Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wahayu 7:14 - Anegisemee'm Mina Kapuge

14 Ni'm asina ko “Maa woe, ni eo. Ni eo koya a epi ae se kanigeo,” se aseke. Kena wa'm nasina ko “Ku bage kuwa ku ese em'mbee widigi aoo se gumba tomea se bage waa. Me gumba me kaa kiyoo ekii'm bodi ababa simea ku se ene! Ese em'mbee widigi aoo se gumba tomea kindo. Kena ekii'm eduu se maawiya manaa nakea kuwa ku Dom'mba Yuwa wa'm emu'm yawisemapea ku kaa kiyoo ese pode da se eduu maawiya manaa nakea,” se aseke.

အခန်းကိုကြည့်ပါ။ ကော်ပီ




Wahayu 7:14
30 ပူးပေါင်းရင်းမြစ်များ  

“Eki ko eki ni mbaya bage waa kumana, ni'm kasipa se mina waa ku ese widigi tau tosea na se dimina waa ku kakumaao kan sipa se mina waa. Kase enta mugo ndoe, eki ko eki maa kaa towoo sita mugo ndoe widigi toke nde miya aoo. Bodi ababa se nde miya aoo. Se towoo semuu taasea. Ku koya maa kaa se-peu we-peu en'ndo otuma ku ni'm mbeedi mbembo semapa se kao waa,” aseke. “Ku kumana dimina si katu kaae. Ni'm awapa me kaa kiyoo eki nde miya dimina takunina ndo towoo taae,” se aseke. Yesiusi wa'm se aseke.


Mina pi-enei semuu sita mugo dodo ndoe, Yesiusi'm mina yaa mu-mu nakea se bage ekii'm dimina da waa yatakuniyaabuu taao kan akaa'm eniwoo se mina ona me ko “Yesiusi kaa ‘Mike ae,’ nigeke se dimina, me ndo nigi siwoo dowoo taae,” se mina eniwoo se, me ona. Ona me ko “Nakayoo maa kaa toke se gumba ndoe, ese bodi aoo, ese widigi aoo se yoo tuta taambea koya, anikee waa tau. Ku bodi ku ababa semuuna ndo waa ko Anegisemee guna miyo dama ndo tuta taasea,” se mina eniwoo se, me ona. Yesiusi'm mina yaa mu-mu nakea se bage ekii'm dimina da waa yatakuniyaabuu taao kan Paudusi mesema Banabasi akaa'm se eniwoo simea.


Enii'm anikee waa tuwaasea yoo ku kaa ndo bani-bani nakea se ku tau. Enii'm endo togea se gumba bodi ababa se ku kaa nde miya bani-bani se aoo. Kase enta mugo ndoe, enii'm bodi ababa se ku enii'm dim'mba nda ese oyu magi tau se dimina nakapisi na kao koena.


Eduga ko eki ebanaa ku mugo bage se towoo simea. Ku koya endo ko tau. Kase enta mugo ndoe, eki Tuhani Yesiusi Keditusi wa kaa nuwa, wa'm awami-awami ku kaa nuwa, ku kaa “Mike ae,” se yanigimea. “Mike ae,” se yanigimagea yako Anegisemee wai wa'm Dim'mba me kaa kiyoo eki tao kaa-awami se mina wido aoo. Ona me ko eki'm woo-woo se kaawise-mbeasipi, me ona. Ona me ko eki Anegisemee wa kaa wa tao ese daa se bage waa kawenimapi, me ona, wiya. Ona me ko eki Anegisemee'm emaa misi kaa dimina ndumbo se bage waa kakiyaapi, me ona, wido. Ku wido ku eki tao se kaa-awapi kumana eki'm sese ko wa-nini kidai. Dimina kupoo se bage ekii'm sese ku tau. Se.


Eki'm sese ese maaneke ae, se dena ko enii eki kaa mina ku dopeana ogu Yesiusi kaa andagatapea bage waa ku mbo kaadodo se mina kaadonaa kaasinaa naka. Anegisemee mbaya bage ku mbo eki kaa kaadodo naka se dodo me kaa enii'm se asina ko “Ogiyoo Teseadonika bage ku Keditusi kaa mina yaa mu-mu se kumana ogu bage ku peu-pau yaawawoo nakea, se dema,” aseke. “Ku kaa kiyoo bodi ababa siyaabuu nakea ku nde miya aoo, se dema,” se aseke. “Ku se ku aoo ko aoo koya Teseadonika bage ekii dim wiya-wiya se kaa miya emi tau. Ekii'm Anegisemee kaa ‘Mike ae,’ nigeke se dimina da me kaa ndo takunina kusipimana towoo nakea, se dema,” aseke. Eki'm sese ese maaneke kumana ku mugo kaadodo taao kan mina waa ku kaadonaa kaasinaa naka.


