Dama nigi si pe taae. Wa-nini maa ena kaa bage'm mina ku kaa kiyoo a'm dim'mba kam Anegisemee mbo “Paamee,” se asetaake me maaneke ko maaneke koya mbeenaa si maaneke nde miya aoo. Kase enta mugo ndoe, yau-yau bage ku a'm mina yeao kana kumana ekii'm dimina yatakuniyaake sekii tau. Aii bada ndo. Waya wada nda a'm “Paamee,” se asetaape mina ku si masimagea yako ekii a'm asetaape mina ku kaa “Kui,” se ku aseao iyo kaambi! Dee, ku kaa kiyoo mbeenaa si maaneke aoo se kasipa.
Wahayu 5:14 - Anegisemee'm Mina Kapuge14 Kena ku mugo mina yapapa siwoo sita mugo ndoe, iyaao takea se emii wui kuwa, ekii'm se enina ko “Kui,” se enigea. Kena kudoo-padoo se ebo bage waa ku nde miya maa nda mbato-mbata semana yapapa semuu nakea, se dema. အခန်းကိုကြည့်ပါ။ |
Wahayu 5:14
9 ပူးပေါင်းရင်းမြစ်များ
Ku semagea ndoe kudoo-padoo se ebo bage waa 24 ku nuwa, iyaao takea se emii wui ku nuwa, ku ekii maa nda mbato ndoe Anegisemee kaa yapapa se. Ebo animana ta se yoo me kaa animai mee to, Anegisemee me me, wa kaa yapapa se. Wa kaa yapapa taao kan mina ebo mbeana se yapapana ko “Kui! Ogu mee kooda waa ekii'm enipea mina ku ese mike mina kumana enii namba ‘Kui,’ se nigeo! Ku kindo Yahawee mataae!” se yapapa semuu nakea.
Kena wa'm ebo animana ta se yoo me yau-yau kusin'tapea waya se dena ko ebo animana ta se yoo 24 ku nde miya kiyoo aoo se dema. Ku kaa animagea se bage waa ku, kudoo-padoo se ebo bage waa ekii gagata 24 ku kaa animana takea se dema. Ekii'm manaa se kao ku pode da se manaa se kao waa matakea. Ekii'm moo kaa kiyoo eamasi daikomiya mugo make. Ese ata emi tau ebo se edaya bage'm mayaa se eamasi daikomiya mugo dodo. Ku mugo matakea, se dema.
Kena ebo animana ta se yoo me kaa embato waya kiyoo se dena ko maakaa uwo se dema. Aii maakaa uwo se ku tau. Uwo daii da me ko me ese tunaa ese ayadau mugo dodo. Ese sida uwo agaga da mugo dodo se dema. Kena ebo animana ta se yoo me yau-yau waya se dena ko iyaao takea se emii mugo kao waa ku namba dema. Ku mugo emii waa wui aoo se dema. Ona embato. Ona duwato. Ona naa pame yato. Ona naa pame yato. Ku wui se tutakea se dema. Kena ku emii waa ku eba da kaa kiyoo otuma emaa misi kooda waa. Embato nde miya, duwato nde miya, puu, otuma emaa misi kooda waa se dema.
Kena ebo animana ta se yoo me nuwa, iyaao takea se emii waa ku nuwa, kudoo-padoo se ebo bage ku nuwa, ku se ku deta mugo ndoe, ku yau-yau waya kusinimana andagatagea, se ene! Ese em'mbee epo wado bage kooda waa ku namba dema. Eake mike eaao kana. Ese sedibu kam sedibu waya sepudu dibu kam sepudu dibu, aii mike eaao kana. Ku kisiu deta mugo ndoe, ku kooda waa ekii mina ebo mbeana euu mina eniwoo nakea.
Se nasemana ko ambiyoo iyamata mugo ndoe, ebo animana ta se yoo pasi kaa kiyoo Dom'mba Yuwa to ona aoo. Kiyoo inewena tai se dema. Me Dom'mba Yuwa me yau-yau kusinimapea kiyoo iyaao takea se emii mugo kao wui kasipa kuwa ku namba kiyoo aoo. Kena kudoo-padoo se ebo bage waa ku namba aoo. Ku se ku Dom'mba Yuwa me yau-yau kusinimapea se dema. Kena me Dom'mba Yuwa me ndamata mugo ndoe, “Yai, mee'm yambatumamea se Dom'mba Yuwa to me inda-banda mugo dodo ae,” se dema. Kena wa'm moo kaa kiyoo piya poo dada aoo se dema. Emaa misi waa dada ku nde miya dema. Ku emaa misi dada kuwa ku Anegisemee wa maa en'ndo otuma peyaabuu simi se Dim'mba to me ae, se dema. Ese oyu kam oyu se Anegisemee Dim'mba mei!
Bibinimapi kapuge pi-maseweta mugo ndoe, iyaao takea se emii wui ku nuwa, kudoo-padoo se ebo bage waa 24 ku nuwa, ku en'ndo otuma me Dom'mba Yuwa me egi kaa kiyoo maa nda mbato. Maa nda mbato se dembea ndoe ekii'm yaake kao ku ko mamine kado yaatoo se, me ona. Ona me ko eamasi se pidini awe da mugo kao yaatoo se, me ona. Ekii otuma ku wiya se ku yaatoo nakea ae se dema. Kena ekii'm pidini awe da me nda kiyoo ese dama se eponu aoo se kao waa me nda aoo. Ku bidea yitana dama eponu pesi na kao waa. Ku dama eponu pesi na se kao kuwa ku Anegisemee wa'm wa tao bage ekii'm asetoo sipea mina waa ku kaa mina ebeabea da mugo dodo. Se dema.
Yapapa sita mugo ndoe ekii'm se asina ko “Mike! Ku mee kooda waa ekii'm enipea mina waa ku enii namba ‘Kui!’ se kaanigeo,” aseke. “Dee, enii'm Anegisemee wai ese abayai se Anegisemee to. Wa'm dim pame nuwa, wa'm yaa mani da nuwa, wa'm ebo toke yoo nuwa, ku se ku tau kiyaake sekii tau. Ku kaa kiyoo wa ekaa da ese ebo yambeasiwoo semuu taao ndeo. ‘Paamee! Mataae!’ se mina yasetoo siwoo taao ndeo. Endo kam wado si dan ndo omiwoo towoo semuu nakea kui se yapapa siwoo taao ndeo. Kui!” se aseke. Epo wado bage ekii'm yapapa se mina waa se ku ni'm se yema.
ကြော်ငြာတွေ