“Kena mee tuma kaa bage eki'm dama tosi na mina me ko me Anegisemee wa'm mee wado ese ata emi tau ebo tuwaasi se mina da. Ku kumana ese pake-takanu se gumba pakemaan tau yoo, me kaa miyo me dama mina me ko me maa en'ndo maa ku otuma donaa asinaa taasea, maa en'ndo otuma mee en'ndo otuma yeao sekii kisi na. Kena me mina me maa en'ndo otuma odeeniyaana ndo waa ko ese pake-takanu se gumba, me pi-pamiyaabuu taasi,” aseke. Yesiusi wa'm se asimi.
Wahayu 3:10 - Anegisemee'm Mina Kapuge10 Eduga ko ni'm aii dodo se kasina ko ‘Eki ko bodi ababa taambea koya ku kaa dimina si katu kaae. Aii oyu kan kusipimana towoo taae,’ se kasima. Kisena ndo waa ko eki ni'm mina dama yemagea yako bodi ababa se se dodo me kaa aii kusipimana towoo nakea, se kadeta. Ni'm mina dama nayito nakea kumana ni'm eki tao dama aya kadotaa taata ku se de. Anikee waa maa kaa togea bage waa ekii'm dimina da waa ku uwa da kaa deyaasi na maa en'ndo mee en'ndo otuma bodi ababa taasea se gumba meyaata. Bodi ababa taasea se gumba meyaata koya eki kaa si meyaata. Ni'm ‘Kusipimana tuwaae,’ se mina ku tamaan tau kumana dama kaedimaata ndo. အခန်းကိုကြည့်ပါ။ |
Wahayu 3:10
30 ပူးပေါင်းရင်းမြစ်များ
Kena enii naoya-oya taao sekii se kao ku bende oga kaa naambeaseae. Kena ese dim peu se Ibedisi me ko wa'm si namaaniyaao kan sipi ku aii bada kisi na, me Ibedisi me me mbeedi naambeana dama naedimaae,” aseke. [[“Ku se ku mbao kaa kasetaao sekii ee enta mugo ndoe, tau. A ko ai ese ata emi tau ebo towoo nai se mee to me ona. Ona me ko a'm yaa mani da me ese oyu kam oyu se yaa mani da me ona. Ona me ko a'm toke yoo me ese asiyoo kam asiyoo abayai se toke yoo. Taa kiyaake sekii tau, me ona. Ku kaa nigimaa yako paamee se kaseo, kui.”]] “Anegisemee mbo asetoo se se dodo me kaa ko ku mugo mina asetoo taae,” aseke. Yesiusi wa'm se tupimi.
Yohanesi one dake se gado me kaa ko Edoma bage'm ese ata emi tau ebo se Kaiseda mee to, wa ekaa da ko Agusitusi. Kena ea na gapi Agusitusi wa'm se asina ko “Payaki uwani maseao kan ni'm guna miyo toke se bage waa ekii ekaa da waa ku otuma kapuge kaa naawudumei taae,” se aseke. “Ni'm guna miyo maa en'ndo otuma, mee en'ndo otuma se awaae,” aseke.
Kena Yesiusi wa'm waya Anegisemee mbo se asetaana ko “Naamaa woe, maa kaa togea se bage waa, ebanaa ku a'm bage waa. Ku mugo bage ku a'm ni'm yaa da kaa neme se bage waa. Ku nena ndo waa ko ku a'm sese ku uwa da kaa yadeyaabuu sipa. Waya wada nda, a'm mina ku yanige-manena ndo waa ko ekii si taman ndo dama yaa mu-mu nakea se deo.
Ni'm eduga edugana aseao kan sipa mina me ko me se de. Ni eki kaa Anegisemee mbo “Paamee,” se kaasetoo siwoo naka. Kase enta mugo ndoe, mee en'ndo otuma maa en'ndo otuma ekii'm yepea mina me ko me se de. Ogiyoo Edoma okaa yoo togea se bage ekii namba Yesiusi kaa “Mike ae,” se nigigea. Me mina me maa en'ndo otuma odeeniyaapea kumana ni Yesiusi Keditusi wa ekaa da kaa “Paamee,” se kaasetoo naka.
