Wahayu 5:2 - Anegisemee'm Mina Kapuge

² Se deta mugo ndoe ese oyu se epo wado bage ona wai mina ebo woeke. Wa'm mina ebo se woena ko “Bibinimapi kapuge me oto kaa ndaginimapi kao ku mii'm ndo ebo toi yako naa ku ndagineke kao ku opitana ekataao sekii naa ya?” se mina woetai.

Wahayu 5:2 ပူးပေါင်းရင်းမြစ်များ

Wahayu 10:1

Ken ndo waa ko ni'm waya wadobo se dena ko wa-nini se epo wado mee to ona deke. Ese yai, oyu se epo wado mee me ko. Se dema se dodo me kaa wai Siduga kaa kam endii se dema. Wa'm maa buboo ku sinu me komai se dema. Kena wa'm moo wado mbaandamo aoo ae se dema. Wa'm emaa-paa ku ese daamee wiki-wiki nai mugo dodo ae se dema. Wa'm kau bado wiya kuwa ku ese bidea tunee kan gida paketai se ee tukuu mugo dodo se dema.

Wahayu 18:21

Kena ndo waa ko ni'm se dena ko ese oyu se epo wado mee to ona wai ese em'mbee se oma mbato ona yaataana maakaa uwo ndoiba me nda wamaai se dema. Se dena ko me epo wado mee to wa'm se asina ko “Ese em'mbee Babeo okaa yoo me ni'm wamaapa se oma mugo dodo kaasi. Kase enta mugo ndoe, me okaa yoo me nde miya oyu kan pai ata mugo ndoe waya wadobo epipi mbee to mbeenaa kaa miya si diimbea sima!” se asimi.

Wahayu 5:1

Kena ni waya iya-iya da kaa se dena ko ebo animana ta se yoo me kaa animai mee to wa'm meyaa yato yaa da kaa kiyoo kapuge ona bibinimana yaatoo nai se dema. Me bibinimapi kapuge me ko me emba to nde miya duwato nde miya mina waa wudumapi ae se dema. Se dema koya ekatake sekii tau. Kase enta mugo ndoe, kapuge bibinimapi se dodo me kaa kapuge kapo otou kaa kiyoo ndagineke kao dada ndaginimapi kumana ekatake sekii tau ae, se dema.

Wahayu 5:5

Aii yee semuu, yee semuu sita mugo ndoe, kudoo se ebo bage kasipa kuwa ona me ko wa'm se nasina ko “Ebata! Yee badimaa! Me dee! Kapuge ekataao sekii se mee to me aoo, me dee! Mee me me, me Yehuda taii to kaa mee to. Wai ese ebo tomi se Daudi wa'm wado one yadamamea se mee to. Kena wa'm sese ko ese siniga kamino mugo dodo se mee to. Wa ese ebo, ese oyu kan towoo nai se mee to koena. Waya wada nda wa'm yape bage en'ndo otuma mbeedi yambembo semami kumana me kapuge me kaa ndaginimapi kao dada kuwa ku wa'm opitaao sekii se kao waa. Waya me kapuge me nde miya ekataao sekii. Ku kaa kiyoo yee badimaae,” se naseke.