“Waya ni'm kasipa mina ebeabea da me kaa ese mike mina kasiinka ndeo. Ni'm kasipa ebo se mee me me, wa'm ukeke yoo me ndee me epopi naa ukaambi ee? Ese au mbimbi naa ukaambi ee? Ku si nige-neke kumana dimina wodonina yadito siwoo nakea kipii kindo ko me maaneke,” aseke. “Kase enta mugo ndoe, wai wa'm ee kaa ukeke se dodo me kaa ko dimina wodonina dama yadito nakea se masii yaamata se bage waa ku wa'm dama aya yadotaa taambi se bage waa mugo dodo,” aseke. “Kena me ebo se mee me me wai wa'm masii yaamata se bage waa ku kaa dama aya yadotaa taao kan wai wa'm dama se duka bea-mana masii mata nakea bage waa ekii'm manaa se kao ku masewena matake. Ku mugo manaa se kao matana wa'm se asina ko ‘Ni'm ukeke yoo dama nadito sipea se bage waa woe! Noke kao nosea na noke kao mbembo taamba se piya kade da me yau-yau animawee,’ se asiimbi. Se asemana ebo se mee to wa ndo eki tao noke kao ku do-mena, ‘Ee, ee, ee,’ se asiimbi,” aseke. “Ku mugo yaa, ni'm waya wadobo ukaata yoo namba kui kaata kumana dama nadito sisea na kasipa,” aseke.
Yohanesi 13:4 - Anegisemee'm Mina Kapuge4 noke kao n'takea se dodo ndoe, Yesiusi wai inewena, wa'm eduu se maawiya me bea-mana mbeaseke. Mbeasemana ko waya kaini masewena kapindau sese bibinimana matake. Ese yaa pineana masi mata se mee to wa'm sese mugo dodo. အခန်းကိုကြည့်ပါ။ |
Yohanesi 13:4
9 ပူးပေါင်းရင်းမြစ်များ
Kena Yesiusi wai wa-nini mina se asina ko “Ekimugoi nakawaa ona me ko wai wa'm wa tao yaa pineana masii yaamata se mee to se asina ko ‘Ni'm bayoo kiyoo iyoo wesi na yoo maa pi-naakeawe!’ se aseke. Waya ‘Ni'm dom'mba egina waa ku pi-naadito taae,’ se mugo mina me nde miya aseke. Se asemana wa'm masii yaamata se mee to wai ku se ku pi-awawena ee kaa ukita mugo ndoe wa'm ebo bage'm kase asiyaa?” aseke. “ ‘O, paamee! Noke kao nose na kiyoo animaa,’ se asiyaa yee?
Tau na!” aseke. “Me wa'm yaa pineana masii yaamata se mee to kumana ‘Paamee,’ se mina si aseao ndo sekii. Kase enta mugo ndoe, wa'm ‘Pi-naawaae,’ se asipi mina ku wa'm masii yaamata se mee to wa'm ese tamaao kana se mina koena. Wa'm tamaao kana se mina ku ndo awawoo sipi kumana ‘Paamee,’ se mina ku si asiyaa. Waya na kiyaa ebo mee to wa'm asiyaa mina ku se de. ‘Namo naadi keo. Dama se duka mamana noke kao pi-naayuwewee,’ se asiyaa. Waya ‘Pi-naayuwemana namo mesema uwo ku ni tao naado-meae,’ se asiyaa. ‘Ni ko a'm ebo bage kumana ni kita naditona nao kao nom'tana waa ko a namba namo mesema uwo ku naambe nde,’ se asiyaa,” aseke. “Me wa'm yaa pineana masii yaamata se mee to kumana ku mugo oyu se mina ku ndo asiyaa,” aseke.
“Ku kaa mina ebeabea da me ko me se de. Mee akaa wiya aoo. Ona me ko aii animana noke kao n'tai se mee to. Ona me ko wa tao noke kao yadoi se mee to. Ku wiya ku kaa deke se dodo me kaa noke kao n'tai se mee to me ebo yee? Wa tao nao kao yadoi se mee to me ebo yee? Tau na, noke kao n'tai se mee to me ebo,” aseke. “Ku kaa kiyoo ni'm kaseao kan sipa mina me ko me se de. Ni'm sese ko noke kao yadoi se mee to mugo dodo,” aseke. “Kase enta mugo ndoe, ni ko ni ebo ko ebo koya tau. Ni'm eki mbo tuta se ku ese eki tao masii kaamata se mee to mugo dodo se towoo naka. Ku kumana ni'm sese ku ekokedona ekimugoi nakawaa tao dama tosi na kao yaawawoo taae se kaseao kan sipa,” aseke.
Ogu bage tao aii se maneao kan, eki'm epi se mina, Tuhani Yesiusi Keditusi wa'm aii se dama natoyaabuu simi se mina me ko me kaa dama nigi si pe taae. Dee, Yesiusi wai maa kaa ukaan tau yoo wai Siduga maa me kaa kiyoo ese sinowi se mee to towoo simi. Ku koya wa'm sinowi se toke yoo batana bakata se mee to kimi. Mbao awaao kan bakata kimi ee? Tau na. Wa'm sinowi ku eki kaa nde miya kasinowi kiyaao kan bakata se mee to kimi.