Yohanesi 13:9 - Anegisemee'm Mina Kapuge

⁹ Se asemana Simoni Petadusi wa'm se asina ko “O, ku kindo Tuhani ni bado ku ndo nawiseke ku tau. Ni'm bado mesema, yaa-yaa, moo ku nde miya nawiseta taae,” aseke.

Yohanesi 13:9 ပူးပေါင်းရင်းမြစ်များ

Mandiusi 27:24

Mina ebo se woewoo sita mugo ndoe Pidatusi wa'm nigina ko “Yai, ni'm aseao kan sipa mina ku otuma aii bada kaambi, ae,” se nigeke. “Waya wada nda ku mee kooda waa ku yima kiki kan yai-yai taankea ae,” se nigeke. Ku se ku dei yako ekii'm emaa misi kaa kiyoo wai uwo masewena wa yaa ku wiseke. Wa yaa ku wiseta mugo ndoe wa'm se asina ko “Ni yaa ku wiseke me ko me ni'm si maaneke awaan tau ae se desi na se mina ebeabea da mugo dodo se awaa. Kase enta mugo ndoe, me Yesiusi me yambatumake kindo wa'm emu yaogayaake ku eki'm tambea-tambea awake. Ni ko tau. Se kadeyaao kan sipa, eki'm emaa misi kaa yaa wisemapa,” se aseke.

Yohanesi 13:10

Ku koya Yesiusi wa'm se asina ko “Tau. A'm bado ku ndo sekii,” aseke. “Kase enta mugo ndoe, mee ona wai wa'm maa buboo ku otuma uwo wisemana ndo waa ko mbeenaa penaina waya ukeke se dodo me kaa ko wa'm maa buboo ku waya si wiseke nde miya sekii. Wa bado ku ndo mbeenaa maa kibunipi kumana ku ndo wiseao ndo bada,” aseke. “Ku mugo yaa, ni'm kadena ko eki ko eki maa emi tau se bage waa se kadeo,” aseke. “Se kadeke ko se kadeo koya eki mbaya mee to ona me ko wai maa witaan tau se mee to mugo dodo, se deo,” aseke.

Yohanesi 13:8

Ku koya Petadusi wa'm asina ko “Tau na. Endo nde miya anikee waa nde miya, ni bado ku mbeenaa kaa miya si nawiseta taambe sima!” aseke. Kiyoo kam Yesiusi wa'm se asina ko “Tau, si kawiseke waa, a ni mbaya bage taa kiyaa,” aseke.

Ibedani 10:22

Kum seta kaa, enii ndepo Anegisemee mbo pasi kaa kiyoo pi-tomu taao ndo bada. “O ni naa awaao sekii ee? Awaao iyo ee?” se dimina me si nigaae. Me enii'm mike awaao sekii se kao koena. Dee, eduga ko imam se bage waa ku Anegisemee kaa yapapa taao gai se dodo me kaa ko Anegisemee'm emaa misi kaa dau kisi na ekii uwo wisewoo simea. Waya ekii kaa to emu iyewita simea. Ekii'm awamea sese ku Yesiusi wa'm enii kaa naawami sese mugo dodo. Dee, Yesiusi wa'm awami me kaa kiyoo me enii'm maa buboo ku kaa ese maa mbeenaa kaa miya emi tau se uwo nawisemami mugo dodo. Me wa'm emu ku enii'm dimina da kaa iyewita simi mugo dodo. Se na-iyewita simi kumana enii kaa to “Aa-oo, ni peu-pau awapa ae,” se dimina da me me, me mike dano. Me mugo dimina me wa'm emu'm nawise-mbeasimi se dimina da mugo dodo koena. Ku kumana dim si wiya-wiya kaae. Ese dimina ona ndo kan Anegisemee kaa yapapa taao gai se dimina me ndo yaa mu-mu taae. Me yaa mu-mu sita mugo ndoe, “Mike ae,” nigimana Anegisemee mbo pasi kaa pi-tomu taae.

1 Petadusi 3:21

Kena ku uwo kuwa ku Keditusi wa'm naawami ku kaa mina ebeabea da mugo dodo. Dee, enii Keditusi mesema dipinimapea kumana enii'm woo-woo se kaa em si nadana ndo dama natoyaabuu nai. Ku kumana enii Keditusi mesema dipinimapea ae se desi na uwo ndoiba takumeweke ebeabea da awake. Me mugo awake se dodo me kaa me enii'm maa buboo ku maa aoo kumana uwo wiseao kan se ku tau. Waya na kiyaa Yesiusi Keditusi wa'm maa poo yoo ndomami yoo me kaa kiyoo enii'm dimina da nda woo-woo se ku naawise-mbeasipi kidai. Kena ku uwa da kaa deyaao kan uwo ndoiba takumeweke ebeabea da awake. Waya wa'm naawise-mbeasipi se dimina me kaa kiyoo kam enii Anegisemee mbo ese oyu kan se asina ko “A'm gai-gai ku ndo kaawawoo taamba ndeo,” se aseke.