Yesiusi wa'm se asina ko “Ndumbo mina kasiinka ndeo. Anikee waa Anegisemee wai yipi se maa aoo kiyaana ko me maa me kaa kiyoo Mee Yombai, ni ko ni, ni'm ese abayai se ebo animana ta se yoo me kaa animaata. Me kaa animana ese ata emi tau ebo toke se dodo me kaa ko ni ogudi penaa se bage waa, eki ko eki namba ebo animana ta se yoo haas kumana bado kaa wiya ku kaa animaasea. Ku kaa animana ko Isedeo bage'm taii waa haas kumana bado kaa wiya kuwa ku wado ese ebo tuta taasea,” aseke.
Wahayu 7:4 - Anegisemee'm Mina Kapuge4-8 Yaa dine yamamapea kuwa ku otuma Yahudi bage waa. Ku Yakubi wado one dawoo taasea se taii waa, haas kumana bado kaa wiya kuwa. Ona me ko Yehuda taii. Ona me ko Edubeni taii. Ona me ko Gadi taii. Ona me ko Asieda taii. Ona me ko Napatadi taii. Ona me ko Manasiye taii. Ona me ko Simeoni taii. Ona me ko Ndewi taii. Ona me ko Iseakada taii. Ona me ko Sebudoni taii. Ona me ko Yusepi taii. Ona me ko Beniyamin taii. Ku taii haas kumana bado kaa wiya kuwa yamama semake. Kena yaa dine ebeabea da yamamagea ndoe mee en'ndo otuma yamamapea se ku tau. Taii ona kaa 12.000 yamamapea. Taii ona kaa 12.000 yamamapea. Kise, kise, Yahudi taii waa en'ndo otuma kui. Kam waa ko ni mina ona me se yena ko “Yaa dine yamamapea kuwa ku otuma dipinimana eake kipii kindo ko 144.000 (sedatusi dibu wado em'pas pudu em'pas dibu), ku kisiu aoo,” se mina yema. Se. အခန်းကိုကြည့်ပါ။ |
Wahayu 7:4
17 ပူးပေါင်းရင်းမြစ်များ
“Se awawena ndo waa ko masii yaamata se mee to wa'm se asina ko ‘Ni'm ebo se mee to woe. A'm “Pi-awaae,” se mina ku awawepa,’ aseke. ‘Ku mugo bage otuma ku pi-bada-mawena ee nda mi-yambeasipa koya mee oba ko oba koya ee nda ese simi se ku tau. Noke kao nosi na animake yoo ku mbeenaa koma toi,’ se aseke.
“Ese ebo tosi na se yaa mani da kadotaapa kumana anikee waa ni ko ni ese ata emi tau ebo toke se dodo me kaa ko eki ko eki aii mbeedi se bage waa tuwaasea se ku tau. Eki ni mesema ebo animana noke kao nuwa, uwo nuwa, ku n'ta semuu siwoo taasea kui,” aseke. “Waya wada nda, ebo animana ta se yoo ku kaa nde miya animaasea. Ku kaa animana ko Isedeo bage'm taii waa haas kumana bado kaa wiya kuwa ku wado ese ebo tuta taasea,” aseke.
“Ese ata emi tau ebo mee to woe. Yahudi bage ekii'm ni kaa nasina ko ‘Paudusi wai peu-pau awami. Ese peu-pau awami,’ se naatakea koya tau. Ni'm dim'mba nda em'ndoo naka se kao, kena nabeagea bage'm dim'mba nda em'ndoo nakea se kao ku dodo ndo,” aseke. “Dee, Yahudi bage en'ndo otuma, enii taii waa haas kumana bado kaa wiya kuwa, enii otuma omiyaa siyaa ku ndo dimina ona ndo kan Anegisemee yapapa semuu naka. Yapapa naka se dodo ndoya wa'm enimi mina pi-pamaasi yoo me em'ndoo nakea. Me ko ese ni'm em'ndoo naka mei!” se aseke.
