Yohanesi 4:12 - Anegisemee'm Mina Kapuge

¹² “Kena me uwo woewe se gumo da me me, me enii'm taii, Yakubi me me, wa'm enii tao nemi se uwo woewe se gumo da. Kena me nda uwo ku ese dama se uwo. Kase enta mugo ndoe, Yakubi nuwa, wayombai waa ku nuwa, wa'm maneke se-kao we-kao ku nuwa, ku otuma me maa gumo ebe da me kaa kam uwo woewena nowoo simea. Yakubi wai miga uwo nemi koya a ko ai mee toyaasi na uwo ku neao sekii se nasipe kumana ku mina kaa kiyoo ‘Ni ko ebo. Yakubi wa ko mbeedi,’ se mina ku naseao kan sipe yee? Yai, me mike mina baa!” aseke. Me ambii me me wa'm se aseke.

Yohanesi 4:12 ပူးပေါင်းရင်းမြစ်များ

Mandiusi 12:42

“Kena ona me ko, ese edugana ko Sieba maa me kaa kiyoo ambii ona aoo. Me ambii me me wai Sieba maa wado ese ata emi tau ebo tomi se ambii to. Mee ambii me me wai Isedeo maa wado ese ebo tomi se Seadomo wa'm dim pame se mina ku yeao gai kumana Seadomo mbo pemi. Wa mbo pemi se dodo maa ese ebo, se ene! Me ambii me Seadomo wa'm mina ku yeao kan maa ebo pemi koya ndumbo mina kasiinka ndeo. Seadomo wa ebo ko ebo koya tau. Wa mbeedi. Ese ebo me ko me endo se gumba ko eki'm emaa misi kaa ukipa mee to ni ko ni ese ebo se mee to. Ni ese ebo se mee to koya eki ni'm mina ku nayeao be se kadeo. Eki ni'm mina nayeao be kumana ko ese anikee waa Anegisemee wa ko wai mee'm woo-woo se kaa ndamana mina daasi se gapi pakemai ndoe, Sieba maa kaa ebo tomi se ambii wai eki Yahudi bage eki kaa asiisi mina ku se de. ‘Ka, ka, ku dee! Ekii ni'm sese awaao daan sipea koya awaan tau kumana ekii'm woo-woo se ku dee!’ se mina se ku Anegisemee mbo kasiisi. Ese ebo em kadasi na se kasiisi,” aseke.

Yohanesi 4:13

Se asemana Yesiusi wai me ambii me se asina ko “Me uwo me nopea se bage waa ku en'ndo otuma waya wadobo uwo naadi kaambea.

Yohanesi 4:20

Ku kumana bubeke mina ona kasiinka ndeo. Semadiya maa nakayoo ndii ona me ekaa da ko Gedisim ndii da. Kena me ndii da me kaa kiyoo ni'm taii kaa bage waa, Semadiya bage'm eedoo bage kuwa ekii Anegisemee yapapa siwoo simea se ndii da. Ku koya Yahudi bage eki ko eki'm tupina ko Anegisemee yapapa taao gai kipii kindo ko Yedusedem okaa yoo kiyoo ndo yapapa taao sekii se tupitakea. Ku kindo a'm nigeke kase?” aseke. Ambii me wa'm Yesiusi se asin.

Yohanesi 4:5

Wa'm se nigimai yako Semadiya maa me nda peta se. Semadiya maa me nda peta semuu sita mugo ndoe, Sikada okaa yoo pasi me kaa pemake. Sikada okaa yoo pasi se maa me ko me eduga tomi se Yakubi wa wayombai, Yusepi me me, wa tao manimi se maa.

Yohanesi 4:6

Kena me maa me kaa kiyoo ko me Yakubi wa'm ese eduga edugana maa nda keami se uwo woewe se maa gumo ebe da me nde miya kiyoo aoo. Ku kindo ko me uwo woewe se gumo da me kaa ukita mugo ndoe, Yesiusi wai kinu-panu kan pasi kaa animana tomu se. Mbeenaa daamee epopi se dodo me kaa wa'm se awake.

Ibedani 3:3

Ku kindo Musia mesema Yesiusi akaa mbeenaa dodo ko dodo koya mbeenaa tau. Kase enta mugo ndoe, Musia wa'm awami ku kaa kiyoo enii “Awan simi! Awan simi!” se aseao sekii koya tau. Yesiusi wa'm sese ese asiyoo kumana wa ekaa da ebo yambeana yapapa taao ndo sekii. Ku kaa dama masimasea na mina ebeabea da kasiinka ndeo. Maa kaa se-ee we-ee en'ndo otuma ku aii wanigee aoo kiyaabuu sipea se ee waa se ku tau. Ku otuma mee'm memamea se ee waa. Ku kumana ee ona me kaa yaapake bada yee? Tau na. Me ee me mepi se mee to wa ekaa da ndo ebo yambeana “Meen sipi! Meen sipi!” se aseao ndo bada. Ku mugo yaa, se-kao we-kao en'ndo otuma anegi semami mee to me Anegisemee. Ku kindo ko Yesiusi wai ee meke mee to mugo dodo. Musia wa ko wai Yesiusi wa'm memami se ee to mugo dodo se mee to. Ku kumana Yesiusi wa ekaa da ebo yambeana yapapa taao ndo sekii.