Yohanesi 11:3 - Anegisemee'm Mina Kapuge

³ Wai kee meaneke kumana wa'm okiya waa wiya akaai ku mina ku Yesiusi mbo pi-asisi na mee ona yapeyaake. Kena Yesiusi mbo pi-asisi na mina ku se de. “Tuhani woe. A'm ese embaake se akamoo wa ese kee aoo,” se mina se ku doyaake.

Yohanesi 11:3 ပူးပေါင်းရင်းမြစ်များ

Dukasi 7:13

Kena Tuhani Yesiusi wai me ambii me dei ndoe ese yagane kii. Ese yagane kina ko “Si yee semuu taae,” se aseke.

Yohanesi 11:1

Mee ona wa ekaa da ko Daseadusi. Wa'm okiya waa wiya aoo, ona Madata, ona ko Madiya. Madiya wa ko wai eduga Yesiusi bado kaa dama eponu aoo se uwo gabemaake. Ku gabemaana ko wa edoyoo'm bado ku kaa wudumeke. Madiya me me wa'm se awami. Ekiikinaa bage wido ku ko ekii Betaniya okaa yoo toke. Betaniya okaa yoo tuta sita mugo ndoe, Daseadusi wai ese kee meaneke.

Yohanesi 11:11

Se asemana Yesiusi wa'm waya se asina ko “Enimugoi Daseadusi wa onu omapi. Onu omapi koya yaanooweyaao kan peenka,” aseke.

Yohanesi 11:21

Madata wai Yesiusi mesema pi-ade sita mugo ndoe, wa'm Yesiusi se asina ko “Tuhani woe, a nakayoo aoo waa, niwinaa si boyaa,” aseke.

Yohanesi 11:36

Yee se se dodo me kaa ko Yahudi bage ekii'm se asina ko “Yesiusi wa'm dimina da me dewee! Wai Daseadusi bota da ese yaembaake aoo, ae se deo,” se asigea.

Yohanesi 11:5

Yesiusi wai Madata nuwa, Madiya nuwa, Daseadusi nuwa, ku ekiikinaa bage ese embaake koya wai dime kan ekii mbo mani si peke.

Yohanesi 13:13

“Dee, ni ko ni eki'm emaa misi kaa ebo se mee to se nadegea yako eki'm se nasina ko ‘Natupeke Mee to woe,’ kena ‘Ni'm Ebo se Tuhani woe,’ se natakea. Ni'm sese kui kumana eki'm natakea ku ndumbo.

Yohanesi 13:23

Ku semagea ndoe Yesiusi wa'm ese yaembaake se tupinaa se mee to wai Yesiusi wa'm meyaa yato pasi kaa animana tomu nai.

2 Timotiusi 4:20

Edasetusi wa ko wai ni mesema nakayoo meen tau. Wa ogiyoo Kodintusi okaa yoo me kaa ndigi. Kena Todopimusi me nde miya nakayoo tau. Anai ogiyoo Midetusi okaa yoo kiyoo aoo se dodo me kaa wai kee meanii yako “O, a kiyoo ndo taa taae. Ni ndo peen ndeo,” se asima. Ku kumana wa namba nakayoo tau.

Wahayu 3:19

Ku mina ku aii se kasipa se ku tau. Ni ese kaembaake kan kasipa. Kase enta mugo ndoe, ni'm ese embaake se bage waa ku ni'm dim koeta se se bage waa dodo. Ku ni'm tupita se bage waa dodo. Si kaembaake waa, si kasiyaa. Ku kumana eki'm ni kaa dimi wiya-wiya se dimina ku wananiyaae. Dimina ona ndo kan ni'm dimina me ndo dowoo taae. Se.