Eki mbo peu-pau awasi na kaoya-oya se kao waa ku eki mbo ndo aoo se kao se ku tau. Ku mee en'ndo otuma yaoya-oya semuu nakea se kao waa kui. Ku koya ku mbeedi mbeaseao sekii kisea na Anegisemee wa'm eki tao kaa-awawoo taambi kao ku se de. Ona me ko kaoya-oya se kao aoo se dodo me kaa kiyoo si woo-woo sisi na se enda da me nde miya kaawadiwoo taambi, me ona. Ona me ko ese em'mbee, mbeedi mbeaseao kana se oya-oya se mina aoo kipii kindo ko ku si kaoya-oya sisi na, ku wa'm ndo eki tao tapinea kaayaamaambi, me ona. Ku kindo Anegisemee'm kaa-awaao kan sipi ku kaa kiyoo tukuu wemana kusipimana tuwaae. Wa'm aii dodo enimi mina ku wa'm mike kaa-awaambi se mina waa koena. Ba-gamitake sekii tau.
Ku se ku yaa mu-mu se kipii kindo ko Ibedisi nuwa, peu se mbaa waa ku nuwa, ekii'm yape kamasigea se dodo me kaa ko mbeedi kambeaseao eo kaambea. Kisena ndo waa ko yape dano se dodo nde miya eki ko oyu ndo towoo taambea nde. Ese tukuu wemana magi tau ndo se towoo semuu nakea mugo dodo. Ku kumana enii'm yape masisi na se kao waa, Anegisemee'm enii tao naanegi semami se kao kuwa ku dama yaa mu-mu taae.
Ona me ko enii wa kaa wa tao bodi ababa se kipii kindo ko enii wa mesema ese ata emi tau ebo towoo taasea sima. Me ona, wiya. Ona me ko enii kita se asina ko “Me Yesiusi me ni eo se mee to,” se aseke kipii kindo ko wadobo wa namba se nasina ko “Mee me me, me ni eo se mee to,” se nasiisi sima. Me ona, wido.
Ku mugo yaa, dea aoo se uwo ndoo da me kaa kiyoo kam miga uwo woeweao kana sima. Kena winduwe piya me kaa kiyoo sinipoo ikeke se sekii yee? Tau. Kena, yidapoo andoo da me kaa kiyoo kam winduwepoo ikeke sekii yee? Tau na! Yai, nemugoi nakawaa ku se ku mike iyo se kao waa. Ku mugo yaa, eki'm ebe ku mina ona ndo eneao daan sipea koya tau. Dama mina nde miya, peu mina nde miya, akaa ndepi enei nakea se ebe waa. Yai, mina tuma wiya enii'm ebe kaa kam gea wadiyaai yako en'ta se ku maaneke baa! Se kaseao kan sipa.
Ni'm ese kaembaake se nemugoi nakawaa woe. Eki ko eki Yesiusi mbaya bage kumana ogu bage ku ese bodi kaababa siyaabuu siwoo taambea. Ku kindo ese bodi kaababa siyaake se gumba ndoe ku kaa si ndugidi taae. Me ogu Yesiusi mbaya bage ku nde miya omiyaa siyaa ku ndo yameaniyaabuu siwoo nai se kao koena. Me eki'm dimina da waa idede desi na kao kumana “Yai, me kase bage kao?” se ku si nigaae.