Ku mugo yaa, Yesiusi yaboyaao kan Yedusedem okaa yoo me yau kaa ogiyoo bada yamamea. Yau kaa bada yamamana bodi ababa siyaabuu sita mugo ndoe yaboyaamea. Yaboyaana wai wa'm emu ogayaami. Wa'm emu ogayaake se dodo me kaa aii se ogayaake se ku tau. Wai mee'm woo-woo se kaa naatabemana dim ndumbo se bage waa nakiyaao kan wa'm emu naa-ogayaami.


Ku kaa kiyoo kam enii'm kaseao kan keo mina me ko me se de. Kam'mbini mugo kao emu ku mee'm maa buboo ku ndo dau kiyaao sekii kipii kindo ko “O, Keditusi wa'm emu me ese asiyoo kam asiyoo maaneke se emu ae,” se ku ndo nigaao sekii. Kase enta mugo ndoe, wa'm emu ku enii'm maa buboo ku ndo dau kiyaake se ku tau. Ogindaa enii'm dimina da nda woo-woo se ku nde miya wise-mbeaseke sekii. Ku aii se wise-mbeaseke se ku tau. Ku kaa kiyoo kam aii bada kaasea sese ku duwa matana Anegisemee'm gai-gai ku ndo yaawawoo sisi na, me ona, Kena iyaao tai se Anegisemee wa kaa yapapa sisi na, me ona. Ku wiya ku awawoo sisi na wa'm emu ku enii'm dimina da waa ku wisemana dau nakiyaabuu taasi sima. Dee, Keditusi wa ko wai woo-woo se mbeenaa kaa miya emi tau. Ku kindo wai mee'm woo-woo se kaa tabeao kan wa kaa to Anegisemee tao “Ee,” se asimi. Ese si maaneke mbeenaa kaa miya emi tau se dom'mba egina “A tao ee,” se asiyaa mugo dodo. Se ata mugo ndoe, Yesiusi wai Anegisemee Dim'mba wa'm yaa mani da me kaa kiyoo wa kaa to “A tao ee,” se asimi. Me Anegisemee Dim'mba me me me ese si dan ndo omiwoo towoo nai se Dim'mba mei!


Ku koya wai Keditusi wa'm ogayaami se emu ku kaa kiyoo ndo kaagapimami. Wa'm emu ku ese asiyoo kam asiyoo edeao kana se kao. Kena Keditusi wa'm sese ko wa woo-woo se emi tau. Wa'm sese ko wa ese si maaneke mbee to mbeenaa kaa miya emi tau se dom'mba yuwa bona naatabemami mugo dodo.


Kena Yesiusi Keditusi wa ko wa'm awawoo nai ona me ko wai Anegisemee kaa mina ndumbo ndo uwa da kaa yaadeyaabuu nai se mee to, me ona. Ona me ko wai kita maa poo yoo ndomana omiwoo towoo nai se mee to, wiya. Ona me ko wai maa kaa ebo toke se edaya bage waa ku'm moo wado ebo towoo nai se mee to, wido. Ku se ku awawoo nai se mee to, Yesiusi Keditusi wa ko. Kiyoo kam enii otuma me Yesiusi me kaa “Paamee! Mataae!” se aseao ndo bada! Kase enta mugo ndoe, wai enii kaa ese naembaai yako enii'm woo-woo se ku kaa naatabemami. Naatabemake se dodo ndoe wa'm emu ku kaa kiyoo enii'm woo-woo se ku mbeedi naambeana yaa napatatake.


“Kena Anegisemee kaa ‘Mike ae,’ nigeke se bage waa ku nde miya ekii Ibedisi mbeedi yambeasipea. Mbao kaa mbeedi yambeaseao sekii ee? Tau. Yesiusi, Anegisemee'm Dom'mba Yuwa me me, wa'm emu ogayaami kumana ku emu ku kaa kiyoo Ibedisi mbeedi yambeasipea, me ona. Ona me ko ekii Yesiusi kaa mina ku mee mbo enei taao kan widaa tau. Ekii'm nigina ko ‘Boke nde miya bada o! Me mbeedi!’ se nigimagea yako Yesiusi kaa mina eniwoo semuu nakea, me ona, wiya. Ku kindo Dom'mba Yuwa to wa'm emu me nuwa, Yesiusi kaa mina, mina eniwoo nakea me nuwa, ku wiya ku kaa kiyoo Ibedisi mbeedi yambeasipea kidai,” se aseke.


