Wahayu 5:6 - Anegisemee'm Mina Kapuge6 Se nasemana ko ambiyoo iyamata mugo ndoe, ebo animana ta se yoo pasi kaa kiyoo Dom'mba Yuwa to ona aoo. Kiyoo inewena tai se dema. Me Dom'mba Yuwa me yau-yau kusinimapea kiyoo iyaao takea se emii mugo kao wui kasipa kuwa ku namba kiyoo aoo. Kena kudoo-padoo se ebo bage waa ku namba aoo. Ku se ku Dom'mba Yuwa me yau-yau kusinimapea se dema. Kena me Dom'mba Yuwa me ndamata mugo ndoe, “Yai, mee'm yambatumamea se Dom'mba Yuwa to me inda-banda mugo dodo ae,” se dema. Kena wa'm moo kaa kiyoo piya poo dada aoo se dema. Emaa misi waa dada ku nde miya dema. Ku emaa misi dada kuwa ku Anegisemee wa maa en'ndo otuma peyaabuu simi se Dim'mba to me ae, se dema. Ese oyu kam oyu se Anegisemee Dim'mba mei! အခန်းကိုကြည့်ပါ။ |
Wahayu 5:6
35 ပူးပေါင်းရင်းမြစ်များ
Me pemedinta ebo bage wa'm Anegisemee'm mina kapuge ndama-pe nai se mina ku ko se de. “Mee'm yambatumaao kan bada yamadopea se dodo me kaa ko wa'm sese ko ese dom'mba mbatumaao kan bada yamadoke mugo dodo. Wai koo ndo tomu se koena. Kena dom'mba yuwa ku'm sese ko iuu daambi se se dodo ndoe mina mbeenaa kaa miya emi tau. Me nde miya ese wa'm sese mugo dodo.
Me kapuge me ko me Yohanesi wa'm wudumami se kapuge. Ogiyoo Asiya maa me kaa kiyoo Yesiusi kaa andagatake yoo dada aoo. Ku dada andagatake yoo kiyoo andagatagea bage waa ekii tao kapuge, eewee. Nemugoi nakawaa woe, aba! Anegisemee Naamee mesema, wa'm Dim'mba mesema, Yesiusi Keditusi mesema, ekii'm aii se dama katoyaai waa bada ae se kaanigeo, me ona. Kena ona me ko, ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo. Anegisemee wa ko wai aoo-aoo ku aoo ndo se tutai se mee to. Ese eduga edugana nde miya towoo simi. Endo nde miya towoo nai. Waya wadobo nde miya towoo taasi. Me Anegisemee mei! Anegisemee wa'm ebo animana ta se yoo me embato kiyoo ko Anegisemee Dim'mba wa namba kiyoo aoo. Anegisemee Dim'mba wa ko wa'm yaa mani da ese oyu kam oyu se yaa mani da! Se.
“Kena Anegisemee kaa ‘Mike ae,’ nigeke se bage waa ku nde miya ekii Ibedisi mbeedi yambeasipea. Mbao kaa mbeedi yambeaseao sekii ee? Tau. Yesiusi, Anegisemee'm Dom'mba Yuwa me me, wa'm emu ogayaami kumana ku emu ku kaa kiyoo Ibedisi mbeedi yambeasipea, me ona. Ona me ko ekii Yesiusi kaa mina ku mee mbo enei taao kan widaa tau. Ekii'm nigina ko ‘Boke nde miya bada o! Me mbeedi!’ se nigimagea yako Yesiusi kaa mina eniwoo semuu nakea, me ona, wiya. Ku kindo Dom'mba Yuwa to wa'm emu me nuwa, Yesiusi kaa mina, mina eniwoo nakea me nuwa, ku wiya ku kaa kiyoo Ibedisi mbeedi yambeasipea kidai,” se aseke.
Ku kaa kiyoo mee en'ndo otuma ekii me emii me kaa yapapa siwoo taambea koya Keditusi wa mbaya bage ku ko tau. Dee, ese eduga edugana ko maa nuwa, epo nuwa, ku se ku anegi semaan tau yoo kapuge ona aoo. Me kapuge me ko me mee'm mbatumamea se Dom'mba Yuwa to wa'm kapuge to. Kena me kapuge me nda wudumina ko omiwoo towoo tuwaasea se bage waa, ekii ekaa da waa ku me nda wudumami. Kisena ndo waa ko aii dodo wudumami bage kuwa ekii me emii me kaa si yapapa taasea se bage waa. Aii ogu bage ku ndo yapapa siwoo taasea, dim peu se emii me kaa. Se dema.