Ku kindo ko ni'm mina ku kaa kiyoo kam enii'm Tuhani wa kaa yanigaao sekii se mina me ko me se de. Ona me ko Anegisemee'm mina yaa mu-mu nakea se bage waa ekii'm widigi aoo se tuta se yoo ku yaadano kiyaana dama yatoyaabuu taao sekii se mee to me Tuhani. Me wa'm ese awaao epi se kao koena, me ona. Kena ona me ko peu-pau yaa mu-mu nakea se bage waa ku anikee waa Anegisemee mesema mina aoo kaasea. Me gapi me kaa pakemai ndoe, Anegisemee wai ekii kaa mina moo tukitana ese okaa em yadaasi sima. Ku taao kan me gapi pakemaan tau kam miyo Tuhani wai ku mugo bage dito taao epi kumana ooke sekii tau. Ku mike em yadaasi sima, me ona.
Ni, Yohanesi, ni eki'm mesema Yesiusi kaa eniikinaa bage waa. Kena enii Yesiusi nda dipinimake kumana enii ndepo enii kaa nameaniyaabuu sipi kao ku se de. Ona me ko enii Yesiusi mbaya bage kumana mee waa ekii bodi naababa siyaake, me ona. Ona me ko bodi ababa se koya dimina katu tau. Aii dama kusipimana towoo semuu nakea ndo, me ona, wiya. Ona me ko enii'm ese ebo toke edaya mee to me Anegisemee. Enii ndepo wa'm guna miyo togea se bage waa, me ona, wido. Ku se ku ni, eki mesema Yesiusi nda dipinimai yako nameaniyaabuu sipi kao waa. Ni ko ni Anegisemee'm mina nuwa, Yesiusi kaa mina waa ku kaa nuwa, ku dopeana mee mbo eniwoo sima. Ku eniwoo sima kumana mee waa ekii nabeagea yako yaa napineana Patamosi epogo maa me kaa kiyoo pi-nambeasimea.
Akaa bota da dito sita mugo ndoe mee en'ndo otuma maa en'ndo otuma ese bani-bani se aoo. “O, ku dee. Enii kaa bodi naababa siyaabuu sipea ku mike bomapea ae,” se nigeke kumana ese bani-bani se aoo. Ku kaa kiyoo badii n'takea nde miya aoo. Se-gai we-gai aii se a-mane naa-mane nakea nde miya aoo. Akaa bota da ku kaa ese bani-bani nakea kumana ekii'm se awawoo taasea, se dema.
Anegisemee wa'm aii dodo kambeaseke mina ku ba-gamitake sekii tau se mina waa. Ku kumana wa'm aii dodo kambeana ko “Yape bage ku yaa kapineana kaduwaasea de,” se kaambeasimi kipii kindo ko ku mike yaa kapineana kaduwaasea ndo. Kena, “Yape yado'm kambatumaasea de,” se kaambeasimi kipii kindo ko mike! Yape yado'm kambatumaasea sima. Ba-gamitake sekii tau. Ku kindo ko Anegisemee wa'm wa kaa wa tao wa-nini wenimake se bage waa woe. Anegisemee wa'm aii dodo kaambeasimi mina ku mike pi-pamiyaasi kumana wa kaa dim si wiya-wiya kaae. Mee agumee'm ese bodi peu-pau kaawawoo taambea se dodo nde miya dimi si katu kaae. Aii kusipimana takun ndo towoo taae. Se ku kaseao kan sipa.
Ku kaa kiyoo mee en'ndo otuma ekii me emii me kaa yapapa siwoo taambea koya Keditusi wa mbaya bage ku ko tau. Dee, ese eduga edugana ko maa nuwa, epo nuwa, ku se ku anegi semaan tau yoo kapuge ona aoo. Me kapuge me ko me mee'm mbatumamea se Dom'mba Yuwa to wa'm kapuge to. Kena me kapuge me nda wudumina ko omiwoo towoo tuwaasea se bage waa, ekii ekaa da waa ku me nda wudumami. Kisena ndo waa ko aii dodo wudumami bage kuwa ekii me emii me kaa si yapapa taasea se bage waa. Aii ogu bage ku ndo yapapa siwoo taasea, dim peu se emii me kaa. Se dema.
