegim afa kigmog feg. Sa ma enaigna gwese wahkig gofi. Eba nufunam.