Yohanesi 4:3 - Anegisemee'm Mina Kapuge

³ Se asemana “O, Padisi bage ku ni kaa mina se yepea ae,” se nigimai yako Yesiusi wai wa'm tupinaa se bage mesema ekii ndepo kiyoo kam batana pegea. Gadidea maa me kaa kiyoo waya peao kan Yudea maa kaa batana pegea.

Yohanesi 4:3 ပူးပေါင်းရင်းမြစ်များ

Mandiusi 10:23

“Kena ni kaa mina donaa asinaa se se dodo me kaa ko kiyoo toke bage ku peu-pau bodi se kao kaawake kipii kindo ko me okaa yoo kam oika oona wa-nini okaa yoo peae,” aseke. “Ndumbo mina kasiinka ndeo. Ni kaa mina asinaa se se dodo me kaa Isedeo maa kaa okaa yoo en'ndo otuma odeeniyaan tau yoo, me kaa miyo Mee Yombai, ni ko, ni kita waya ukaata sima,” aseke.

Madakusi 3:7

Ken ndo waa ko Yesiusi mesema wa'm tupinaa se bage mesema ekii ndepo uu ndoo da yau kaa petakea. Uu ndoo da yau kaa peta mugo ndoe mee ekii kooda waa namba wa ogudi metakea. Mee kooda kuwa ebanaa ko Gadidea maa kaa tuta se bage waa. Ebanaa ko Yudea maa kaa tuta se bage waa.

Dukasi 17:11

Ea na gapi Yesiusi wai Yedusedem okaa yoo peao kan peta mugo ndoe Semadiya maa naa, Gadidea maa naa, ese epopi nda me nda petai.

Yohanesi 1:43

Omai tukuma Yesiusi wa'm nigina ko “Gadidea maa me kaa peemba ae,” se nigeke. Se nigimana peta mugo ndoe, wai mee ona wa mbo kita pi-ade taao gai. Mee me ekaa da ko Pidipusi. Pidipusi wa ko wa'm ebo kimi se okaa yoo me An'dedeasi mesema Petadusi akaa'm ebo kimea se okaa yoo mei! Me okaa yoo me ekaa da ko Betaida okaa yoo. Kena Yesiusi wa ko wai me Pidipusi me me yadeta mugo ndoe wa'm se asina ko “Pidipusi woe. A ko a ni'm tupinaa se bage kisi nde, ni mesema penaa taa nde,” aseke.

Yohanesi 10:40

Yesiusi wa kiyoo kam pedona Yodani uu de kaa me ata yau kaa waya pemake. Me kaa waya pemana ko kiyoo towee nai. Wa'm towee se yoo me ko me Yohanesi wa'm ese eduga edugana ko uwo ndoiba mee yatakumewee simi yoo, me kaa kiyoo pi-towee simi.

Yohanesi 11:54

Ku kumana ko Yesiusi wai Yahudi bage'm emaa misi kaa aii se si penaa se. Wai, wa'm tupinaa se bage mesema ekii ndepo kiyoo kam batana Epadaim okaa yoo pi-towee simea. Me okaa yoo me ko me mbeenaa mee tuwaan tau yoo maa ndani se maa me kaa pasi se okaa yoo. Kiyoo pi-towee simea.

Yohanesi 2:11

Yesiusi wa ko wai wa kaa epi kisi na abayai se ebeabea da waa ku oba awami. Ku oba awami koya wa'm ese eduga edugana awami me ko me Gadidea maa kaa kiyoo Kana okaa yoo me kaa awami kasipa mei! Kena wa'm me gapi awami me kaa kiyoo ko wai mee'm emaa misi kaa se yaadeyaana ko wa ko wai ese abayai, wa-nini se mee to ae se yaadeyaami. Ku kindo ku degea yako wa'm tupinaa se bage waa ekii'm wa kaa “Mike ae,” nigeke dimina da me waya oyu kidai.

Yohanesi 3:22

Ku semana ndo waa ko Yesiusi wai wa'm tupinaa se bage mesema ekii pedona Yudea maa me kaa pemake. Me kaa pemana ko okaa yoo ukaan tau. Okaa yoo si ukiin ndo aii maa kaa kiyoo ndo omiwee se. Ekii ndepo onu mbeenaa oba mugo omiwee sita mugo ndoe, mee waa ku nde miya uwo ndoiba yatakumiyaabuu siwoo nakea.

Yohanesi 3:32

Ku koya Yesiusi wa ko tau. Wa'm Siduga maa kaa demi-demi se mina nuwa, yemi-yemi se mina nuwa, ku se ku nanige-mane siwoo nai. Ku kaa nanige-mane siwoo nai koya wa'm mina yeao gai se bage waa ku mbeenaa aoo kumana waa ko emi tau kiyaa.

Yohanesi 4:47

Wayombai kee aoo kumana Yesiusi wai Yudea maa kaa kam Gadidea maa kaa ukipi se mina yeke se dodo me kaa mee me me wai Yesiusi mbo peao kan pei. Mu, mu, muuna ko omai tukuma Yesiusi mbo memai se dodo ndoe, wa'm Yesiusi mbo se edaana ko “Niyombai wa'm kee me ese ebo, ese mike buwaao pasi. Ku kindo wa mbo yugiyoo endemana wa'm kee ku yadano kiyaake bada yee?” se edaake.

Yohanesi 7:1

Ku semana ndo waa ko Yesiusi wai Gadidea maa me nda ndaa penaa se. Gadidea maa me kaa penaa se koya ogiyoo Yudea maa me nda penaa taao be. Yahudi bage'm ebo se bage waa ku Yesiusi yambatumaao gai kumana kiyoo peao be.