“Tuhani Anegisemee wai wa-nini nawenimapi kumana wa'm Dim'mba me ko me ni mbo aoo. Anegisemee Dim'mba ni mbo aoo se dodo me kaa mbao awasi na nawenimapi ee, en ndoya, tau na. Ona me ko ese dama yeao gai se mina ku dopeana bakata bage mbo pi-eniwoo sisi na, wa-nini nawenimapi. Me ona. Ona me ko peniyada ee nda domoo sipea bage waa ekii tao mina da. ‘Yaa kaekatana kapeyaabuu taambi,’ se mina da. Me mugo mina dopeana ekii mbo pi-eniwoo sisi na, wa-nini nawenimapi. Me ona, wiya. Ona me ko emaa diyoo aoo se bage waa ekii tao mina da. ‘Emaa diyoo ku kadano kiyaana kawadaniyaambi ndeo,’ se mina da. Me mugo mina dopeana ekii mbo pi-eniwoo sisi na, wa-nini nawenimapi. Me ona, wido. Ona me ko me dimi bodi aoo se bage waa dama toyaasi na wa-nini nawenimapi. Dee, ku mugo bage ekii'm dimi bodi ku mee'm peu-pau yaawagea yako dimi bodi ndo se tutakea se bage waa. Ku mugo dim bodi aoo se bage kuwa ku yaa patataasi na wa-nini nawenimapi. Me ona, wui.
Wahayu 22:2 - Anegisemee'm Mina Kapuge2 Kiyoo kam endai se deta mugo ndoe, me okaa yoo me nda em'mbee se enda da nda, ese enda epopi nda kiyoo endai se dema. Ken ni'm waya se dena ko piya ona deke. Me piya me uuwado iipi se piya. Naa mbaga naa ii da kaa, naa mbaga naa ii da kaa me uwo me epopi nda endai se piya se dema. Uwo me piya man'ndoo endai. Me piya me ekaa da ko mee si bosi na piya. Mee si bosi na piya me'm sese ko daamee endii pakei ona om'pi se dodo me kaa ko ea haas kumana bado kaa wiya poo ikiwoo nai, se dema. Ku kindo ao ona omeke se dodo me kaa poo ikeke. Waya ao ona omana waya poo ikeke. Se awawoo nai. Kena mee si bosi na piya me iye waa ku ko ku obasi mugo dodo se iye waa. Ku iye ku kaa kiyoo mee en'ndo otuma maa en'ndo otuma oyu kiyaana dama yatoyaabuu nakea. Kee tuma en'ndo otuma mike yadano kiyaabuu nakea. အခန်းကိုကြည့်ပါ။ |
Wahayu 22:2
20 ပူးပေါင်းရင်းမြစ်များ
Keditusi wa ko wai enii'm woo-woo se kaa em nadake yoo ku wa kaa yadotaasi na wa'm maa buboo ku wa kaa to “Ee,” se asimi. Wa kaa to “Ee,” se asemana eda piya aoo se piya tukuu me kaa paku wemana naabomi. Mbao awasi na naabomi ee? Tau, enii ko enii waya wadobo si woo-woo sisi na naabomi, me ona. Wiya aoo me enii dama, ndumbo sese ku ndo awawoo sisi na naabomi, me ona, wiya. Ku wiya ku awasi na naatabemami. Ku kindo wa'm maa buboo dai-pai se me kaa kiyoo kam me enii'm si maaneke ku naadano kiyaabuu simi.
Opa aoo se bage waa woe. Anegisemee Dim'mba wa'm Yesiusi kaa andagatagea bage waa ku mbo eniwoo nai se mina waa ku kaa dama yayito taae. Si maaneke se kao ku mbeedi mbeaseke se mee to wa kaa wa tao dama aya yadotaata. Ni'm yadotaata aya me ko me Anegisemee'm Bayoo kiyoo mee si bosi na piya aoo. ‘Me piya me kaa poo ku nowoo se o,’ se asiita. Me bage aya yadotaata. Si maaneke mbeedi mbeaseke mee to wa kaa wa tao se asiita,” aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Kena me eda gine waa, haas kumana bado kaa wiya kuwa, ku otuma musiada oma ku kaa epipi semamea se gine waa. Gine ona, musiada oma ona, gine ona, musiada oma ona, se masewena epipi semamea, otuma se dema. Kena me okaa yoo me nda epopi nda kiyoo ese em'mbee se enda da aoo. Me enda da me deta mugo ndoe, “O, ese maa mbeenaa kaa miya emi tau se eamasi ku kaa kiyoo kam masewena epipi semamea se enda da, ae,” se dema. “Ese maa kaa miya emi tau wiki-wiki nai se ayadau mugo dodo se enda da ae,” se dema.
Waya wada nda ku ao da ku kaa kiyoo maa en'ndo otuma mee en'ndo otuma yawadaniyaabuu siwoo nai kumana ao da ndo se towoo taasea. Kena maa en'ndo otuma ku wado ese ata emi tau ebo toke se bage waa, ekii me okaa yoo me nda mi-ndemeke se dodo me kaa ko ekii'm se-sinowi we-sinowi ku nde miya dopeana mi-ndemina mbembo siwoo taambea.
Ken ndo waa ko me epo wado mee to me me, wa'm waya se naadeyaana ko omiwoo towoo toyaasi na se uwo kaada naadeyaami. Me uwo kaada me ko me maa mbeenaa kaa miya emi tau se uwo kaada. Kena me uwo endai nda batu da me me, me Anegisemee mesema Dom'mba Yuwa, akaa'm ebo animana ta se yoo, kiyoo kam endai se dema.
Dama awapea se bage ku ko ekii, ekii'm manaa se maawiya ku wisemana matapea se bage waa mugo dodo se detaka. Ku mugo bage ku bani-bani siwoo taasea se bage waa. Kase enta mugo ndoe, me okaa yoo me yau-yau eda aoo koya manaa se kao wisemapea mugo bage waa ku eda gine waa ku nda ndem-pe taao sekii se bage waa. Ku nda ndem-pe sita mugo ndoe mee si bosi na piya, me kaa poo ku dawena naao sekii se bage waa. Ku kaa kiyoo ku mugo bage waa ku ese bani-bani siwoo taasea se bage waa.
Waya wada nda me kapuge me nda amanimake mina kuwa, me mina “Mbeduwa ae,” nigimana ko ebanaa ku ekide-mbeaseke kipii kindo mina ekide-mbeasipi mee to me nde miya Anegisemee wa'm em yadaambi se mee to. Em yadai yako me kapuge me nda dama tosi na se kao, mee si bosi na se piya me nuwa, Anegisemee wa'm wa kaa wa tao wa-nini wenimami se okaa yoo me nuwa, ku se ku si maniimbi. “Me okaa yoo me si ndemaae! Ku poo ku si naae!” se mina ku ndo yasiimbi. Ni'm wudumapa mina ku ekide-mbeasipi kindo Anegisemee wa'm se yaawaasi. Ku kindo ko me kapuge me nda mina waa ku otuma ndumbo ndo yaa mu-mu taae. Ku mbae da mina kisi na yipi mina mesema dipinimake me daa. Waya kawitana ni'm wudumapa mina ekide-mbeaseke nde miya me daa. Ku se ku mbeenaa kaa miya si awaae. Se kaseao kan sipa.