Wahayu 7:3 - Anegisemee'm Mina Kapuge3 Mina ebo se woena ko “Odi ndeo! Maa nuwa, maakaa uwo nuwa, piya waa nuwa, ku se ku si maaniyaake ku mbeenaa odi ndeo! Kase enta mugo ndoe, enii'm Anegisemee to wa'm gai-gai yaawawoo nakea se bage waa ku maa kaa ndigi. Ku kindo ku bage ku kaa enii kita ebeabea da yamamaanka ndeo. Ekii etu kaa Anegisemee'm yaa dine ebeabea da waa yamamaanka bada. Ku enii kita yaa dine yamamana ndo waa ko eki wui eki maa ku si maaniyaambea bada o,” se aseke. Se asemana ko ku mugo bage ekii etu kaa yaa dine yamamake. အခန်းကိုကြည့်ပါ။ |
Wahayu 7:3
31 ပူးပေါင်းရင်းမြစ်များ
“Kena ndo waa ko tuwoo-tuwoo awe da ona me ese mina ebo se ‘Puu,’ ata mugo ndoe, ni'm epo wado bage waa ku yapeyaabuu taata. Ku yapeyaabuu sita mugo ndoe daamee wokumo yato nde miya, daamee yagokumo yato nde miya, ndee yato nde miya, awea yato nde miya, naa mu naa yapeyaao, naa muu naa yapeyaao maa en'ndo otuma se yapeyaabuu taata. Ni'm eki-nini wenimapa se bage ku en'ndo otuma pi-bada naamawee sisi na epo wado bage waa se yapeyaabuu taata,” aseke. Yesiusi wa'm se asimi.
“Kena mina ona me ko ni'm gai-gai ku ni tao naawawoo taao gai kipii kindo ko ni ogudi medona ni'm sese ku ekokeduwaae. Kena ni'm gai-gai naawanaa se mee to wai ni mbo ndo tuta siwoo taambi. Waya wada nda, Anegisemee Naamee wai me mugo mee to wa ekaa da ese ebo yakiyaabuu taasi,” aseke. Yesiusi wa'm se tupimi.
Ku koya Anegisemee wa'm yameyaami mee to, Yesiusi me me, wai wa'm nanige-maneke mina waa ku ese Anegisemee wa'm enipi mina waa kui! Kase enta mugo ndoe, Anegisemee wai wa'm Dim'mba me Yesiusi tao maniwoo nai koena. Mbeenaa ndo tau. Ese oba wakiki siyaai yako wa'm Dim'mba otuma Yesiusi tao “Ee,” se maniwoo nai. Waya Anegisemee Dim'mba wa'm si dan ndo yakumawoo nai kumana me kaa kiyoo kam Yesiusi wa'm eneke mina ku otuma Anegisemee wa'm enipi mina waa ku ndo eniwoo nai. Kum seta kaa mee ona wai Yesiusi wa'm enipi mina ku kaa “Mike ae,” se nigeke kipii kindo ko me dimina da me kaa kiyoo ko wa'm uwa da kaa se deyaana ko “Anegisemee wa dim dake emi tau. Wa'm enipi mina ku otuma mike ndumbo se mina ndo ae,” se deyaake mugo dodo.
Se asemana wa'm waya se asina ko “Endo ko mee en'ndo otuma ni'm mina nayito taae,” aseke. “Ebo bage nuwa, mbeedi se bage nuwa, sinowi se bage nuwa, bakata bage nuwa, yaa pineana masii matakea se bage ku nuwa, yaa pineasiin tau se masii matakea se bage waa ku nuwa, eki en'ndo otuma ni'm mina nayito siwee!” aseke. “Endo ko eki'm maa buboo kaa ebeabea da wudumewee,” se aseke. “Aii yoo wudumeke se ku tau. Meyaa yato yaa da me kaa nde miya bada o. Etu kaa kiyoo nde miya bada o. Ku kaa ebeabea da wudumewee,” se aseke.
“Ku kaa ebeabea da wudumeke se dodo me kaa eduga edugana ukipi emii to wa ekaa da wudumeke me nde miya bada. Wa ekaa da si wudumeke kipii kindo ko wa ekaa da kaa nomodo me nde miya wudumeke bada. Kase enta mugo ndoe, me ebeabea da me ko me se-kao we-kao edisi na se ebeabea da. Me ebeabea da emi tau kipii kindo ko mee mbo pi-yaedeke sekii tau. Mee agumee nde miya a mbo mi-kaedeke sekii tau. Aii bada ndo. Ku mugo ebeabea da waa emi tau kindo. Ku kumana mee en'ndo otuma me mugo ebeabea da wudumewee,” se aseke. Eduga edugana ukipi emii to wa'm sipi mugo egipemapea kao me me, me'm se aseke.
