1 Korin 13:13 - Godna mo Awai mona go

¹³ Afa sambaga mungu nihe gwese wahkig gohug eba Godim olug onigig i afa nengeafu God suialag bigim esenig i afa membenag nihe i. Afa membenag nihe enam nihem mungwali gose lambugu.

1 Korin 13:13 ပူးပေါင်းရင်းမြစ်များ

Suialag Mo Luk Ginofena 10:27

Afa nihemo anwena el enaig esona og, “Sa ne Godim fwina membena. Afa nimbiafna olugni, onigigna sungwabugni afa wasneigni asa ne Godim membena afa sa ne nibeafna hihem fwina mebena asa nibefum enaig safafefe.”

Suialag Mo Luk Ginofena 22:32

Afa ka neana olug onigigim Godim sahnaiba eba mas neana olug onigig fwahie. Afa maia ne pese bloiba eba sa ne nimbiafna nilitem ehengelni onigigim fwaki lasanfe.”

Mo Pol Rom la nai Elim Ginofe Faini 15:13

Afa God mo sihi fwahana asa sumi yi bigim suialafiagefe. Afa maia ne ehem olug oniginibi ka membeg ehe nengelim esenibi asa ne fwina sifakalinim afa ne olug enesieg fi. Afa Godna Sungwabug nem wasneinigbi sa ne sumi yi nai puguiagim fwina oniginim nengeafufum.

1 Korin 14:1

Afa membug nihem sa ne numwehe kehli afa mingnag Godna Sungwabugni wasneig gafa sa ne enam membinim fli. Afa Godna mo fli sihiag enag wasneig eba sa ne enam fwinam membenam fli.

1 Korin 16:14

Afa mangwal sa ne eseg sa ne membug nihe la ese.

1 Korin 3:14

Afa suwi elni gafugagim lag fwainigba asa enag el enag enanam kig flafe.

1 Korin 8:1

Autunam ne kam fane mwakwal godim faig na mom sahini. Afa glanu koka enam sihi. Eba nufunam big suialag anwena ati flig. Afa el anwenagna fig eba hefum fingi fig afa el mingnagim membegonug eba mingnagim fingi fekukug.

1 Korin 8:3

Afa el sa Godim fwina membenag eba God ati ehem anwenafenag.

2 Korin 5:10

Afa maia Krais elim kwefihiag ofefiba asa bigel mungwali heafna nof la afohiefe. Afa mungu mungu el mangwal asa hwaig eligni esig suialagim afa amtakwaligim eba ehem mungwa faife.

2 Korin 5:15

Afa ehe mungwali elim lahagim asa kwaganig asa el nofkena augwia nofeka nimbefim onigi amo, enag el lahagim pese buhiag sa ne ehem oniginim patalfu.

Galesia 5:6

Afa bigel amban Krais Sisas nai yi safig afa sa enaig onigig ne fe. Afa elig kokwahiage nihe mas nem kweafui. Afa el eseg afa el mas eseg mo enag sambaganigi mas Godna nof la algana feg mo. Afa Sisasim olug onigig nihe eba elim membenig nihem ogfug eba naho nufunam nemugba.

Filipai 1:9

Afa ka Godim sahnaiba sama ehe nem enaig eseni asa ma nengelni membug pugu kwania feni. Afa nufunam onigig i afa suialagim kwefihiageg i gafa sama mungwali membug la wahegofi.

Kolosi 1:27

Afa heafna sawieg la heafna meaganai mo heafna elim ambala upugunig og sa ma anwenafi enaig suialag mo meaganai mungwali elim ika minefenig. Afa enag meaganai mo eba enaig esog Krais bigel nai yi sefu gofi asa big anwenafi Godba bigim sumi yi suialag feheagefe.

Kolosi 1:5

Afa maia ilawana suialag nufuna mo pugunaba ne higini afa mangwal suialag God sa nem sum yi faife asa ne enam oniginim nenge afo. Afa enaba heven la suialag gohba nem nengen go. Eba naho nengelni olug onigig i afa membug i mog feg.

