1 Korin 14:1 - Godna mo Awai mona go

¹ Afa membug nihem sa ne numwehe kehli afa mingnag Godna Sungwabugni wasneig gafa sa ne enam membinim fli. Afa Godna mo fli sihiag enag wasneig eba sa ne enam fwinam membenam fli.

1 Korin 14:1 ပူးပေါင်းရင်းမြစ်များ

Mo Pol Rom la nai Elim Ginofe Faini 12:6

Afa God siosim aflafenigim afa heafna sawiegim patalkugim afa bigim haig haig kigmog mimagenig. Afa atiaba el kigmogna Godna onigigim sihiago fefiba asa mangwal olug onigig la God ehem faig sa ma gwena nai yi fei.

Mo Pol Rom la nai Elim Ginofe Faini 14:19

Asa big fwina enaig nihem wasnei patalfu asa enag esinibi asa el mingnag el i suialag hawag ahfenam afa mingnagim wasneig gonifi.

Mo Pol Rom la nai Elim Ginofe Faini 9:30

Haig sa big esogofe? Afa afwambanai el mas enaig onigig fi sa ka Godna nof la afsug el afo. Eba ehengel olug onigigbi asa God ehengelim esenigbi asa ehengel Godna nof la afsug fifi.

1 Korin 12:1

Kana nilite koka nem sihinibi sa ne numwehe anwenafi asa haig haig wasneig Godna Sungwabug bigim faig.

1 Korin 12:31

Asa ne fwina enaig onigife mangwal wasneig sa kwania feg ka sa enam fla. Afa glau ka nem osihin mangwal nihe sa fwina goseg.

1 Korin 13:13

Afa sambaga mungu nihe gwese wahkig gohug eba Godim olug onigig i afa nengeafu God suialag bigim esenig i afa membenag nihe i. Afa membenag nihe enam nihem mungwali gose lambugu.

1 Korin 13:2

Afa atiaba God kam wasneig faigba asa ka Godna mo fla sihiaule el lofeg afa atiaba ka mungwali gawigim anwenafeg afa ka Godna mungwali meaganai onigigim anwenafeg afa atiaba kana olug onigig ihlafegba asa ka mugum esonafe sa hili ika afa ka nai yi elim membenig nihe gohug fwainigba eba ka esug feg.

1 Korin 14:22

Afa haig haig mona lagig wasneig Godna Sungwabug sa faig eba mango kristen elim ogfuni mo amo eba afwambanai elim ogfunig God eba wasneig feg. Afa Godna mo fli sihiaule wasneig eba kristen elim ogfufenuge eba mango afwambanai elni mo.

1 Korin 14:37

Afa amban esofe ka Godna mo fla sihiaule el feg afa Godna Sungwabug kam wasneig faig eba sa ma enaig onigifei mangwal sa ka nem ginofenig eba Ainiyagna wasneig mo.

1 Korin 14:39

Asa kana nilite sa ne Godna mo fli sihigim fwina membini afa nofeka ming mona lagigim kwena.

1 Korin 16:14

Afa mangwal sa ne eseg sa ne membug nihe la ese.

Efesus 1:3

Afa sa big Godna unehlagim fingi fi ehe God fegim afa Sisas Kraisna alag gafa feg afa Ainiyag Sisas Kraisna ehe bigim mungwali heven la nai gawig faigim afa enana bigelni sungwabugim kwaganig.

1 Tesalonaika 5:20

Afa sios nai el Godna mo fli sihiaule elni mo sihifini asa nofeka ena mom masig fatini,

1 Timoti 4:14

Afa maia siosna misog el nem kehlinibi afa el nem Godna mo faina asa ne Godna Sungwabugni wasneig flana. Afa nofeka enam yiskose.

1 Timoti 5:10

Afa mungwali el enag angwafigim enaig esonig ehe suialag nihe esena afa ehe luwaligim suialafenig afa afwambanai elim heafna lala gam wankag afa Godna elim ahnai skaufenigim asa ehengelni mongim giafenugeg, afa amban kinig yi pefe asa ehe ehengelim kwaganig afa haig haig suialag nihe eseg.

1 Timoti 6:11

Afa ne Godna el feg asa enaig nihem embem hilfuka. Asa neana nihe enaig suf eseg sa ne Godna sawieg patalkui afa Godna nihe esei afa Godim olug oniginai afa elim membeni afa kinig ne pugunaiba asa ne wasnei goh afa elim aflanam fenugei. Sa ne hwa nihem fwina kehla.

2 Timoti 2:22

Afa kwablog elni amtakwalig nihem nangunam sa ne embem ika. Afa suialag nihe, olug onigig nihe, mingnagim membenig nihe, afa olug enesiegna gohug nihe sa ne enaig nihem wasnei patalku.

Hibru 12:14

Afa sa ne ehengeposinim asa ne mingnag elim olug enesieg fegonim afa afsug nihem patalfu. Afa el enaig eseg fwainigba eba ehe mas Ainiyagim nangug mo.

2 Pita 1:7

Asa ne nilitem membig afa enaba God nai yi fwina onigig lugwag i waheg. Asa ne elim fwina membenig afa enaba nilitem membig i waheg.

3 Jon 1:11

Kana hihe, nofeka nangwaginam afa haig haig amtakwalig nihe patalku afa neau sa suialag nihe mungu patalku. Amban sa suialag nihe eseg eba Godna feg. Amban sa amtakwalig nihe eseg eba mas Godim nangui.