Kena ndo waa ko ni'm waya se dena ko Yedusedem okaa yoo kiyoo ndii ona aoo. Ndii ona me ekaa da ko Sion ndii. Kena Sion ndii me kaa deta mugo ndoe, Dom'mba Yuwa se mee to se dema. Dom'mba Yuwa me kiyoo inewena tomu nai se dema. Kena wa mesema tomu se se mee kooda waa 144.000 ku kisiu ku namba dema. Ku bage ku kaa deta mugo ndoe, ekii etu kaa kiyoo ekaa da wiya wudumapea ae se dema. Ona me ko Dom'mba Yuwa to wa ekaa da me ona. Ona me Dom'mba Yuwa wa'm Naamee ekaa da me ona. Ku ekaa da wiya ekii etu kaa wudumei-pai semapea se dema.
Ku epo wado bage wiya ku pegea se dodo me kaa akaa ogudi mitai se epo wado mee to waya ona aoo. Me wido aoo me se epo wado mee to me ko wa namba mina ebo mbeana se enina ko “Dim peu se emii to wa kaa yapapa se bage ku kaa nuwa, wa'm sipi mugo mbato yapapa se bage ku kaa nuwa, wa'm ebeabea da me yaa da kaa ebeabea da wudumapea se bage ku kaa nuwa, etu kaa ebeabea da wudumapea se bage ku kaa nuwa,
Kase enta mugo ndoe, Babeo okaa yoo me kaa em yadake se dodo me kaa ko ese dama ese ndumbo ndo em yadamapi kumana mataae! Dee, me kota okaa yoo me me, wa'm peu-pau awawoo sipi ku eneke sekii tau. Ese tubaka awaao kan edeke se ambii to wa'm sese mugo dodo. Ku kaa kiyoo maa en'ndo otuma mee en'ndo otuma wa mesema tubaka awawoo simea, me ona. Ona me ko Anegisemee wa'm wa tao ndanda yaawanaa se bage ku nde miya mbatumei siwoo simi, me ona. Kum seta kaa Anegisemee wa'm em yadamapi ku ese ndumbo ndo em yadamapi. Enda-gambe se mbeenaa kaa miya emi tau. Mee'm si maaneke awamea ku kaa dodo ndo em yadamapi kumana wa kaa ‘Paamee, mataae,’ se aseao ndo bada,” se en'takea se mina se yema.
Ku koya me Ibedisi me me wai yapamitana kiyoo ndigi kema ndigi tau se maa gumo da me nda towee se se dodo me kaa ko ni waya asiyoo Siduga kaa kiyoo se dena ko ebo animana ta se yoo oba mugo ku nde miya dema. Ken ku kaa animana takea se bage waa ekii tao manina ko ebo tosi na se yaa mani da maneke. Mbao awasi na ebo tosi na se yaa mani da manipi ee? Tau na. Mee'm awake-awake ku ndamana “Me dama. Me peu,” se pikamoo sisi na ebo tosi na se yaa mani da yamatapi ae, se dema. Ku dena ko waya wa-nini bage waa ku nde miya dema. Ku wa-nini bage ku deta mugo ndoe, ekii'm maa buboo ku si deke. Ku mee'm oo tukai-pai semana yambatumei simea se bage waa kumana, ekii'm dimina da waa ku ndo dema. Dee, eduga ko ku bage kuwa ekii'm mee'm mbatumaan tau se yoo se dodo me kaa ko ekii'm sese ku se de. Ekii dim peu se emii to me nuwa, wa'm sipi mbato mugo kao me nuwa, ku se ku mbeenaa kaa miya yapapa taan tau se bage waa. Kena dim peu se emii to wa'm ebeabea da me ekii yaa da kaa nuwa, ekii etu kaa nuwa, ku kaa ona kaa miya ebeabea da wudumaan tau se bage waa. Yibanda kiyaa ekii Yesiusi kaa mina donaa asinaa simea se bage waa kimea. Ku Anegisemee'm mina eniwoo simea se bage waa. Ku se ku awawoo simea kumana mee'm yabeagea yako oo tukai-pai semana mbatumei simea se bage waa. Ku mugo bage waa ekii'm dimina da waa ku namba dema. Se dena ko ekii maa poo yoo yandomei-pai se dema. Maa poo yoo yandomei-pai semai yako Keditusi mesema ese ata emi tau ebo towoo nakea se dema. Daamee endii pakei 1.000 omaasea ku kisiu ekii ebo ndo towoo nakea se dema, maa poo yoo yandomei-pai semapi se dimina kooda waa kuwa.