Kolosi 3:14

Afa sa ne elim membegonig nihe fi. Afa enag niheba mingnag nihem gosenigim afa eba enam esenigbi asa mungwali wahegim asa mungwa gafuga suialag fig.

1 Tesalonaika 1:3

Afa God bigelni Api ati anwenafeg kagel mas etetig mo nengelni nihem sa ne esig. Afa neana gafugag sa ne eseg enag neana olug onigigim ogfug, afa ne elim membenigim asa ne fwina gafugafeg kwaganigim, afa ne olug onigig Ainiyag Sisas Krais nai yi sa ne lugwafiba eba mas ne fwahai.

1 Tesalonaika 5:8

Afa bigel osunai el feg asa big suialag onigigna gofum. Asa bigelni olug Sisas nai yi lugwafim asa elim membeg goni enag ofenaiba minailof big eligim kafug. Asa big enag onigigim kehli asa God bigim autunai la suialag gag faifi enag ofenaiba hat kapa big misog la fatig.

1 Timoti 1:5

Afa ka nem hwa mo sihinagba asa ka membeg el enaig flinim, suialag olug afa suialag onigig afa nufunam olug onigig. Enaigfibi asa mingnag elim fwina membenife.

2 Timoti 1:7

Afa Godna Sungwabug mas bigim embe onigig fai. Amo, heafna Sungwabug bigim enaig faig wasneig afa mingnagim membenig nihe afa nimbefim numwehefku nihe feg.

Hibru 10:35

Asa nofe kawo olug onigig fwahi eba God nem suialag mungwag nem faife.

Hibru 10:39

Afa mango bigelbi lakumues afuiag afa olug onigig awaieg el mo. Amo, eba ati big olug onigigbi asa God bigim lambig.

Hibru 6:11

Afa ka membig sa ne gwenaig gafugag gwesim fiafu maia ikan mungwali awaiegba. Asa suialagim ne nenge afofiba sa pugufe.

Hibru 6:19

Afa Godna mo sihi fwahag mo bigelni onigigim kike wasneig lambugu ofenaiba li bagag bite gam apaiyegim afa ligim wasnei ugu bifwatini. Afa Godna mo sihi fwahag mo eba li bagag lofug feg afa lofug Godna kwania lala kahli fwahini asa enag li bagag lofugim tigepig ikagim Godna afsug lala meg gam pugu goh.

1 Pita 1:21

Afa ne Kraisna mo kehligim asa ne Godim olug oniginig. Afa God ehem biteg kife nai ilafo fatigim unehlag kwania faig. Asa ne Godna mo oniginigim afa ne nenge afofofe ehe heafna mo eseba nufuna pugufefe.

1 Jon 2:10

Afa amban el heafna nilitem membenig enaig elbi ati ombusug yi go. Afa heafna nihe mas ambanim amtakwalig mina ukui.

1 Jon 2:14

Luwal, nengel Alagim ati anwenafini asa ka nengelim ginofenig. Saglag, nengel ehem ati anwenafini ehe autunam fena asa ka nengelim ginofenig. Kwablog el, nengel wasneig el afa Godna mo nengel kehligufuiaba afa ne Satanim ati filafig asa ka nengelim ginofenig.

1 Jon 2:24

Sa numwehe, hwa mo autunam nengel higig sa ne nugwe kehlifi. Asa ne enaig esigbi Alag i Leg i nem ahwan gofufe.

1 Jon 3:3

Afa mungwali el enam membig asa nengi afu og ka enam nangu asa ehengel heafgelni haig haig nihe lambaitifig. Ehengel onigig Sisas eba suialag el afa kagel gafa sa gwenaig esi.

1 Jon 3:9

Afa amban el eba Godna luwalig ehe mas enag amtakwalig mina fakafe mo asa ehe Godna mungu usumuna feg afa Godna nihe ehenai yi go. Afa God eba ehena Alag asa enag el mas haig haig mina gomine fefi.