Se asemana dinadiusi uwani ona me pi-masewena Yesiusi mbo “Ee,” se aseke. Kena Yesiusi wa'm waya se asina ko “Dinadiusi uwani me dewee. Me uwani me kaa egipina ko me mii'm sipi mugo egipei sipea naa ya?” aseke. “Eé, me mii'm ekaa da egipei sipea naa ya?” aseke. Ekii'm asina ko “Tau. Akaa ndepi ese ebo toke se Kaiseda wa'm sipi mei!” aseke.
Wahayu 3:12 - Anegisemee'm Mina Kapuge12 Si maaneke se kao ku mbeedi mbembo nai mee to wa kaa wa tao dama aya yadotaata. Wa kaa dama aya yadotaata ona me ko me se de. Mee me me, me ni'm yadopeana Anegisemee'm okaa toi se yoo me kaa pi-yatoyaata se mee to. Kiyoo pi-yatoyaa ndoe, ese Anegisemee'm emaa misi kaa kiyoo mee me me wai tukuu wetapa se mee to mugo dodo kidai. Ku kaa kiyoo waya badewena yau kaa peaniyaake sekii tau se mee to. Me bage aya yadotaata, me ona. Kena ni'm wiya aoo me yadotaata me ko me se de. Wa maa da kaa ekaa wido yaawudumaata. Ekaa da ona me ko ni'm Anegisemee, wa ekaa da yaawudumaata. Me ona. Ona me ko ni'm Anegisemee wa'm kota okaa yoo me ekaa da yaawudumaata. Me kota okaa yoo me Anegisemee wa'm Siduga kaa kam domaai se kota okaa yoo, ese yipi se Yedusedem okaa yoo mei! Me kota okaa yoo me ekaa da namba wa maa da kaa yaawudumaata. Wiya. Ona me ko ni'm yipi se ekaa da me nde miya wa maa da kaa yaawudumaata. Wido. Ku ekaa da wido kuwa wa kaa yaawudumaata. အခန်းကိုကြည့်ပါ။ |
Wahayu 3:12
26 ပူးပေါင်းရင်းမြစ်များ
Se nademea se bage ku ko ku aii bage waa se ku tau. Ku Yesiusi mbaya bage ekii'm emaa misi kaa “O ku enii'm ese ata emi tau ebo bage ae,” se demea se bage waa. Ku mee'm emaa misi kaa ebo bage ku ko ku Yakobusi nuwa, Petadusi nuwa, Yohanesi nuwa, ku wido kuwa. Kena ku wido ku ko ekii'm se nadena ko “Ai, ai, Anegisemee wai Paudusi tao manina ko wa'm ndanda awaao sekii kisi na se yaa mani da me manipi ae,” se nademea. Ekii'm se nadegea yako Banabasi anai yaa nemea. Enii ndepo mbaya ona ndo ae se ku nadesi na yaa nemea. Yaa amane se se dodo me kaa ko ekii'm se nasina ko “Bada o! Enii ndepi Anegisemee'm mina eniwoo se koya aka ko Yahudi tau se bage ku mbo pi-eniwoo taao bada. Enii ko Yahudi bage mbo pi-eniwoo taao bada,” se nasimea. “Enii ndepo enda awade semana se awawoo taao waa bada ae,” se nasimea.
Isedeo bage waa ekii Sinai ndii ambamba pemana widaamea. Ku koya endo eki ko eki'm memapea yoo wa-nini. Eki namba ndii da ambamba me kaa memapea koya wa-nini ndii to. Sion ndii me me, me kaa memapea. Sion ndii me ko me Siduga maa kaa aoo se Yedusedem kota okaa yoo mei! Me kota okaa yoo me iyaao tai se Anegisemee wa'm kota okaa yoo mei! Me kaa memapea. Waya eki'm memapea yoo kiyoo ko ese, ese eaao kana ese epo wado bage kooda waa ku namba kiyoo aoo. Ku dim bani-bani se kan andagatagea se epo wado bage kooda waa.
Ni'm yopaa se bage waa woe. Eki ko eki Anegisemee mbaya bage waa. Eki nduwawe kiyoo ko Anegisemee Dim'mba aoo. Ku koya ogu bage ku ko ku Ibedisi wa guna miyo togea se bage waa. Me Ibedisi me me, me ebo ko ebo koya tau, mbeedi. Enii nduwawe toke me ko me ese asiyoo kam asiyoo oyu se Anegisemee Dim'mba mei! Waya wa'm yaa mani da me kaa kiyoo eki mbae se nabi bage waa mbeedi mbembo semapea ae se kadeo. Ekii'm mina ku mbeenaa kaa miya si ditona ogato damapea ae se kadeo.
Kena ndo waa ko ni'm waya se dena ko Yedusedem okaa yoo kiyoo ndii ona aoo. Ndii ona me ekaa da ko Sion ndii. Kena Sion ndii me kaa deta mugo ndoe, Dom'mba Yuwa se mee to se dema. Dom'mba Yuwa me kiyoo inewena tomu nai se dema. Kena wa mesema tomu se se mee kooda waa 144.000 ku kisiu ku namba dema. Ku bage ku kaa deta mugo ndoe, ekii etu kaa kiyoo ekaa da wiya wudumapea ae se dema. Ona me ko Dom'mba Yuwa to wa ekaa da me ona. Ona me Dom'mba Yuwa wa'm Naamee ekaa da me ona. Ku ekaa da wiya ekii etu kaa wudumei-pai semapea se dema.