Kena ni waya se dena ko maakaa uwo se dema. Miga maakaa uwo se ku tau. Uwo daii da me ko me ese tunaa ese ayadau da mugo dodo se dema. Kena uwo ndoiba ku miga uwo ndo se ku tau. Ku mbeenaa bidea mesema tabo-tabo semapi se uwo mugo dodo ae se dema. Kena maakaa uwo ii da kaa deta mugo ndoe mee kooda waa namba dema. Ku mee kooda waa kuwa ku dim peu se emii to mbeedi yambeasipea se bage waa. Dee, ekii me emii me nuwa, wa'm sipi mbato mugo kao me nuwa, akaai kaa yapapa taan tau se bage waa. Kena wa ekaa da kaa nigi sisi na se nomodo me nde miya ekii'm maa buboo kaa wudumaan tau se bage waa. Ku se ku mbeenaa kaa miya awaan tau se bage waa se dema. Kena ekii yaa da kaa dotakea ku ko ku mamine kado waa aoo ae se dema. Ku mamine kado waa ku ko ku Anegisemee wa'm ekii tao manipi se mamine kado waa, ku mugo dotakea se dema.


Waya wadobo se dena ko me ambii me me edidi aoo ae se dema. Mbao kaa edidi ee? Tau. Wa'm emu ogayaabuu sipi ku nona edidi kii se dema. Wa'm emu ogayaabuu sipi ku ko ku Anegisemee wa'm bage waa, Yesiusi kaa dimina ona ndo kumana mbatumei siwoo sipi se bage kuwa. Ku kooda waa mbatumei-pai siwoo sipi kumana bani-bani se aoo. Kena wa'm bani-bani se ese asiyoo kumana ese edidi mugo dodo ae se dema. Me ambii me deta mugo ndoe ni ese “Abayai! Me kase bage kao?” se nigima.


Eki'm ese bodi ababa se ku ni epi. Eki ese bakata aoo se ku nde miya ni epi. Ku kaa kiyoo ni'm kadena ko eki maa buboo kaa dama tosi na se kao ku kaa bakata ko bakata koya eki'm dim'mba dama tosi na kao ku kaa sinowi se ene, se kadeta. Kena Yahudi bage ebanaa ekii eki ekaa da waa peu kakiyaao kan mike tau se mina eki kaa kaata sipea. Ku mugo Yahudi bage ku ni'm emaa misi kaa mike Yahudi bage se ku tau. Ku Ibedisi kaa andagatagea se bage waa ku mugo bage ku se detaka. Ku se ku nde miya ni epi.


Dama awapea se bage ku ko ekii, ekii'm manaa se maawiya ku wisemana matapea se bage waa mugo dodo se detaka. Ku mugo bage ku bani-bani siwoo taasea se bage waa. Kase enta mugo ndoe, me okaa yoo me yau-yau eda aoo koya manaa se kao wisemapea mugo bage waa ku eda gine waa ku nda ndem-pe taao sekii se bage waa. Ku nda ndem-pe sita mugo ndoe mee si bosi na piya, me kaa poo ku dawena naao sekii se bage waa. Ku kaa kiyoo ku mugo bage waa ku ese bani-bani siwoo taasea se bage waa.


Kena maa nda mbatona tomu nakea kuwa eki yipi se euu mina patatake. Ekii'm yipi se euu mina me se enina ko “Bibinimapi kapuge maseke me a'm ndo maseweao sekii se kao. (Haa ii) Kena me kapuge me kaa ndaginimake kao ku a'm ndo opitaao sekii se kao. (Haa ii) Kase enta mugo ndoe, mee'm kambatumamea kumana me kapuge me masewena ekataao sekii. (Haa ii) Kena ona me ko a'm emu ogayaamea ku kaa kiyoo Anegisemee tao mee tuma kaa se bage waa ku yaatabemame kumana me kapuge me masewena ekataao sekii. (Haa ii) A'm Anegisemee wa tao yaatabemame se bage kuwa ku tai ona ndo tau. (Haa ii) Bage ona ndo yaabome se ku tau. (Haa ii) Eba epoda ona ndo yaabome se ku tau. (Haa ii) Mina tuma da ona ndo yaabome se ku tau. (Haa ii) Ku kaa kiyoo a'm tabemame se bage waa ku maa en'ndo otuma aoo. (Haa ii) Ku kisiu a'm emu yaa-ogayaana yaatabemame kumana me bibinimapea kapuge me a'm ndo masewena ekataao sekii. (Haa ii)


Kena waya wada nda ni ambiyoo se dena ko ebo animana ta se yoo me kaa animai mee to me mesema Dom'mba Yuwa akaa'm egi kaa kiyoo ese em'mbee eaao kana se mee kooda waa dema. Ku kooda waa deke se dodo me kaa ko taii ona ndo se ku tau. Bage ona ndo se ku tau. Eba epoda ona ndo se ku tau. Mina tuma ona ndo se ku tau. Ese mee en'ndo maa en'ndo otuma aoo se kooda waa se dema. Kena ekii'm manaa se kao ku pode da se eduu maawiya waa manaa nakea se dema. Kena ekii yaa da kaa yaa mu-mu se kao ku ndaudagi piya ogu waa ku mugo dodo se ku yaa mu-mu nakea se dema.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