Yohanesi 17:9 - Anegisemee'm Mina Kapuge

⁹ “Endo ko ni maa en'ndo otuma mee endo otuma ku kaa kasetaake se ku tau. A'm neme se bage waa ku kaa ndo kasetaake. A'm neme bage ku a'm bage kumana ekii kaa ekii tao kasetoo naka.

Yohanesi 17:9 ပူးပေါင်းရင်းမြစ်များ

Dukasi 22:32

“Ku kumana Simoni woe. Ibedisi wa'm se kaoya-oya taambi ku kaa kiyoo a'm ni kaa ‘Mike ae,’ nanigeke se dimina da me dim wiya-wiya kaase. Ai ni kaa dim wiya-wiya kaase koya a'm ni kaa ‘Mike ae,’ nanigeke se dimina da waya wadobo oyu kise na Anegisemee mbo se kaasetoo sipa,” aseke. “Ku kaa kaasetoo sipa kumana a'm dim wiya-wiya se dimina mbanamana waya ni kaa dimina ona ndo kaase. Kam waa ko ai ni kaa waya dimina ona ndo yaa mu-mu sita mugo ndoe, kiyoo kam ni mbaya bage ogu ku ekii tao oyu se dimina pi-yatakuniyabuu taae,” aseke.

Dukasi 23:34

Ku semana ndo waa ko Yesiusi wa'm Anegisemee mbo se asetaana ko “Naamaa woe. Ekii'm naawagea ku si nige-neke kan naawagea kumana ku kaa em si yadaae! Aii wisin'taao ndo bada,” se asetaake. Se asetaana ko tentada bage kuwa ekii Yesiusi'm manaa se kao ku maseao kan ku mii'm na, naa masiimbi ee, mii'm na, naa masiimbe ee ku deao kan idede ade nakea.

Dukasi 8:34

Kena ku se ku demana ko egina dito se bage kuwa ekii oika pegea. Oika peta mugo ndoe, ekii'm depea mina ku dopeana mee mbo asinaa se. Mee mbo donaa asinaa sita mugo ndoe, me okaa yoo me nda tutakea se bage nde miya asinaa se. Me okaa yoo me yau-yau maa kaa tutakea bage waa ku nde miya asinaa se.

Yohanesi 14:16

“Kena ni, ni'm Naamee mbo pemana ko ni'm Naamee mbo mina kaaedaata, Dim Kakumake Mee to kanesi nde. Mina ku kaaedaana waa ko ni'm Naamee wai a Dimina Kakumake Mee to, Anegisemee Dim'mba me me, me eki tao kaniisi. Eki tao kanena ndo waa ko wai eki mbo si kabataambi. Eki'm awake-awake ku kamaaniyaasi na Anegisemee Dim'mba wai eki mbo ndo omiwoo towoo taambi,” aseke.

Yohanesi 17:2

“Ni'm abayai ebo toke yoo ku mbao awasi na ee enta mugo ndoe, mee tuma kaa bage en'ndo otuma ku ni'm guna miyo se naambeasime se bage waa. Ku aii se ebo nambeasime se ku tau. A'm neme se bage waa ku en'ndo otuma ku tao omiwoo towoo yatoyaabuu taao sekii kisi na ese ebo nambeasime,” se aseke.

Yohanesi 17:20

Yesiusi wa'm waya Anegisemee mbo se asetaana ko “Naamaa woe. Ni'm kasetaake mina me ni'm tupinaa sipa se bage waa ekii kaa ndo yaasetaao kan sipa mina se ku tau. Dee, ni'm tupinaa se bage ku ko ekii ni kaa mina ku dopeana mee mbo donaa asinaa taasea. Kena ekii'm asinaa se mina ku yegea yako ogu bage waa ku nde miya ‘Mike ae,’ nanigaasea. Ku kumana waya wadobo ‘Mike ae,’ nanigiwoo taasea se bage waa ku kaa nde miya yaasetaao kan sipa,” aseke.

Yohanesi 17:6

Kena Yesiusi wa'm waya Anegisemee mbo se asetaana ko “Naamaa woe, maa kaa togea se bage waa, ebanaa ku a'm bage waa. Ku mugo bage ku a'm ni'm yaa da kaa neme se bage waa. Ku nena ndo waa ko ku a'm sese ku uwa da kaa yadeyaabuu sipa. Waya wada nda, a'm mina ku yanige-manena ndo waa ko ekii si taman ndo dama yaa mu-mu nakea se deo.

