Isedeo bage waa ekii Sinai ndii ambamba pemana widaamea. Ku koya endo eki ko eki'm memapea yoo wa-nini. Eki namba ndii da ambamba me kaa memapea koya wa-nini ndii to. Sion ndii me me, me kaa memapea. Sion ndii me ko me Siduga maa kaa aoo se Yedusedem kota okaa yoo mei! Me kota okaa yoo me iyaao tai se Anegisemee wa'm kota okaa yoo mei! Me kaa memapea. Waya eki'm memapea yoo kiyoo ko ese, ese eaao kana ese epo wado bage kooda waa ku namba kiyoo aoo. Ku dim bani-bani se kan andagatagea se epo wado bage kooda waa.
Wahayu 5:11 - Anegisemee'm Mina Kapuge11 Kena ebo animana ta se yoo me nuwa, iyaao takea se emii waa ku nuwa, kudoo-padoo se ebo bage ku nuwa, ku se ku deta mugo ndoe, ku yau-yau waya kusinimana andagatagea, se ene! Ese em'mbee epo wado bage kooda waa ku namba dema. Eake mike eaao kana. Ese sedibu kam sedibu waya sepudu dibu kam sepudu dibu, aii mike eaao kana. Ku kisiu deta mugo ndoe, ku kooda waa ekii mina ebo mbeana euu mina eniwoo nakea. အခန်းကိုကြည့်ပါ။ |
Wahayu 5:11
18 ပူးပေါင်းရင်းမြစ်များ
Ku mbae da mina tupitakea bage waa ku kaa amanimami mina ona aoo. Me amanimami mina me ko me Henoki wa'm amanimami mina. Kena Henoki wai kase dodo tomi ee? Tau, Adam kam Henoki epopi nda ku mee bea da edibi aoo. Bidimi aoo me bea da me Henoki se tomi. Kena me Henoki me me, wa'm amanimami mina wa'm se asina ko “Ni'm mina nayito taae!” asimi. “Tuhani wa mike ukaasi ndeo,” asimi. “Tuhani ukaasi se dodo me kaa ese eaao kana se epo wado bage kooda waa ku nde miya bada madona ukaasea,” se asimi.
Ken ndo waa ko mina ebo yeke. Ese, ese em'mbee mee kooda waa tataba siyaake se mina mugo dodo se mina se yema. Ese em'mbee uwo mea ndukuu-ndukuu se mina mugo dodo se yema. Ese pasi maa kaa endaanina tayaa se geemuu waa mugo dodo se mina yema. Ese ebo. Ku mugo mina yito sita mugo ndoe, ekii'm se enina ko “Yahawee mataae! Enii'm Anegisemee wa'm yaa mani da me ese Oyu kam Oyu se yaa mani da. Wa ko ese me kaa ata emi tau ebo towoo nai se Tuhani kumana mataae!
Kena wa'm ebo animana ta se yoo me yau-yau kusin'tapea waya se dena ko ebo animana ta se yoo 24 ku nde miya kiyoo aoo se dema. Ku kaa animagea se bage waa ku, kudoo-padoo se ebo bage waa ekii gagata 24 ku kaa animana takea se dema. Ekii'm manaa se kao ku pode da se manaa se kao waa matakea. Ekii'm moo kaa kiyoo eamasi daikomiya mugo make. Ese ata emi tau ebo se edaya bage'm mayaa se eamasi daikomiya mugo dodo. Ku mugo matakea, se dema.
Kena ebo animana ta se yoo me kaa embato waya kiyoo se dena ko maakaa uwo se dema. Aii maakaa uwo se ku tau. Uwo daii da me ko me ese tunaa ese ayadau mugo dodo. Ese sida uwo agaga da mugo dodo se dema. Kena ebo animana ta se yoo me yau-yau waya se dena ko iyaao takea se emii mugo kao waa ku namba dema. Ku mugo emii waa wui aoo se dema. Ona embato. Ona duwato. Ona naa pame yato. Ona naa pame yato. Ku wui se tutakea se dema. Kena ku emii waa ku eba da kaa kiyoo otuma emaa misi kooda waa. Embato nde miya, duwato nde miya, puu, otuma emaa misi kooda waa se dema.
Se nasemana ko ambiyoo iyamata mugo ndoe, ebo animana ta se yoo pasi kaa kiyoo Dom'mba Yuwa to ona aoo. Kiyoo inewena tai se dema. Me Dom'mba Yuwa me yau-yau kusinimapea kiyoo iyaao takea se emii mugo kao wui kasipa kuwa ku namba kiyoo aoo. Kena kudoo-padoo se ebo bage waa ku namba aoo. Ku se ku Dom'mba Yuwa me yau-yau kusinimapea se dema. Kena me Dom'mba Yuwa me ndamata mugo ndoe, “Yai, mee'm yambatumamea se Dom'mba Yuwa to me inda-banda mugo dodo ae,” se dema. Kena wa'm moo kaa kiyoo piya poo dada aoo se dema. Emaa misi waa dada ku nde miya dema. Ku emaa misi dada kuwa ku Anegisemee wa maa en'ndo otuma peyaabuu simi se Dim'mba to me ae, se dema. Ese oyu kam oyu se Anegisemee Dim'mba mei!
Bibinimapi kapuge pi-maseweta mugo ndoe, iyaao takea se emii wui ku nuwa, kudoo-padoo se ebo bage waa 24 ku nuwa, ku en'ndo otuma me Dom'mba Yuwa me egi kaa kiyoo maa nda mbato. Maa nda mbato se dembea ndoe ekii'm yaake kao ku ko mamine kado yaatoo se, me ona. Ona me ko eamasi se pidini awe da mugo kao yaatoo se, me ona. Ekii otuma ku wiya se ku yaatoo nakea ae se dema. Kena ekii'm pidini awe da me nda kiyoo ese dama se eponu aoo se kao waa me nda aoo. Ku bidea yitana dama eponu pesi na kao waa. Ku dama eponu pesi na se kao kuwa ku Anegisemee wa'm wa tao bage ekii'm asetoo sipea mina waa ku kaa mina ebeabea da mugo dodo. Se dema.
Ku semagea ndoe epo wado bage en'ndo otuma kiyoo yigimagea se dema. Kena ku epo wado bage ekii'm epopi nda kiyoo ebo animana ta se yoo kiyoo aoo. Kena kudoo-padoo se ebo bage nuwa, iyaao takea se emii waa, wui kuwa ku nuwa, ku nde miya epopi nda aoo. Kena ku yau-yau epo wado bage en'ndo otuma aoo ae, se dema. Se deta mugo ndoe ekii ese ata emi tau ebo toi se Anegisemee wa'm egi kaa egi gamana maa nda mbatona yapapa se.
Yaa ekatana yapeyaana ko ku epo wado bage kuwa ku yape maseao kan pegea. Kena ekii wui ku ndo pegea se ku tau. Ekii mbaya yape masisi na se bage waa, ese yai eaao kana se mee kooda waa ku nde miya bada yamadona pegea. Mee'm na-eaa manipi ku kaa kiyoo ku tentada bage eake kindo ko duwa datusi yuta (200.000.000), ku kisiu aoo se na-eaa manipi. Kena ku se ku deta mugo ndoe maa moo penaa se tau. Ekii kuda kamino duwa da kaa pakaanina penaa nakea se dema.
ကြော်ငြာတွေ