Kena Yesiusi wa'm waya se asina ko “Ni ko ni Anegisemee Naamee mbo pemana ndo waa ko Dimina Kakumasi na Mee to eki mbo kameyaata,” aseke. “Dimina Kakumasi na Mee to me Anegisemee kaa mike ndumbo mina waa ku katupita siwoo taasi se Anegisemee Dim'mba mei! Dim kadake sekii tau. Kum seta kaa yapeyaata mugo ndoe wai Anegisemee Naamee mbo kam endidona ni kaa mina ku dopeana mee mbo kanige-mane siwoo taasi,” aseke.
Wahayu 22:1 - Anegisemee'm Mina Kapuge1 Ken ndo waa ko me epo wado mee to me me, wa'm waya se naadeyaana ko omiwoo towoo toyaasi na se uwo kaada naadeyaami. Me uwo kaada me ko me maa mbeenaa kaa miya emi tau se uwo kaada. Kena me uwo endai nda batu da me me, me Anegisemee mesema Dom'mba Yuwa, akaa'm ebo animana ta se yoo, kiyoo kam endai se dema. အခန်းကိုကြည့်ပါ။ |
Wahayu 22:1
30 ပူးပေါင်းရင်းမြစ်များ
Ku koya ni'm maneao sekii se uwo, ku mugo uwo nopi se mee to wai waya wadobo uwo naadi keke sekii tau,” aseke. “Waya wada nda ni'm manipa uwo ku wa nduwawe kiyoo aoo kiyaana ko me omiwoo towoo toyaasi na se uwo batu patana si dan ndo gudu-gudu siyaabuu siwoo taambi. Ku kaa kiyoo, wa'm toke yoo taa kiyaake sekii tau,” aseke.
“Ku semana ndo waa ko Siduga maa me kaa yadotaake. Siduga maa me kaa yadotaana ko Anegisemee'm meyaa yato me kaa tomu se. Ese, ese ebo tosi nde. Me kaa ebo toke se dodo me kaa ko Anegisemee Naamee wai Anegisemee Dim'mba Yesiusi maneke. Anegisemee'm eduga enimi mina kui. Kena Anegisemee Dim'mba manina ko Yesiusi wai me Anegisemee Dim'mba me me enii'm dim'mba nda nadomoo sipi. Ku kindo ko endo gapi eki'm dito kea ku nuwa, eki'm yito kea ku nuwa, ku otuma me Anegisemee Dim'mba me me wa yaa mani da kaa nakumai yako aoo kiyaapi kao ku ndo dito kea,” aseke.
Me kapuge me nda mina waa ku Yesiusi Keditusi wa'm uwa da kaa kiyaabuu simi se mina waa. Dee, ku mina kuwa ku mee'm eduga yiin tau se amanimake mina waa. Ku amanimake se mina kuwa ku mike pi-pamaao pasi se amanimake mina waa. Ku pi-pamaao pasi se mina kumana Anegisemee wai ku mina kuwa Yesiusi Keditusi mbo yamatake. Aii se yamatake se ku tau. Wa'm wa kaa wa tao ndanda yaawanaa se bage waa ku otuma ku namba epi kisi na Keditusi mbo yamatake. Ku kindo ku Keditusi mbo yamatana ko ku mina ku enii namba epi kisi na Keditusi wai wa'm epo wado mee to ona Yohanesi mbo yapeyaake. Yohanesi mbo yapeyaana ko ku mina kuwa dopeana pi-yanige-maneke. Me Yohanesi me me, wai Keditusi wa'm wa kaa wa tao ndanda yaawanaa nai se mee to. Wa mbo pi-yanige-maneke.
Kam waa ko wa'm waya se nasina ko “Endo dano! Ni'm awaao kan sima ku otuma pi-pamiyaapa, dano!” se nasimi. “Ku kaa kiyoo ni'm sese ona me ko, ni ese eduga edugana kam ata kisee ese pake-takanu kam miyo ku en'ndo otuma ni aoo-aoo ku aoo ndo se taka, me ona. Ona me ko se-kao we-kao en'ndo otuma aoo kiyaama se mee to me ni. Kisena ndo waa ko ku otuma dano kiyaata se mee to me nde miya ni, me ona, wiya. Ku sese wiya kuwa ku ni'm sese,” se nasimi. Kena wa'm waya se nasina ko “Uwo naadi aoo se bage ku tao uwo maniwoo taamba koya miga uwo se ku tau. Omiwoo towoo toyaasi na uwo batu kiyoo kam uwo woe-mane siwoo taamba,” aseke. “Kipe kaa maneke se ku tau. Aii se uwo woe-mane siwoo taamba,” aseke.
