Wahayu 8:5 - Anegisemee'm Mina Kapuge

⁵ Se awamana ndo waa ko me epo wado mee me ko wai mesiba bidea tuku kaa kam bidea maseweke. Bidea masewena wa'm yimkaa dopi awe da me nda domaake. Me nda domaana ko maa me kaa wamaake. Maa me kaa wamaana peo ndoe yaabebeo-yaabebeo, geemuu-geemuu, bo ndukuu mina - bo ndukuu mina, maapui-maapui, yai, se ene!

Wahayu 8:5 ပူးပေါင်းရင်းမြစ်များ

Dukasi 12:49

Kena Yesiusi wai wa-nini mina se asina ko “Ni'm maa kaa memama me ko me aii se memama se ku tau. Kase enta mugo ndoe, ni'm awaao kan sipa me maa kaa eki kaa bidea kaegamoo siyaa sese mugo dodo,” aseke. “Endo nde miya me mugo sese amba ndaga taao oowoo se nigeke koya

Edaseo Bage 16:26

Ku yito sita mugo ndoe kuhai-kuhai ese em'mbee maapui mei. Yai, ebo! Ese em'mbee maapui kumana peniyada ee tukuu mbembo sipea yoo ku beba siyaake, yai! Ese beba siyaai se dodo ndoe, peniyada ee gine ku otuma wadita-pata. Waya esimba mbembo sipea bage waa ekii'm epetapea besi one waa ku otuma ogitapea.

Edaseo Bage 4:31

Anegisemee mbaya bage se asetaana ko ekii'm andagatapea ee me me, me ese beba se aoo kidai. Me ese beba se aoo kidai se dodo me kaa ko Anegisemee Dim'mba wai wa'm yaa mani da ekii'm dim'mba nda otuma yakumake. Yakumai yako ekii widaa tau kan Anegisemee mina ku mee mbo pi-eniwoo nakea.

Wahayu 11:13

Se detaka ndoe, ese me gado me kaa kiyoo ese em'mbee maapui meyaai. Ese em'mbee maapui meyaai yako me okaa yoo me nda kiyoo ee waa oba mugo omiyaabuu se. Ona omiyaake, iyee ku toyaake. Ona omiyaake, iyee ku toyaake. Kisee ee en'ndo otuma kui. Kena me maapui me kaa buwai-pai semapea bage ku ese oba. Ese 7.000 mugo ku kisiu buwai-pai semapea. Ku semai ndoe buwaan tau se bage waa ku ese widaagea. Ku ese widaagea yako Anegisemee kaa yapapa se. “Yai, Siduga kaa toi se Anegisemee wa ese asiyoo! Wa'm yaa mani da ese wa-nini kumana mataae!” se asiisea se dema.

Wahayu 11:19

Kena ndo waa ko ni waya se dena ko Anegisemee wa'm Siduga nda okaa ee me gine watai se dema. Gine watana esimba nda deke se dodo me kaa Anegisemee'm okaa mee tupisi na mina awe da se dema. Se deta mugo ndoe yaabebeo nuwa, bo ndukuu nuwa, geemuu tatakea ku nuwa, maapui ona me nuwa, kena ese yai sida uwo mugo oma mbane-mbane mugo edii wetai ku nuwa, ku se ku aoo kidai se dema. Gine watai ndoe se dema.

Wahayu 4:5

Kena ese epopi nda se ebo animana ta se yoo kiyoo kam metakea se dena ko yaabebeo-yaabebeo, geemuu-geemuu, bo ndukuu mina - bo ndukuu mina ku se ku metakea se dema. Kena ebo animana ta se yoo me kaa embato kiyoo dena ko bidea aoo se osee amba dada kiyoo aoo ae se dema. Ku osee amba dada kuwa ku aii osee waa se ku tau. Ku ese oyu kam oyu se Anegisemee Dim'mba to mei!

Wahayu 6:12

Ken ndo waa ko Dom'mba Yuwa wai kapuge kaa ndaginimake kao bidimi aoo me opitake. Opitai se dembea ndoe abayai! Ese maapui ebo meyaai. Daamee nde miya andagiseopi. Ese yai se tuku epoda mugo dodo kidai. Kena aumo nde miya otuma emu epoda mugo dodo kidai.

Wahayu 8:3

Se dena ko wa-nini epo wado mee to ona mitai se dema. Ona mitai se dena ko wai medona mesiba bidea tuku me pasi kaa kiyoo mi-tomu nai se dema. Kiyoo mi-tomu nai se dodo me kaa wa'm yaa da kaa kiyoo dona ko me eamasi awe da dopi se dema. Me awe da me me, dama eponu aoo se kao bidea kaa yitaasi na se awe da, me mugo awe da yaatoo nai se dema. Se yaatoo nai se dodo me kaa dama eponu aoo se kao ku nde miya maneke. Bidea kaa yitana dama eponu pesi na se kao kuwa ku mugo kao ese oba maneke. Ku oba manina ko me epo wado mee me me, wai ku dama eponu aoo se kao ku nuwa, Anegisemee'm daa wenimapi bage waa ekii'm asetoo simea - asetoo simea mina waa ku nuwa, ku se ku dipinimana Anegisemee tao “Ee,” se aseke. Aii se “Ee,” se aseke se ku tau. Dee, mesiba bidea tuku me me, me Anegisemee wa'm ebo animana ta se yoo me kaa kam embato kiyoo aoo.