Yesiusi wai enii tao omiwoo towoo semuu nai se imam mee to kumana wa'm yaa mu-mu nai se ndanda ona me ko wai enii tao Anegisemee mesema epota kaa mee to se towoo semuu nai. Wai epota kaa mee to kumana wai enii kaa enii tao Anegisemee mbo “Yagane kaae. Yagane kaae,” se mina naa-eniwoo nai. Ku kaa kiyoo kam enii Anegisemee mesema apoemana wa mbo pasi kaa pi-tuwaao gai kipii kindo ko Yesiusi wa kaa “Mike ae,” yanigaao ndo sekii. Kase enta mugo ndoe, wa kaa “Mike ae,” se yanigeke bage ku Yesiusi wa'm dama yatoyaabuu taao sekii se bage waa. Ekii'm woo-woo se kaa mbeenaa kaa miya em si yadan ndo omiwoo towoo yatoyaabuu taasi se bage waa kui.
Wahayu 4:9 - Anegisemee'm Mina Kapuge9 Ku kindo ko ku iyaao takea se emii waa ekii “Paamee! Mataae! A ese asiyoo ae,” se mina eniwoo nakea. Ku mii kaa eniwoo se ee? Tau. Ebo animana ta se yoo me kaa animana tai se mee to wa kaa mina eniwoo nakea. Mee me me wai ese si bona ndo omiwoo towoo nai se mee to. Ku kindo wa kaa yapapa taao kan se eniwoo nakea. Kena wa kaa yapapataao kan mina enigea ndoe အခန်းကိုကြည့်ပါ။ |
Wahayu 4:9
20 ပူးပေါင်းရင်းမြစ်များ
Kena, Ndewi se imam bage ekii mee'm pamapea kao ku maseke koya anikee waa aii buwaasea se bage waa ku ndo. Yibanda kiyaa, Meokisedeki wa ko tau. Wa'm boke yoo, me kaa mina me Anegisemee'm mina kapuge me nda emi tau. Aii iyaao tai ae se nigisi na se mina me ndo aoo. Dee, Meokisedeki wai ese ebo se imam mee to, tau se.
“Eduga ko ni boma ko boma koya waya wadobo boke sekii tau. Ese ndumbo mina kasiinka ndeo. Ni ko ese mike si bona ndo omiwoo towoo semuu naka kui,” se nasimi. “Mee boyaao sekii se yaa mani da me nde miya ni guna miyo se kao. Mee bota-pata koo manei se yoo me nde miya ni guna miyo dito se kao. Ku kaa kiyoo mee bota-pata ku yaa patatana maa poo yoo yandomei taao sekii se mee to me ko me ni,” se nasimi. “Ku kumana si nawidaae,” se nasimi.
Wa yaa da asindaa Siduga kaa yageatata mugo ndoe, Anegisemee ekaa da kaa ese ndumbo tamaao eo se mina ku mina woetaake. Mbao kaa tamaao eo se mina aseke ee? Tau. Anegisemee wa ko wa'm toke yoo me kiyoo ndigi kema ndigi tau se tutai. Aii omiwoo towoo semuu nai se mee to koena. Kena wa'm anegi semami se kao kuwa, epo nuwa, maa nuwa, maakaa uwo nuwa, kena ku nda se-kao we-kao en'ndo otuma ku nuwa, ku wa'm ndo anegi semami se mee to. Me mugo Anegisemee to wa'm emaa misi kaa mina woetaake kumana “Tamaao eo se mina mbeasipi ae,” se nigeo. Kum seta kaa me mugo Anegisemee to wa ekaa da kaa me epo wado mee to wa'm se asina ko “Ni mina ku ese ndumbo ae se nigisi na ni Anegisemee'm emaa misi kaa kaseao kan sipa mina ku se de. Anegisemee wa'm eduga amanimami mina ku mbutu da ku waya ata si yapataambi. Ku mike pi-pamiyaao pasi sima,” aseke.
Ku se ku dena ko iyaao takea se emii wui kuwa, ona me ko wai eamasi keo waa dada ku maseweke. Eamasi keo waa dada ku masewena ku ekii dada se epo wado bage ku mbo pi-maneke. Ku mbo pi-manipi kuwa ku otuma ese puseopi se keo waa. Mbao kaa puseopi ee? Tau. Ese si dan ndo omiwoo towoo toi se Anegisemee to, wa'm yima kiki me ku nda domoo sipi kumana puseopi. Kena mee tuma bage ku wa'm yima kiki kan em yadasi na epo wado bage ekii dada kuwa ku mbo pi-maneke.