Yohanesi 6:37

Yibanda kiyaa, Anegisemee Naamee wa'm ni tao newoo nai se bage waa ku otuma ni mbo meembea. Kena ni mbo mepea se bage waa ku ona kaa miya si yaeba-mbeasiimba. Endo nde miya, anikee waa nde miya mbeenaa kaa miya si yaeba-mbeasiimba.

Yohanesi 6:39

“Kena nameyaami Mee to me mbao awasi na nameyaami ee? Tau, ona me ko wa'm ni tao nepi se bage waa ku ni'm ona kaa miya si oseoyaasi na nameyaami, me ona. Ona me ko ese pake-takanu se gapi me kaa ko ku bage kuwa ku ni'm maa poo yoo yandomei-paina yatoyaabuu sisi na nameyaami, me ona.

Ibedani 7:25

Yesiusi wai enii tao omiwoo towoo semuu nai se imam mee to kumana wa'm yaa mu-mu nai se ndanda ona me ko wai enii tao Anegisemee mesema epota kaa mee to se towoo semuu nai. Wai epota kaa mee to kumana wai enii kaa enii tao Anegisemee mbo “Yagane kaae. Yagane kaae,” se mina naa-eniwoo nai. Ku kaa kiyoo kam enii Anegisemee mesema apoemana wa mbo pasi kaa pi-tuwaao gai kipii kindo ko Yesiusi wa kaa “Mike ae,” yanigaao ndo sekii. Kase enta mugo ndoe, wa kaa “Mike ae,” se yanigeke bage ku Yesiusi wa'm dama yatoyaabuu taao sekii se bage waa. Ekii'm woo-woo se kaa mbeenaa kaa miya em si yadan ndo omiwoo towoo yatoyaabuu taasi se bage waa kui.

Ibedani 9:24

Keditusi wa'm awami ku kaa dama nigi si pe taae. Wai mee'm memea se maa ee me nda pi-ndemaan tau. Maa kaa maa ee to me Siduga maa kaa mike aoo se ee to me kaa aii iya-iya da se ee me ndo. Ku kumana me mugo maa ee to me nda si ndemina ndo Siduga maa me kaa pakeke. Me kaa pakemana ko Anegisemee'm egi kaa kiyoo pi-tomu se. Kiyoo pi-tomu nai se dodo me kaa aii se tomu se se ku tau. Wai enii kaa enii tao naedaawoo taao kan kiyoo pi-tomu siwoo nai.

1 Yohanesi 5:19

Enii'm ese epi kitakea se mina ku se de. Ona me ko enii ko enii Anegisemee wa'm yopaa se bage waa, me ona. Ona me ko enii'm yau-yau bage ku en'ndo otuma ku dim peu se Ibedisi wa'm guna miyo tutakea se bage waa, me ona, wiya.

Wahayu 12:9

maa yoo wamoo-pamoo semake. Me hayoiyo me mesema wa'm guna miyo epo wado bage waa ku mesema ku otuma maa yoo wamoo-pamoo semapea. Se dema. Maa yoo wamoo sipea se em'mbee hayoiyo mbato me me, me ese eduga tomi se hayoiyo mbato. Me mee en'ndo otuma maa en'ndo otuma yadeba siwoo nai se hayoiyo to. Wa ekaa da ona me ko Ibedisi. Ona me ko Seatan. Me hayoiyo me me, maa yoo wamoo sipea. Se dema.

Wahayu 13:8

Ku kaa kiyoo mee en'ndo otuma ekii me emii me kaa yapapa siwoo taambea koya Keditusi wa mbaya bage ku ko tau. Dee, ese eduga edugana ko maa nuwa, epo nuwa, ku se ku anegi semaan tau yoo kapuge ona aoo. Me kapuge me ko me mee'm mbatumamea se Dom'mba Yuwa to wa'm kapuge to. Kena me kapuge me nda wudumina ko omiwoo towoo tuwaasea se bage waa, ekii ekaa da waa ku me nda wudumami. Kisena ndo waa ko aii dodo wudumami bage kuwa ekii me emii me kaa si yapapa taasea se bage waa. Aii ogu bage ku ndo yapapa siwoo taasea, dim peu se emii me kaa. Se dema.