Anegisemee wa'm wa-nini wenimake se bage waa woe. Ni'm kasipa se bage kuwa ku Anegisemee wa'm mike em yadaasi se bage waa kumana ku em yadaasi kam miyo eki dimina da oyu kaae. Ogu bage ekii'm peu-pau kaawawoo nakea se dodo me kaa nde miya dimi si katu kaae, ku Anegisemee'm em yadaasi bage koena. Ku mina ku kaa kiyoo aii kusipimana oyu kan takun ndo towoo taae. Waya wada nda Yesiusi kaa dim si wiya-wiya kaae. Wa kaa “Mike ae,” se nigi siwoo taae. Kena Anegisemee'm mina ku si taman ndo oyu kan yaa mu-mu taae. Ku se ku oyu kan yaa mu-mu sisea na “Peu-pau se bage ku mike em yadaasi de!” se kaseao kan sipa.
Ken ndo waa ko epo wado mee to ona wai ni'm moo wado maa wada petai se dema. Se deta mugo ndoe wa'm mina dopi me ko me maa kaa togea bage enii tao yeao gai se mina da eniwoo taao kan se doke. Ese mike ba-gamitaao kana se mina da doke. Me yeao gai se mina me me, me taii ona ndo ekii tao se mina se ku tau. Ku bage ona ndo ekii tao se mina se ku tau. Ku eba epo da ona ndo se bage ekii tao se mina se ku tau. Mina tuma ona ndo se bage ekii tao se mina se ku tau. Ku ese mike mee en'ndo otuma, maa en'ndo otuma ekii tao yeao gai se mina da.
Ku mbaa wido kuwa ekii ku'm gun ndoiba kam memana ese abayai mee'm awaao kana se kao awawoo nakea se dema. Ku se ku awawoo sita mugo ndoe, maa en'ndo otuma penaa awanaa semuu nakea. Ese ata emi tau ebo toke edaya bage waa ekii mbo penaa nakea. “Ese ebo toke se edaya bage waa woe! Ekii, ekii'm tentada bage ku bada madona amo-mo siwee! Anegisemee mesema yape pi-masiwii nde! Amo-mo siwee!” se asinaa penaa nakea, ku mbaa wido kuwa. Dee, ese Oyu kam Oyu se Anegisemee to wa'm mee'm woo-woo se pikamoona em yadaambi se gapi, me mike pi-pamaao pasi. Me mike pi-pamaao pasi kumana me pi-pamaasi se gapi Anegisemee mesema yape maseao kan ku mbaa wido kuwa “Mewee! Ogiyoo maa me kaa amo-mo siwee!” se mina ku donaa asinaa nakea.
“Kena wa mesema tubaka awapea se bage ku ko ku maa kaa ese ata emi tau ebo togea se bage waa ku nuwa, aii maa en'ndo otuma mee en'ndo otuma ku nuwa, ku se ku me ambii mbato me mesema tubaka awawoo sipea mugo dodo,” aseke. “Wa mesema tubaka awawoo sipea kumana ekii'm dimina ku ese si yamaaniyaabuu nai. Ese aniguda poo odi nona edidi kiyaabuu nai mugo dodo. Ese mike dim'mba tau se yakiyaabuu nai koena,” aseke. “Kum seta kaa wa kaa em yadaambi yoo a namba dese nde, ‘Ni mesema mee,’ se kasipa ndeo,” se nasimi.