Kena ndo waa ko ni'm waya se dena ko Yedusedem okaa yoo kiyoo ndii ona aoo. Ndii ona me ekaa da ko Sion ndii. Kena Sion ndii me kaa deta mugo ndoe, Dom'mba Yuwa se mee to se dema. Dom'mba Yuwa me kiyoo inewena tomu nai se dema. Kena wa mesema tomu se se mee kooda waa 144.000 ku kisiu ku namba dema. Ku bage ku kaa deta mugo ndoe, ekii etu kaa kiyoo ekaa da wiya wudumapea ae se dema. Ona me ko Dom'mba Yuwa to wa ekaa da me ona. Ona me Dom'mba Yuwa wa'm Naamee ekaa da me ona. Ku ekaa da wiya ekii etu kaa wudumei-pai semapea se dema.
“Ku semana ndo waa ko ku ebo bage haas kuwa ekii Dom'mba Yuwa me mbeedi yambeaseao kan yape pi-masiisea. Yape pi-maseke ko masiisea koya aii bada kaasea ndo. Kase enta mugo ndoe, se-ebo we-ebo se bage en'ndo otuma ku Dom'mba Yuwa wa guna miyo se bage waa. Ku otuma mbeedi. Dom'mba Yuwa wa ndo ese ebo kam ebo se edaya mee to. Wa ndo ese ebo kam ebo se Tuhani. Kum seta kaa ku edaya bage haas kuwa ku Dom'mba Yuwa mbo yape pi-masiisea se dodo me kaa iyo kaasea. Wa'm ndo ku haas kuwa mbeedi yambembo-pambo semaasi koena,” se nasimi. “Ku se ku mbeedi mbeaseke se dodo me kaa me Dom'mba Yuwa wa mba nda penaa nakea bage ku ko ku aii bage waa se ku tau. Ku wa'm mina woewepi se bage waa. Ku wa'm ese dimi, wa-nini pikimami se bage waa. Ku wa kaa dimi wiya-wiya se mbeenaa kaa miya emi tau se bage waa. Ku mugo bage ku wa mbaya anewena wa ogudi penaa nakea se bage waa,” se nasimi.
Kena me okaa yoo me nda ndamata mugo ndoe Yahawee'm okaa ee me si deke. Kase enta mugo ndoe, Ese Oyu kam Oyu se Tuhani Anegisemee me nuwa, Dom'mba Yuwa to me nuwa, akaa ndepi me okaa yoo me nda okaa togea kumana akaai kaa yapapa taao gai kipii kindo akaa mbo ndo uwa da kaa uwa pana yapapa taao sekii. Yahawee'm okaa ee me nda tau.
Kena me okaa yoo me deta mugo ndoe ese ao da aoo ae se dema. Dee, me ao da me ko me Anegisemee wa'm aoo-aoo aoo se ao da. Kena Dom'mba Yuwa wa'm sese me nde miya ese osee wake mugo dodo kumana wa kaa nde miya ao da aoo. Ku kaa kiyoo daamee nuwa, aumo nuwa, ku se ku emi tau nde miya bada o. Aii ao da ndo se tuta siyaabuu nakea koena.
Ken ndo waa ko me epo wado mee to me me, wa'm waya se naadeyaana ko omiwoo towoo toyaasi na se uwo kaada naadeyaami. Me uwo kaada me ko me maa mbeenaa kaa miya emi tau se uwo kaada. Kena me uwo endai nda batu da me me, me Anegisemee mesema Dom'mba Yuwa, akaa'm ebo animana ta se yoo, kiyoo kam endai se dema.
Eduga ko Anegisemee wai mee kaa nuwa, maa kaa nuwa, ku kaa peu aya naadotaami. Ku koya ni'm se dena ko me kota okaa yoo me nda kiyoo peu aya yadotaapi kao ona kaa miya emi tau kaasi. Kase enta mugo ndoe, me okaa yoo me nda kiyoo Anegisemee mesema Dom'mba Yuwa, akaa'm ebo animana ta se yoo kiyoo aoo. Waya wada nda wa'm gai-gai ku wa tao yaa-awatakea bage waa ku wa kaa yapapa siwoo taasea se dema.