Kena ndo waa ko ebo animana ta se yoo me kaa animai mee to wa'm se nasina ko “Ni'm mina ku dama nayito taae,” aseke. “Se-kao we-kao en'ndo otuma ku ni'm yipi se-kao we-kao yakiyaabuu naka,” aseke. “Ku kasipa mina kuwa ku mbae da mina tau. Ku ese mike se mina kaseo. Ku ese ‘Mike ae,’ nigaao sekii se mina waa kaseo. Ku kumana ni'm kasipa mina ku masewena kapuge nda naawudumaae,” aseke. Ebo animai mee to wa'm se nasimi.
Se nasemana mina wiya tau kumana Anegisemee Dim'mba wai ni nduwawe namugu-mugu siyaake. Ni nduwawe namugu-mugu siyaai yako ni'm dema ku se de. Siduga maa me kaa kiyoo ese ata emi tau ebo toke se mee to wa'm animake yoo se dema. Me ebo animana ta se yoo me deta mugo ndoe, “O, mee ona me kaa animana tai ae,” se dema.
Kena ku mugo emii wui ku deta mugo ndoe ku otuma ekii gidigaa da waa bidimi aoo se dema. Ku'm eba da kaa otuma emaa misi kooda waa. Gidigaa miyo nde miya aoo, se dema. Kena ndeemaa nde miya, apikaa nde miya ku si omiin ndo Anegisemee kaa yapapa se mina eniwoo nakea. Ekii'm eniwoo nakea se mina ku se de. “Yahawee Anegisemee wa'm sese ese wa-nini keo! Wa'm yaa mani da me ese, ese asiyoo me kaa ama emi tau se yaa mani da. Wa'm sese ko si maaneke mbeenaa kaa miya emi tau sese. Ese wa-nini ae! Ese wa-nini ae! Ese wa-nini ae!” se eniwoo nakea. “Anegisemee wa ko wai aoo-aoo ku aoo ndo. Ese eduga edugana nde miya towoo simi. Endo nde miya towoo nai. Anikee waa nde miya towoo semuu taasi.” Iyaao takea se emii waa ekii'm se eniwoo nakea.
Kena ni waya iya-iya da kaa se dena ko ebo animana ta se yoo me kaa animai mee to wa'm meyaa yato yaa da kaa kiyoo kapuge ona bibinimana yaatoo nai se dema. Me bibinimapi kapuge me ko me emba to nde miya duwato nde miya mina waa wudumapi ae se dema. Se dema koya ekatake sekii tau. Kase enta mugo ndoe, kapuge bibinimapi se dodo me kaa kapuge kapo otou kaa kiyoo ndagineke kao dada ndaginimapi kumana ekatake sekii tau ae, se dema.
Kiyoo pi-bon'takea se dodo me kaa ekii otuma mina ebo se woena ko “Ndii da waa woe. Oma bea da waa woe. Ebo animana ta se yoo animai mee to wa'm nadiimbi kumana enii kaa deo endiyaana nabibinemaae. Yai, Dom'mba Yuwa to wa'm yima kiki enii'm moo kaa endaaniimbi kumana ndii nuwa, oma nuwa, ku mugo kao ku kita nabibinimake bada.
“Dom'mba Yuwa wa'm emu kaa pode da se eduu maawiya manaa nakea kumana ekii'm tomu se yoo me ko me Anegisemee'm ebo animana ta se yoo, me embato kiyoo tomu taao sekii. Ekii kiyoo ndo tomu siwoo taambea ndo,” se aseke. “Ku bage kuwa ekii Anegisemee'm okaa toke yoo kiyoo tomu nakea se dodo me kaa, aii se tomu se se ku tau. Omiyaa siyaa ku ndo ekii si dan ndo Anegisemee'm gai-gai yaawawoo semuu nakea,” aseke. “Kena ebo animana ta se yoo me kaa animai se Anegisemee to me ko wai ku bage ku si batai yako dama yaedimiwoo nai,” aseke.
ကြော်ငြာတွေ