“Dee, a'm depe se emii me me, me eduga tomi se emii to. Eduga tomi se emii me epopi nda dodo si detakea koya waya ukaao pasi se emii to. Wai ogiyoo kiyoo otou - kima otou tau se gumo da kaa kiyoo kam pakemaao pasi se emii to. Kiyoo kam pakemana ko Anegisemee wa ko wai me emii me me, okaa em yadamana yadano kiyaasi,” se nasimi. “Me emii me me, me eduga tomi, epopi nda se dodo me kaa si deke, anikee waa waya diisea se emii to. Kena waya ukipi ae se degea yako maa kaa togea bage waa ekii wa kaa ese ‘Abayai,’ se yanigaasea. Anegisemee wa mbaya tau se bage waa ekii'm ndo se yanigaasea. “Ese eduga edugana ko maa nuwa, epo nuwa, ku se ku anegi semaan tau se dodo me kaa omiwoo towoo tuwaasea bage waa ekii ekaa da waa ku kapuge ona me nda wudumami, Kisena ndo waa ko me emii me kaa ‘Abayai,’ se yanigaasea bage kuwa ku me kapuge me nda wudumaan tau se bage waa. Ekii'm ndo ‘Abayai,’ se yanigaasea. Se.
Endo ko ni'm mina ku dama nayewee! Ibedisi wa ko wai eki ebanaa peniyada ee nda kadomoo taasi. Ese anikee waa se ku tau. Kadomoo taasi yoo pasi keo. Kena wa'm kaawaasi me ko me eki'm dimina waa ku Anegisemee kaa dimi wiya-wiya kakiyaao kan peniyada ee nda kadomoo taasi. Ku kaa kiyoo onu haas mugo mike bodi ababa semuu taasea. Bodi ababa taasea koya ku kaa si widaae. Kambatumake nde miya, katoyaake nde miya, eki Anegisemee kaa dimi si wiya-wiya taae. Kase enta mugo ndoe, Anegisemee kaa dimina ona ndo yaa mu-mu se kipii kindo ko ku kaa kiyoo omiwoo towoo katoyaasi na aya kadotaa taata sima.
Eki'm awake-awake ku ni epi. Kase enta mugo ndoe, ni'm kaadena ko eki ko maboo ko maboo koya tau. Ni'm mina yaa mu-mu nakea ndo se kadeta. Maboo ko maboo koya ni ekaa da kaa ego tau kan ‘Enii Keditusi mbaya bage,’ se mina ku uwa pana uwa da kaa eniwoo nakea, se kadeta. Eki ni kaa dimina ona ndo kumana eki egi yato gine to me dewee. Ni'm eki tao gine kaawaditapa me dewee. Ni'm kaawaditapa gine me mee agumee'm manemaao kana se gine to. Ku kindo me gine me nda pewee.
Ku deo ndoe ekii ko mina ebo woeke. Mina ebo se woena ko “O, ese ata emi tau ebo toi se Tuhani woe! A ko a ndo ese si maaneke ona kaa miya emi tau se Tuhani to. A ndo ese mike se Tuhani, kam tau. Ku kindo ko ku kaa kiyoo abuu naamaseke ku kaina gumba abuu naamasiimbe naa ya? Maa kaa togea bage ku nambatumana emu naogayaamea kumana ku kaa em yadaase yoo me pasi ee? Tau ee? Ku kaa naseae,” se asetoo nakea.
Ku se ku demana asiyoo iyataai ndoe kam'daabido ona maa wanda bowinaa nai se dema. Se deo ndoe mina ebo minai se yema. Ku kaa kiyoo mina se yena ko “Ka! Ka! Widaa ndeo! Be, be ase,” se aseke. “Tuwoo-tuwoo awe da wido ndigi kuwa ku mike minataao pasi kumana gane. Kase enta mugo ndoe, ku wido ku epo wado bage'm minaseke se dodo me kaa ko maa kaa togea se bage ekii'm moo kaa endaaniyaana ko ese bodi ababa siyaabuu taambea aya waa endaaniyaabuu taambea,” aseke. “Eneke sekii tau,” aseke. “Ku kaa kiyoo ‘Ka! Ka! Widaa ndeo! Be, be as!’ se asipa,” aseke. Maa wanda bowinaa nai se kam'daabido wa'm enipi mina ni'm se yema.
ကြော်ငြာတွေ