Se dema se dodo me kaa ko ambiyoo iyaao takea se emii wui kuwa, ekii mbo epopi nda kiyoo mugo mina, mina nai se yema. Mina, mina nai ndoe se yena ko “Namo apuu pi-meyaae. Kam waa ko namo apuu meyaape ku kaa kiyoo gan'dumi mugo payo nuwa, yedai mugo payo nuwa, ku adiga ebo kiyaase nde. Kase mugon adiga ebo ee? Tau. Mee ona wai masii maseke se dodo me kaa tukuma da kam kisee wataa da ndee mina taao pasi se dodo me kaa mbeaseke, ku kisiu masipi se masii kaa uwani kuwa ku gan'dumi mugo payo, kido ebeabea da ona ndo edeao sekii se mbeaseae. Kena yedai mugo payo kipii kindo ko kido ebeabea da wido ndo edeao sekii se kiyaae. Ku mugo namo apuu pi-meyaae,” aseke. “Ku mugo namo apuu pi-meyaae koya si yaayaa taae se kao wiya aoo. Ona me ko seaituni poo se piya waa. Ona me ko aniguda poo se one waa. Ku poo tuma wiya ku kaa uwo kuwa ku mani si dano keosi nde, ku se ku ndo si yaayaa taae, ku dama dito taae,” se aseke.
Ken ndo waa ko ni waya se dena ko epo wado bage wui se dema. Ku wui ku ko ekii uwo buba maa buba ku otuma bubimana tomu nakea se dema. Uwo buba maa buba ku otuma bubimana tomu sita mugo ndoe, wa ona maa otou ona kaa. Wa ona maa otou ona kaa. Wa ona maa otou ona kaa. Wa ona maa otou ona kaa se dema. Kena ku maa otou wui ku kaa kiyoo ekii gagata semana tomu se se dodo me kaa maa kaa bo nuwaa ku si peyaasi na bo nuwaa ku yapamitagea se dema. Bo pupu wui mugo yapamitagea se dema. Ku bo kuwa ku maa kaa bo nuwa, maakaa uwo ku kaa bo nuwa, piya waa ku kaa bo nuwa, ku se ku, ku kaa bo mbeenaa kaa miya si beba siyaasi na yapamitagea se dema, epo wado bage wui kuwa.
Ku epo wado bage wui ku ko ku Anegisemee'm yaa mani da manipi se epo wado bage waa. Wa'm manipi yaa mani da me ko me maa nuwa, maakaa uwo ku nuwa, ku se ku si maaniyaasi na manipi se yaa mani da. Kena ku se ku deta mugo ndoe waya epo wado mee to ona mitai se dema. Ese daamee mitai yato kiyoo kam paketai se dema. Me epo wado mee to wa yaa da kaa doke me ko ebeabea da waa yamamake kao dopi se dema. Me ebeabea da waa yamamake kao me ko me iyaao tai se Anegisemee to wa'm yaa dine ebeabea da mamake kao. Me bage kao do-paketa mugo ndoe wai mina ebo woeke. Epo wado bage wui ku kaa mina ebo woeke.
Me mugo yaa mani da maneke se dodo me kaa Anegisemee wa'm se asina ko “Maa kaa boo-baa ku nuwa, se-piya we-piya ku nuwa, iyeke se-kao we-kao ku en'ndo otuma mbeenaa kaa miya si yaayaa taae!” aseke. “Mee tuma da kaa bage ku ndo pi bodi ababa siyaabuu taae,” aseke. “Mee tuma da kaa bage bodi ababa siyaabuu taae koya ni'm yaa dine ebeabea da waa etu kaa aoo kipii kindo ko ku ni'm bage kumana ku si yaayaa taae!” aseke. “Ogu bage ku ndo bodi ababa siyaabuu taae. Ao edidi omaasea ku kisiu bodi ababa siyaabuu taae ku koya boyaake ku ndo si yaboyaae. Aii bodi ababa siyaake ku ndo bada,” aseke. Se asemana ndo waa ko ku ebondu kooda waa kuwa ekii'm mee tuma da kaa bage bodi yaababa siyaabuu nakea ku ese wa-nini keo. Ese gidipasi wa'm sese kapi moo gudimana eo dayaa mugo dodo bodi yaababa siyaabuu nakea.
ကြော်ငြာတွေ