Kena ku mugo emii wui ku deta mugo ndoe ku otuma ekii gidigaa da waa bidimi aoo se dema. Ku'm eba da kaa otuma emaa misi kooda waa. Gidigaa miyo nde miya aoo, se dema. Kena ndeemaa nde miya, apikaa nde miya ku si omiin ndo Anegisemee kaa yapapa se mina eniwoo nakea. Ekii'm eniwoo nakea se mina ku se de. “Yahawee Anegisemee wa'm sese ese wa-nini keo! Wa'm yaa mani da me ese, ese asiyoo me kaa ama emi tau se yaa mani da. Wa'm sese ko si maaneke mbeenaa kaa miya emi tau sese. Ese wa-nini ae! Ese wa-nini ae! Ese wa-nini ae!” se eniwoo nakea. “Anegisemee wa ko wai aoo-aoo ku aoo ndo. Ese eduga edugana nde miya towoo simi. Endo nde miya towoo nai. Anikee waa nde miya towoo semuu taasi.” Iyaao takea se emii waa ekii'm se eniwoo nakea.
Kena ebo animana ta se yoo me nuwa, iyaao takea se emii waa ku nuwa, kudoo-padoo se ebo bage ku nuwa, ku se ku deta mugo ndoe, ku yau-yau waya kusinimana andagatagea, se ene! Ese em'mbee epo wado bage kooda waa ku namba dema. Eake mike eaao kana. Ese sedibu kam sedibu waya sepudu dibu kam sepudu dibu, aii mike eaao kana. Ku kisiu deta mugo ndoe, ku kooda waa ekii mina ebo mbeana euu mina eniwoo nakea.
Ekii'm mina ebo eniwoo nakea se euu mina ku se de. “Mee'm yambatumamea se Dom'mba Yuwa to wa kaa ndo ‘Mataae,’ se ku ndo aseao sekii. (Haa ii) Wa'm yaa mani da kaa ebo toke sese me ese asiyoo. (Haa ii) Wa'm sinowi sese eneke sekii tau. (Haa ii) Wa'm dim pame nuwa, yaa mani da nuwa, ku nde miya ese wa-nini keo. (Haa ii) Ku kindo wa ekaa da ese ebo yambeaseke bada. ‘Paamee! Mataae!’ se ku ndo yasetoo taao bada. (Haa ii),” se enigea. Ku epo wado bage kooda waa ekii me mugo euu mina patatagea, se dema.
Kena ndo waa ko ni wa-nini se euu mina me namba yeke. Ni'm yeke se euu mina me ko me Anegisemee wa'm anegi semami se-kao we-kao ku en'ndo otuma ku ekii'm euu mina patatagea se yeke. Siduga maa kaa toke se-kao we-kao ku nuwa, maa kaa toke se-kao we-kao ku nuwa, maa yiba nda toke se-kao we-kao ku nuwa, maakaa uwo ndoiba nda toke se-kao we-kao ku nuwa, ku se ku ekii'm yapapa se mina waa ku yeke. Ekii'm yapapa se mina ku se de. “Ebo animana ta se yoo animai mee to mesema Dom'mba Yuwa to, akaai ekaa da waa ku ebo yambeaseao waa bada ae, se kanigeo. (Haa ii) ‘Paamee! Mataae!’ se yasetoo nakea waa bada ae, se kanigeo. (Haa ii) Kena akaa'm ese ata emi tau ebo tutakea yoo me ko me enii kaa wado si dan ndo ese oyu kan omiwoo towoo togea waa bada ae, se nigimana yapapa taao bada. (Haa ii)” Ku mugo euu mina se yapapa nakea se yema.
Kiyoo pi-bon'takea se dodo me kaa ekii otuma mina ebo se woena ko “Ndii da waa woe. Oma bea da waa woe. Ebo animana ta se yoo animai mee to wa'm nadiimbi kumana enii kaa deo endiyaana nabibinemaae. Yai, Dom'mba Yuwa to wa'm yima kiki enii'm moo kaa endaaniimbi kumana ndii nuwa, oma nuwa, ku mugo kao ku kita nabibinimake bada.
ကြော်ငြာတွေ