Yohanesi 5:2 - Anegisemee'm Mina Kapuge

² Kiyoo pakemana ko Yedusedem okaa yoo yau-yau eda da nda gine ona me ekaa da ko Dom'mba Gine to. Kena me gine me nda ndemita mugo ndoe, pasi kaa kiyoo uwo ndoo mbee ona aoo. Me uwo ndoo mbee me ekaa da ko Besesida uwo ndoo da, Ibedani ebe kaa mina aseke kindo. Kena Besesida uwo ndoo mbee me yau-yau kiyoo ko tukuu oba wei-paina ebaa ndo apoei-pai semapea se ee waa edibi aoo.

Yohanesi 5:2 ပူးပေါင်းရင်းမြစ်များ

Yohanesi 19:13

Yahudi bage waa ekii'm asipea mina ku yei yako Pidatusi wai wa'm tentada bage ku waya se asina ko “Yesiusi me tapato pi-bada yamawewee,” aseke. Tapato pi-bada yamawena ko ebo mina, mina dasi na se yoo ona kiyoo aoo. Me ekaa da ko “Oma Kade-Pade se Ae da.” Me ekaa da me Ibedani ebe kaa mina aseke kipii kindo Gabata se asiyaa. Me kaa pemana ko Pidatusi wai mee'm awake-awake ndamana mina pikamoo sisi na ebo animana ta se yoo me kaa pake-animake.

Yohanesi 19:17

Yesiusi bada yamadona peta mugo ndoe, odi paku yawiimbea eda piya aoo se piya tukuu me me, me Yesiusi wa'm doke. Me dopeana me kota okaa yoo me yau kaa kiyoo maa ona me kaa pemagea. Me maa me ekaa da ko “Momkeo mugo Yoo.” Ibedani ebe kaa mina kipii kindo ko “Gogota” maa se aseke.

Yohanesi 19:20

Kena se wudumai ndoe, mina tuma ona ndo se ku tau. Ibedani mina nuwa, Datin mina nuwa, Yunani mina nuwa, ku ebe kaa mina wido se wudumapi. Waya wada nda Yesiusi eda piya aoo se piya tukuu me kaa paku yawemapea yoo me Yedusedem okaa yoo kam pasi se yoo kiyoo paku yawemapea. Ku kumana Pidatusi wa'm Yesiusi kaa wudumapi mina ku Yahudi bage ese oba mugo pi-ndamawe nakea.

Yohanesi 20:16

Se asemana Yesiusi wai “Madiya woe!” aseke. “Madiya woe,” se asita mugo ndoe Madiya wai wa mbaya emba matana “O, me Yesiusi ae,” se nigimai yako “Edabuni woe!” se aseke. (Edabuni aseke kindo me Ibedani ebe kaa mina “Tupeke Mee to,” se asiyaa mugo dodo.)

Yohanesi 5:3

Kena ku ebaa ndo apoei-pai semapea se ee waa ku nda ndaa omita semuu nakea se bage waa ku ese oba aoo. Ebanaa ku emaa diyoo aoo se bage waa. Ebanaa ku peao kana se bage waa. Ebanaa ku owita se bage waa. Ku mugo maboo aoo se mee kooda waa kiyoo omita nakea. [[Mbao awaao kan kiyoo ndo omita nakea ee? Tau na. Ebanaa se gado epo wado mee to ona wai Anegisemee mbo kam endidona me uwo ndoo mbee me me, me beba siyaake. Beba siyaai sita mugo ndoe, yau-yau maa buboo kaa si maaneke aoo se bage waa ekii me uwo ndoo mbee me nda oika pi-ndemeke. Oika pi-ndemita mugo ndoe, ese wa kita pi-ndem'pi mee me me, wa'm maa buboo kaa si maaneke kao me wa tao yadano kiyaake. Wadobo sipea mugo ku iyo. Ku se ku aoo kaambi yoo dito taao kan me uwo ndoo mbee yau-yau omiweena dito siwoo simea.]]

Yohanesi 7:21

Se asemana Yesiusi wa'm ambewaake mina me se asina ko “Ni ko ni Hadi Seab'tu gapi, daa se gapi toke se dodo me kaa ko mee ona wa'm kee me yadano kiyaama. Se nadegea yako eki otuma ‘Yai! Wa daa tamapi ae!’ se nanigimea.

Edaseo Bage 21:40

“Bada o. Ase o,” aseke. Kena ko Paudusi wai enda gumbo da me kaa inewena ekii kooda koo yayito sisi na yaa ane-ane se. Yaa ane-ane semana ku mee kooda waa ku otuma ese mike mina koo tomu se kidai. Ese mina koo tomu nakea se dena ko Paudusi wai Ibedani ebe kaa mina, mina enei se.

Wahayu 9:11

Ku ebondu kooda waa ku wado ese ata emi tau ebo toke se mbaa mbato ona aoo. Me mbaa me ekaa da ko Ibedani mina kipii Abadoni. Eé, Yunani mina kipii Apodioni. Me mbaa mbato me me, wa'm ebo toke yoo me yugindaa otou tau kiyoo ndigi kema ndigi tau se gumo da me nda kiyoo ebo tutai se mbaa mbato. Se. Edibi aoo me epo wado mee to wa'm tuwoo-tuwoo awe da minasiyaake se dodo me kaa kiyoo ni'm se dema.