1 Jon 1:7 - Godna mo Awai mona go

⁷ Afa bigel ombusug yi afwaiyefiba asa God enaig esefe asa heafna Legna taf la bigelni amtakwaligim huguflafatife afa bigel mungu oningig mungwali laskuhlag.

1 Jon 1:7 ပူးပေါင်းရင်းမြစ်များ

Matyu 6:12

Asa ne kagelni amtakwalig mo esmunagim huguflaitini asa kagel gwenaig esig el kagelim amtakwalig gonug asa kagel ehengelim esmunagim huguflaiti gonug.

Suialag Mo Jon Ginofena 1:29

Afa ming osuna Sisas Jon nangum blofenaba asa Jon ehem nangonam esona og, “Sa nangu, enag el Godna sipsip luwalig oblo afa ehe bigelni amtakwaligim kufla fatiagim.

Suialag Mo Jon Ginofena 12:35

Afa Sisas sihina og, “Ombusug nengel nai yi mas wahkig gofi maia enag ombusug gofiba sa ne ati ika masa nem sikulufenafe. Asa el sinaini fakafe ehe mas anwenafe ehe asim ako.

Mo Pol Rom la nai Elim Ginofe Faini 13:12

Afa si ati ohuguka afa osu ati meyiofe puguiagim. Sa big sikulufegna nihe fwahinim afa ombusugni hagigna wag lambim.

1 Korin 6:11

Afa autunam nengel mingnag eba enaig el fini. Afa bigelni Ainiyag Sisas Kraisna unehlag la afa Godna Sungwabugni kigmog la God nengelni amtakwalig nihem huguflaitinig asa neba mungwali God heafna fig afa ne Godna nof la afsug el fig.

Efesus 1:7

Afa Krais bigim lahanigim asa heafna tafna bigim peseg lambigim afa bigna amtakwalig nihem hugflaitinig. Afa Godna kweafuag eba fwina kwania feg.

Efesus 5:8

Afa autunam ati ne sikulufeg la afofena. Afa maia ne Ainiyagna el figbi asa ne ombusug yi afohie. Afa sa ne ombusug elni nihem afohiefim.

1 Timoti 6:16

Afa ehe mas lahai afa ehe ombusug kwania nafeg mas amban ika muhla fenai. Mas amban ehem weti ga mo nangug mo afa mas amban ika ehem gafa nangui. Afa heafna kigmog gwenaig wahkig goh afa big sa heafna unehlagim fingi fifi. Ei, eba nufunam.

Taitus 2:14

Afa bigel amtakwalig esigbi afa ehe blogim lahagim asa bigim lambig asa bigelni amtakwaligim huguflafatig. Asa big heafna el mungu afohie afa bigelni sawieg suialag nihem big esig.

Hibru 9:14

Afa enaba Kraisna taf enam filafeg. Afa Krais mas mangwal weti fena mo afa wahkig gohug Sungwabugni wasneigni asa heafum Godim gwesim mungwali fainam asa lahana. Afa Kraisna taf bigna onigigim busfu klaitinig lahagna mina gam patalkuiagim asa big God nofkenagagim gafugafini.

Jems 1:17

Mungwalyi amang amang newug esel esegim yusug faiyig esel, enamba God mungo faiyini. God mungo bigim lahlag enag faiyini. Ena God Humwan mungwal afwambusugbi ehe mungo eseagena. Ena God Humwan enag osuwi gamba eseagena, mas esenam wahigimba fei osuwi sungwag lofug esel eseg yuwanam kwiye fena, enengim tumena. Enaigmba God mas esei.

1 Pita 1:19

Eba Kraisna taf fwina numwehe fukog enana God nem lambig. Afa Krais ofenaiba sipsip luwalig mangwal ehem feg fwainig asa Ju el sipsip tigi tuhlu Godim faig lofeg.

1 Jon 1:3

Kagel ati higig afa nangug afa nengelim sihigonug asa bigel mungu oningig fli. Sama Alag i heafna Leg i Sisas Krais olug usumuiag la bigim ahwangofi.

1 Jon 1:5

Hwa mo Sisas kagelim sihinigbi afa kagel higigim asa ka nengelim sihigonug. Enag mo enaig sihifeg Godba ombusug sikulufeg mas ehena yi go mo, eba awai nemug.

1 Jon 5:6

Afa Sisas Krais hwa bite la ati pe blog afa maia ehe bloba ehe sambaganingi mak ogfug eba bu i taf i. Afa bu eba ehe bu la pegim ogfug afa tafba heafna lahagim ogfug. Mango bu behig ogfuia mo. Afa eba Godna Sungwabug esog sambaganingi mak eba nufunam afa heafna mungwali mo eba nufunam nemug feg.

1 Jon 5:8

Afa Sungwabugna mo afa bu la pegna mo afa tafna mo eba mungu mo gi. Afa enag sambaga mungu mo esog Sisas eba Godna Leg.

2 Jon 1:4

God Api bigim wasneig mo faig. Maia ka nangwagigba neana mingnag luwal enag nufunam mo patalfugba asa ka sifakaleg.

3 Jon 1:4

Maia ka higigba kana luwal gwenai eseg asa ka fwina sifakaleg. Enag sifakalba kwaniafeg.

Sumi Yi Puguiag Mo 1:5

Afa Sisas Krais eba nufunam ambala sihiaule afa ehe goseg lahagim afa buihiag, afa ehe mungwali bite nai misog elim Ainiyag fenig. Ehe bigim fwina membenigim, afa lahagim asa heafna tafna amtakwalig nihe mo la nai bigim tigfe lambigim,

Sumi Yi Puguiag Mo 12:11

Afa Godna el hefum mas onigini mo, hefum pigegiba afa Sipsip Luwaligna taf i afa heafgelni nufuna mo i ehengel ati enana Satanim filafatig.

Sumi Yi Puguiag Mo 7:14

Afa ka wahigi sihina og, “Saglagluwal, ka mas anwenafeg mo. Sa kam sihina.” Afa ehe enaig sihifena og, “Sonag suialag elbi kwania kinig menai apukeg ambegim afa heafgelni lofug Sipsip Luwaligna taf la gigiafiagigbi asa ehengelni lofug busug feasaieg.