1 Jon 3:14 - Godna mo Awai mona go

¹⁴ Afa bigel nilitem membegonig asa big anwenafi ati bigel lahagna mina fwahigim afa nofkena mina la afu. Afa amban el mas mingnag elim membenig mo eba lahagna mina la wahkig go.

1 Jon 3:14 ပူးပေါင်းရင်းမြစ်များ

Matyu 25:40

Afa misog el wahigi sihinifi og, ‘Ka nem nufunam mo sihinig ne mungu esug elim esinig eba kana nilite enaho ne kam esenag.’

Suialag Mo Luk Ginofena 15:24

Afa enaba eba hwa luwal kana ati awaiena afa glawaba ati pese blog nofkikena gohug. Afa mas awaieg mo.’ Afa sa kwania fane ahgamine fenam asa sifakalini.

Suialag Mo Luk Ginofena 15:32

Afa glawaba nawo sifakali sa ma bigna olug suiala fei neana sumineg ati ika awaiena afa glawaba pese blog nofkikena gohug, afa big ehem suluoflig.’”

Suialag Mo Luk Ginofena 7:5

Eba ehe bigim Ju elim membenigim afa laskuhlag lala kangelni nimblanig.”

Suialag Mo Jon Ginofena 13:35

Afa ne enaig esegba mingnagim membegonife asa mungwali el anwenafifi ne kana patalfuiag el.”

Suialag Mo Jon Ginofena 15:12

Afa kana nihe mo hwaig esog afa ka nem membenig asa nengel gafa mingnagim gwenaig esegoni.

Suialag Mo Jon Ginofena 15:17

Afa kana nihe mo enaig esog sa ne enaig esi, ‘Sa ne nimbefum fwina membeagi.’”

Suialag Mo Jon Ginofena 5:24

“Ka nem nufunam sihinig, amban el kana mo higinim afa Godim olug oninginigbi asa ehe kam ningihiag afa enag el wahkig nofkenagagna feg asa God ehem mas kwefihiagenam susug fai. Afa ehe lahagna mina fwahagim asa nofkenagag mina la go.

2 Korin 5:1

Afa bigelni elig ofenai kogma lala big augwia. Afa hwag bitenai lala noginam bwabuhia opefeba big anwenafig God bigelni ming lala nimblag fwahag. Afa enag lala mango el ningana nimbla mo. Eba God ehe heven la nimblag asa enag wahkig gofife.

Galesia 5:22

Afa maia Godna Sungwabug bigelim gofsenigbi asa heafna fug bigel nai yi leg enag fug eba, elim membug, afa sifakalig, afa olug enesieg, afa elim aflahlanam esenag, afa elim suiala onig fenig afa elim suialafenig, afa elim onigigna fenag.

Efesus 1:15

Afa ka nem beten ofenbi ka nem wahkig oniginigim afa ka Godim suiala onag. Asa ka higigba nengel Ainiyag Sisasim nufunam olug onigig ne finig afa ne mungwali Godna elim membeg fegonig.

Efesus 2:1

Afa autunam nengel ne haig haig nihe amtakwalig la afohieafnaba enaig nihe la nengelni sungwabug Godna nof la pigiafna.

Kolosi 1:4

Asa ati ka higig nengel Krais Sisasim olug onigig ne numwehe kehlig afa ne Godna elim mungwali membegonug.

1 Tesalonaika 4:9

Afa God ehe ati nem ogfunagim og sa ne nimbefum membiagi asa ka oksig enag mo pese ginofe nem faigim.

Hibru 13:1

Afa el sati Sisasim olug oniginig sa ne ehem fwinam membegoniafufum afa sa ne mungu nilite lofi.

1 Pita 1:22

Afa ne nufuna mo higigim patalfugba asa ne afsug fig afa ne Kristen nilitem membegonug. Afa enag membug onigig sa ma nengelni olug yi gofi.

1 Pita 3:8

Afa kana mo muhla fwahagim ka ofe. Sa ne mungu onigigna augu i afa elim aflafegon afa nilitem membegoni afa elim suialafehiagi afa haig haig tonbusugim fwati.

2 Pita 1:7

Asa ne nilitem membig afa enaba God nai yi fwina onigig lugwag i waheg. Asa ne elim fwina membenig afa enaba nilitem membig i waheg.

1 Jon 2:3

Afa bigel Godna mo higinim patal afufefiba eba ati ambala feg bigel ati ehem anwenafinig.

1 Jon 3:23

Afa heafna mo enaig esog sa ne kana Legim olug onigini eba Sisas Krais afa mingnag elim membenig ena mo Sisas ati bigim sihini.

1 Jon 4:12

Mas bigel amban Godim nangug mo afa bimbefum mungu mungu membeagibi asa nengel anwenafifi God bigim wangafufe afa heafna membug bigelni oningig la kwaniafefe.

1 Jon 5:13

Afa amban ne Godna Legna unehlagim olug oninginag ka nengelim ginofenig. Ka membeg nengel sa anwenafi nengel ati wahkig nofkenagag flig asa ka hwa mo nengelim ginofenig.

1 Jon 5:2

Afa enaig mina big anwenafig big Godna luwaligim membenig asa big Godim membenigim afa heafna mo mungu kehlifuia.