Kena Isedeo taii kaa bage waa, Yahudi bage kuwa, ekii kaa amanimami mina me wa-nini nabi se mee to, Yesiaya me me, wai mina ebo mbeana se enina ko “Tuhani Anegisemee wai mee tuma da kaa bage em yadake se dodo me kaa ko ekii'm woo-woo se en'ndo otuma ku kaa em yadaao kan yamina si yaana okaa em yadaasi sima. Ku wa'm sese se em yadaasi kumana Isedeo taii se bage waa ku mbeenaa ndo osipimaasi. Endo ko Isedeo bage ku ese eaao kana se bage waa, ese maakaa uwo ii da kaa eaao kana se ii mbane-mbane kooda waa mugo dodo koya tau. Ese mbeenaa ndo osipimaasi,” se enimi.
Aba. Me kapuge me ko me ni, Yakobusi, ni'm kaawudumeo se kapuge. Ni ko ni Anegisemee mesema Tuhani Yesiusi Keditusi mesema, akaa kaa akaa tao ndanda yaawawoo naka se mee to. Endo se gumba Yesiusi kaa “Mike ae,” se nigeke se Yahudi bage ku ko ku sisi mbimbi semagea yako maa en'ndo maa ku kaa kiyoo pi-towoo nakea se bage waa. Ku kindo ku mugo bage eki tao kapuge eewee. “Aba, aba,” se kaseo.
Kena ndo waa ko ni'm waya se dena ko Yedusedem okaa yoo kiyoo ndii ona aoo. Ndii ona me ekaa da ko Sion ndii. Kena Sion ndii me kaa deta mugo ndoe, Dom'mba Yuwa se mee to se dema. Dom'mba Yuwa me kiyoo inewena tomu nai se dema. Kena wa mesema tomu se se mee kooda waa 144.000 ku kisiu ku namba dema. Ku bage ku kaa deta mugo ndoe, ekii etu kaa kiyoo ekaa da wiya wudumapea ae se dema. Ona me ko Dom'mba Yuwa to wa ekaa da me ona. Ona me Dom'mba Yuwa wa'm Naamee ekaa da me ona. Ku ekaa da wiya ekii etu kaa wudumei-pai semapea se dema.
Kena waya wada nda ni'm se yena ko yipi se euu mina en'takea se yema. Yipi se euu mina en'takea ku ko ku 144.000 se bage waa kasipa kuwa, ku se ku yipi se euu mina en'takea se yema. Me ekii'm ndo epi kaao sekii se euu mina. Ogu bage'm epi kaao kana se euu mina. Se en'takea se yema. Ku mugo euu mina en'takea se dodo me kaa ese ata emi tau ebo toke se Anegisemee to wa'm egi kaa kiyoo en'takea. Kiyoo en'takea se dodo ndoe, iyaao takea se emii wui kuwa ku nuwa, kudoo-padoo se ebo bage waa ku nuwa, ku ekii'm egi kaa kiyoo nde miya euu mina en'takea, se yema. Dee, ku 144.000 se bage ku ko ku maa kaa togea se bage waa koya ekii'm woo-woo se ku otuma okaa gapemapi se bage waa se dema.
Yaa ekatana yapeyaana ko ku epo wado bage kuwa ku yape maseao kan pegea. Kena ekii wui ku ndo pegea se ku tau. Ekii mbaya yape masisi na se bage waa, ese yai eaao kana se mee kooda waa ku nde miya bada yamadona pegea. Mee'm na-eaa manipi ku kaa kiyoo ku tentada bage eake kindo ko duwa datusi yuta (200.000.000), ku kisiu aoo se na-eaa manipi. Kena ku se ku deta mugo ndoe maa moo penaa se tau. Ekii kuda kamino duwa da kaa pakaanina penaa nakea se dema.
ကြော်ငြာတွေ