Wahayu 6:4 - Anegisemee'm Mina Kapuge4 “Mee!” se mina woewena ko waya kuda kamino mitai se dema. Wa'm iuu epoda ko emo da. Ese bidea gida epoda mugo dodo se dema. Kena wa'm duwa da kaa animai mee to me namba aoo. Kena wa tao manina ko ese em'mbee yape yado da maneke. Se manina ko Anegisemee wa'm se asina ko “Me yape yado da dopeana maa kaa endaane! Maa en'ndo otuma widigi aoo se gumba yatoyaase nde maa yoo endaane. Maa kaa togea bage ku a-mbatume naa-mbatume se awasi nde me kaa endaane,” se aseke. Se asemai yako endiyaai. အခန်းကိုကြည့်ပါ။ |
Wahayu 6:4
17 ပူးပေါင်းရင်းမြစ်များ
“Kena anikee waa aoo kaasea se kao ona me ko yape oba a-mase naa-mase siwoo taasea. Kiyoo kam wa-nini maa kaa bage mesema, wa-nini maa kaa bage mesema a-woe naa-woe taasea. Kena ese ata emi tau ebo toke se bage waa, wa na'm guna miyo bage mesema, wa na'm guna miyo bage mesema ekii awoe taasea. Ku kumana ko awoe se aoo se mina ku nuwa, awoe se aoo kaambea se mina ku nuwa, ku mina ku oba yiisea se dodo me kaa ko ku kaa si ndugidi taae. Ku kaa si widaae. Ku se ku Anegisemee'm aii dodo mbeasimi se kao waa koena. Ba-gamitake sekii tau. Ku se ku mike pi-pamaasea se mina waa koya ku se ku pi-pamaasea se gumba ndoe me ese pake-takanu se gumba se ku tau. Ku kita awamana dai kaa waa ko ese takanu gapi aoo kaasi,” aseke. “Ese takanu gapi me pasi kiwoo nai se gumba me kaa kiyoo maa ena kaa, maa ena kaa ku maapui oba aoo kaasea. Namo apuu - namo apuu ku nde miya aoo kaasea,” aseke.
Se asemana Yesiusi wa'm se asina ko “Tau, a'm ni'm moo wado ebo toke me ko Anegisemee wa'm asiyoo kaa kam kanepi kao. Wa'm kaniin tau waa, aii ni'm moo wado ebo toke yoo ku aii bada kiyaa,” aseke. “Kena a'm ebo toke yoo me kaa kiyoo kam naboyaao sekii kumana a'm woo-woo se me mbeenaa miyo. Yibanda kiyaa naboyaasi na a yaa da kaa nambeasipi mee to, wa'm woo-woo se me ese ebo, se deo,” aseke.
Se dena ko waya epiyoo da kaa asiyoo wa-nini se ebeabea da namba dema. Yai, me ebeabea da me ko me ese em'mbee gidigaa da aoo se hayoiyo mbato se dema. Me hayoiyo me ko eba da emo da, ken moo gea dada aoo. Ku moo gea dada ku kaa matake ku ko ese ebo toke edaya mee to wa'm eamasi daikomiya waa matayaa mugo dodo se matapea se dema. Ku daikomiya ku nde miya dada aoo se dema. Waya wa'm moo waa ku kaa kiyoo piyapoo haas aoo se ku nde miya dema.
Anegisemee wa'm aii dodo kambeaseke mina ku ba-gamitake sekii tau se mina waa. Ku kumana wa'm aii dodo kambeana ko “Yape bage ku yaa kapineana kaduwaasea de,” se kaambeasimi kipii kindo ko ku mike yaa kapineana kaduwaasea ndo. Kena, “Yape yado'm kambatumaasea de,” se kaambeasimi kipii kindo ko mike! Yape yado'm kambatumaasea sima. Ba-gamitake sekii tau. Ku kindo ko Anegisemee wa'm wa kaa wa tao wa-nini wenimake se bage waa woe. Anegisemee wa'm aii dodo kaambeasimi mina ku mike pi-pamiyaasi kumana wa kaa dim si wiya-wiya kaae. Mee agumee'm ese bodi peu-pau kaawawoo taambea se dodo nde miya dimi si katu kaae. Aii kusipimana takun ndo towoo taae. Se ku kaseao kan sipa.
Se nasemana ko Anegisemee Dim'mba wai namugu-mugu siyaai yako me epo wado mee me me, wa'm ni nadopeana mee tuwaan tau yoo maa ndani se maa me kaa pi-nambeaseke. Me kaa pi-nambeana se dembea ndoe ese em'mbee emo da se emii mbato deke. Me emii me ko moo gea dada se emii to. Kena ku moo gea dada ku kaa wado piya poo haas aoo ae, se dema. Kena wa'm maa buboo kaa wudumapea ku ko ku ekaa da waa oba wudumapea se dema. Ku ese peu se ekaa da waa. Ku Anegisemee ekaa da peu kiyaasi se ekaa da waa se wudumei sipea. Ku mugo ekaa da waa dema. Kena wa'm em'kaa kiyoo animana tomu nai se ambii to ona aoo se dema.
Waya wadobo se dena ko me ambii me me edidi aoo ae se dema. Mbao kaa edidi ee? Tau. Wa'm emu ogayaabuu sipi ku nona edidi kii se dema. Wa'm emu ogayaabuu sipi ku ko ku Anegisemee wa'm bage waa, Yesiusi kaa dimina ona ndo kumana mbatumei siwoo sipi se bage kuwa. Ku kooda waa mbatumei-pai siwoo sipi kumana bani-bani se aoo. Kena wa'm bani-bani se ese asiyoo kumana ese edidi mugo dodo ae se dema. Me ambii me deta mugo ndoe ni ese “Abayai! Me kase bage kao?” se nigima.
ကြော်ငြာတွေ