“Ku semana ndo waa ko ku ebo bage haas kuwa ekii Dom'mba Yuwa me mbeedi yambeaseao kan yape pi-masiisea. Yape pi-maseke ko masiisea koya aii bada kaasea ndo. Kase enta mugo ndoe, se-ebo we-ebo se bage en'ndo otuma ku Dom'mba Yuwa wa guna miyo se bage waa. Ku otuma mbeedi. Dom'mba Yuwa wa ndo ese ebo kam ebo se edaya mee to. Wa ndo ese ebo kam ebo se Tuhani. Kum seta kaa ku edaya bage haas kuwa ku Dom'mba Yuwa mbo yape pi-masiisea se dodo me kaa iyo kaasea. Wa'm ndo ku haas kuwa mbeedi yambembo-pambo semaasi koena,” se nasimi. “Ku se ku mbeedi mbeaseke se dodo me kaa me Dom'mba Yuwa wa mba nda penaa nakea bage ku ko ku aii bage waa se ku tau. Ku wa'm mina woewepi se bage waa. Ku wa'm ese dimi, wa-nini pikimami se bage waa. Ku wa kaa dimi wiya-wiya se mbeenaa kaa miya emi tau se bage waa. Ku mugo bage ku wa mbaya anewena wa ogudi penaa nakea se bage waa,” se nasimi.
Opa aoo se bage waa woe. Anegisemee Dim'mba wa'm Yesiusi kaa andagatagea bage waa ku mbo eniwoo nai mina waa ku kaa dama yayito taae. Si maaneke se kao ku mbeedi mbeasiwoo nai se bage ku waya wiya aoo me boke sekii tau. Aii ea ona ndo bomana omiwoo towoo taasea ndo,” se aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Opa aoo se bage waa woe, Anegisemee Dim'mba wa'm Yesiusi kaa andagatagea bage waa ku mbo eniwoo nai se mina waa ku kaa dama yayito taae. Si maaneke se kao ku mbeedi mbeaseke se bage ku ekii tao manina ko koo manemami se mana edoondi ku maniita. Kena pode da se oma me nde miya maniita. Me pode da se oma me kaa yipi se ekaa da aoo. Yipi se ekaa da wudumapi me ko me ogu bage waa deke sekii tau. Me manipi mee to wa ndo epi se ekaa da,” aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Opa aoo se bage waa woe. Anegisemee Dim'mba wa'm Yesiusi kaa andagatagea bage waa ku mbo eniwoo nai se mina waa ku kaa dama yayito taae. Si maaneke se kao ku mbeedi mbeaseke se mee to wa kaa wa tao dama aya yadotaata. Ni'm yadotaata aya me ko me Anegisemee'm Bayoo kiyoo mee si bosi na piya aoo. ‘Me piya me kaa poo ku nowoo se o,’ se asiita. Me bage aya yadotaata. Si maaneke mbeedi mbeaseke mee to wa kaa wa tao se asiita,” aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Ku se ku aoo kiyaana ko ese yipi se Yedusedem okaa yoo me Siduga maa kaa kam endai se dema. Me okaa yoo me me, me Anegisemee wa'm wa kaa wa tao wa-nini wenimami se okaa yoo. Me okaa yoo me Anegisemee mbo kam endai, endai se dito sita mugo ndoe, me ese deao disi yakiyaapi se okaa yoo ae se dema. Se deo ndoe ni'm se nigina ko “Yai, me Yedusedem okaa yoo wa'm sese disi me ko me mee'm odi masiinki ambii to wa'm sese mugo dodo, ae,” se nigima. Kase enta mugo ndoe, mee'm masiinki ambii to wa'm sese ko yimee'm emaa misi kaa deao disi kisi na wai deao disi se kao waa matake. Ku mugo yaa, me yipi se Yedusedem okaa yoo me me, me ese deao disi yakiyaapi se okaa yoo ae se dema.
Si maaneke se kao ku mbeedi mbembo nai se mee to wa namba ku mugo bage dodo kaasi. Ese pode se manaa se kao yaamataata koena. Kena omiwoo towoo tuwaasea bage waa, ekii ekaa da waa ku kapuge ona me nda aoo. Ku kindo ko si maaneke se kao ku mbeedi mbembo nai se mee to wa ekaa da me omiwoo towoo tuwaasea bage'm kapuge me kaa kam si ekide-mbeasiita sima. Si ekide-mbeana ndo ‘Me ni mbaya mee to,’ se yasiita. Ni'm Naamee nuwa, ni'm Naamee wa'm epo wado bage waa ku nuwa, ku egi kaa kiyoo mee me me wa ekaa da yaekaa wiita. Si maaneke ku mbeedi mbembo nai se mee to wa kaa ni se yaawaata.
ကြော်ငြာတွေ