Yohanesi 4:53 - Anegisemee'm Mina Kapuge

⁵³ Ekii'm se asita mugo ndoe, naamee me me wa'm nigina ko “Ai, ai. Etomana, yam 1 se dodo me kaa me Yesiusi wa'm ‘Ayombai si buwaambi nde,’ se nasimi se gumba me kaa kiyoo wa'm kee ku bada keopi ae,” se nigeke. Se nigimai yako wai Yesiusi kaa “Mike ae,” yanigeke. Kena wa'm ee nda togea bage en'ndo otuma ku nde miya Yesiusi kaa “Mike ae,” se yanigimagea.

Yohanesi 4:53 ပူးပေါင်းရင်းမြစ်များ

Mandiusi 8:13

Se asemana Yesiusi wai me Edoma tentada dito se mee to se asina ko “A'm ee kaa peae,” aseke. “Kase enta mugo ndoe, a'm nigina ko ‘Yesiusi wai ni'm masii naamaseke mee to wa'm kee ku yaadano kiyaao sekii ae,’ se nanigipe. Se nanigipe kumana a'm naedaape kui, se kaawaanka nde,” se aseke. Yesiusi wa'm se asita mugo ndoe ogiyoo me masii yaamata se mee me me, wa'm si maaneke kao ku yadano kiyaapi kidai. Se.

Dukasi 19:9

Kena Yesiusi wa'm Seakeusi se asina ko “Ni ko ni Mee Yombai. Kena ni'm ndanda me ko me se de. Ni ko Anegisemee mbo peao kana se bage waa ku mugo bage ebinaa se mee to, me ni,” aseke. “Waya wada nda ku mugo bage ekii tao Anegisemee mbo pakesi na se enda da yaawadeke. Ku taao kan one nadamamea koena,” aseke. “Kiyoo kam ni'm kaseao gai se mina ona me ko me se de. Me Seakeusi me me wa'm dimina da me ese eduga tomi se Abedaham wa'm dimina da mugo dodo. Ku kaa kiyoo wa mike Abedaham wayombai mugo dodo se mee to se deo,” aseke. “Kum seta kaa ni Seakeusi nuwa, wa'm ee nda togea bage waa ku nuwa, ku ni'm eki tao enda kaawadeo,” aseke. “Kase mugo enda ee? Tau, eki'm woo-woo se ku si em kadasi na se enda da. Aii Anegisemee mesema omiwoo towoo sisi na se enda da. Me mugo enda da eki tao kaawadimapa,” aseke. “Ese ni'm awawoo taao kan sipa ndanda kui,” aseke.

Yohanesi 4:51

Omai tukuma waya muuna endeta mugo ndoe, maa kaa kiyoo wa'm wa tao masii yaamata se bage waa ku mesema ade se. Ku mesema ade sita mugo ndoe ekii'm se asina ko “Tau, ayombai me a'm eduga mbeasime sese mugo dodo tau. Endo kee ku etaa kiwoo nai kumana si buwaambi, ae se nigeo,” se asigea.

Yohanesi 4:52

Kena naamee me me wa'm asina ko “Wa'm kee ku mbeenaa etaa kii ae se deta mugo ndoe, yam moo mugo se demea naa ya?” se aseke. “Tau, Etomana daamee epopi wado yam 1 mugo wa'm kee kaa ndani ku dano kimi ae se dema,” se asigea.

Edaseo Bage 11:14

Bada kaamawena mina kanige-manesi nde. Wa'm kasiisi mina ku ko ku Anegisemee wai a'm woo-woo se nuwa, a mesema togea bage otuma ekii'm woo-woo se nuwa, ku kaa em si kadasi na mina waa. Ku omiwoo towoo katoyaasi na mina waa,” se nasimi,’ aseke. “Konediusi wa'm se nasemana ko

Edaseo Bage 16:15

“Mike ae,” se nigimana wa nuwa, wa'm ee nda togea bage waa ku nuwa, ku enii'm uwo ndoiba yatakumewee se. Uwo ndoiba yatakumeweena ko Didiya wa'm nasina ko “Ni'm dimina eki epi. Ni Tuhani kaa dimina ona ndo kan ‘Mike ae,’ yanigipa ae se nanigeke kumana ni'm ee nda mi-omiwee taae,” se aseke. “Mi-omiwee taae, mi-omiwee taae,” oba se naseke kumana enii wa'm ee kaa pi-omiwee se. Se awamea.

Edaseo Bage 16:34

Uwo ndoiba takumewena ko peniyada ee dito se mee me me, me akaai bada madona wa'm ee kaa waya pemake. Wa'm ee kaa waya pemana noke kao “Eewee,” se aseke. Mee me me wa'm dimina nda ese bani-bani se aoo. Wa nuwa, wa'm ee nda togea bage ku nuwa, ekii otuma Anegisemee kaa “Mike ae,” se nigimagea yako ku otuma ese bani-bani se aoo. Se nigimea.

Edaseo Bage 18:8

Paudusi wa'm enipi mina yito sipea bage oba mugo “Mike ae,” se nigigea. Yahudi bage ekii'm andagatake ee ebo dito se mee to Kedisipusi me nuwa, Kedisipusi wa sepaao ku nuwa, Kodintusi okaa yoo togea bage ekii oba mugo ku nuwa, ku se ku Tuhani'm mina kaa “Mike ae,” se nigigea. “Mike ae,” se nigimana ko uwo ndoiba takumeweke ebeabea da yaawagea. Se.

Edaseo Bage 2:39

“Wa'm Anegisemee Dim'mba eki tao kaniimbi mina da me ko me ese ndumbo mina kaseo. Kaniimbi ko kaniimbi koya eki ndo se ku tau. Eki nuwa, eki'm wado one dake bage ku nuwa, ese bende oga kaa togea se bage ku nuwa, ku otuma mike Anegisemee Dim'mba maniimbi sima,” aseke. “Enii'm Tuhani Anegisemee me ko wa'm ‘Ni mbaya bage kaae,’ se asipi bage kuwa ku wa'm Dim'mba mike maniimbi se bage waa,” aseke. “Me ese ndumbo okaa mina se kaseo,” aseke.