1 Jon 2:23 - Godna mo Awai mona go

²³ Amban Legim masig fatig eba Alagim gwenaig esenag. Afa amban Legim ahnai skaufenafe eba Alagim gwenaig esenag.

1 Jon 2:23 ပူးပေါင်းရင်းမြစ်များ

Matyu 11:27

“Kana alag kam mungwali gawig faig. Afa el mas Godna legimba anwenafig mo. Api munguhe ena luwalimba numweheg anwenafeg asa ena luwal apiim numoheg anwenafenag asa amban elim wegifwatigim alagim ogfunig.

Suialag Mo Luk Ginofena 10:22

Afa Sisas enaig esona og, “Kikeafna Alag mungwali gawig kana ninga la fwahag afa mas amban kana Alagba anwenafenag mo eba kike mungu fegim afa amban sa ka kikeafna Alagim ogfunig ena mungu he ehem anwenafinig.”

Suialag Mo Jon Ginofena 10:30

Afa ka i alag i kaningi mungu ahfeg.”

Suialag Mo Jon Ginofena 16:3

Afa ehengel Alag mi ka mi mas anwenafegonig mo asa ehengel enaig esifi.

Suialag Mo Jon Ginofena 17:3

Afa nufunam nofkenagag eba enaig eseg asa ehengel nem ati anwenafig ne nufunam God mungu feg afa ka Sisas Krais ne kam ningihiag.

Suialag Mo Jon Ginofena 5:23

Asa mungwali el sama Legim fingi fi gwenaig asa Alagim fingi fini. Afa Alag Legim ningihiag asa amban el mas ehem fingi fenag mo eba alagim gwenaig esenag.

Suialag Mo Jon Ginofena 8:19

Afa ehengel Sisasim sahini og, “Neana alag hanai yi maia?” Afa Sisas wahigi sihina og, “Ne kam mas anwenafinig mo, eba kana alagim gafa ne mas anwenafig mo. Afa ne kam ati anwenafinibi eba kana alagim gafa ne anwenafinig.”

1 Jon 2:22

Mwakwal elbi amban maia? Amban el enaig esofe Sisas mango Godna Gisfu Fwahag El mo enag el ehe mwakwalule. Enag elbi Kraisna angoluwag el feg. Ehe Alag mi Leg mi masig fatinig.

1 Jon 4:15

Afa amban el esofe Sisas eba Godna Leg afa God ehena olug yi ga afa ehe God i ahwag.

1 Jon 4:2

Asa enaig mina ne Godna Sungwabugim anwenafefe. Amban el esog Sisas Krais nufunam hwaig eligni lofug ati blog afa enaig mo eba Godna Sungwabugna mo.

1 Jon 5:1

Afa amban el heafna olug oningig og Sisas eba Godna Gisfu Fwahag El afa enaig el eba Godna Leg. Afa amban el alagim membenag asa heafna legim gwenaig esenag.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.