Se asemana ko epo wado mee to ona wai ni mbo meke. Ni mbo meke se epo wado mee to me ni'm eduga dema se epo wado mee to. Dee, eduga ko epo wado bage waa ekii dada ku dema. Kena ku dada ekii'm yaa da kaa yaa mu-muna ko mee tuma bage kaa ese takanu bodi ababa sisi na keo-poo, dada, ku se ku yaa mu-mu simea se dema. Ku epo wado bage kuwa, ona me ko medona ni mbo se nasina ko “Ni mba nda me! Ana ogiyoo pee nde. Dom'mba Yuwa wa'm masiimbi ambii to me ni'm pi-kadeyaamba nde, ni mba nda mee!” se nasimi.
Anegisemee Dim'mba me nuwa, Dom'mba Yuwa to wa'm ambii se bage waa ku nuwa, ekii otuma “Mewee, mewee,” se mina eniwoo nakea. Kena, ku eniwoo sipea mina ku kaa “Mike ae,” nigimapea se bage ekii nde miya ukina waya “Mewee, mewee,” se mina en'takea waa bada ae se nigeo. Mbao awasi na “Mewee,” se mina aseao bada ee, tau na. Omiwoo towoo sisi na uwo mi-nosi na “Mewee,” se mina woeke. Ku kumana omiwoo towoo sisi na uwo naadi kipii kindo ko mi-noke bada. Kipe edina noke se uwo se ku tau. Aii se mi-noke ndo bada, se kaseao kan sipea.
Ku se ku naadeyaana ko me epo wado mee to me me, wa'm waya se nasina ko “Ni'm kaadeyaabuu sipa mina ku otuma ese ndumbo se mina waa. Ku otuma ‘Mike ae,’ nigaao sekii se mina waa. Kase enta mugo ndoe, nameyaapi mee me ko me Tuhani, nabi bage'm dimina waa nda yakumawoo simi se Anegisemee me me, wa'm nameyaapi. Aii se nameyaapi se ku tau. Nameyaai se dodo me kaa wa'm se nasina ko ‘Ni'm awaao gai ku ba-gamitake sekii tau. Ku ese mike pi-pamiyaao pasi se mina waa. Ku kumana ni'm pi-pamiyaabuu taamba mina ku naadopeana ni'm gai-gai naawawoo nakea se bage waa ekii mbo pi-yanige-mane siwoo taae,’ se nasii yako mi-kaseo ndeo,” se nasimi. Epo wado mee to wa'm se nasimi.
Si maaneke se kao ku mbeedi mbeaseke mee to wa kaa wa tao ebo yatoyaata. Dee, eduga ko si maaneke se kao ku ni'm mbeedi mbeasima se kao waa. Ku mbeedi mbeana ndo waa ko ni'm Naamee mbo pemana wa mesema animana tomu se, wa mesema ebo tuwaao nde. Ku kindo si maaneke se kao ku mbeedi mbeaseke mee to wa namba dodo se yatoyaata. Ni'm ebo animana ta se yoo wa namba kiyoo yaanimayaata, ni mesema ebo tuwaao na.
Kena ndo waa ko ni wa-nini se euu mina me namba yeke. Ni'm yeke se euu mina me ko me Anegisemee wa'm anegi semami se-kao we-kao ku en'ndo otuma ku ekii'm euu mina patatagea se yeke. Siduga maa kaa toke se-kao we-kao ku nuwa, maa kaa toke se-kao we-kao ku nuwa, maa yiba nda toke se-kao we-kao ku nuwa, maakaa uwo ndoiba nda toke se-kao we-kao ku nuwa, ku se ku ekii'm yapapa se mina waa ku yeke. Ekii'm yapapa se mina ku se de. “Ebo animana ta se yoo animai mee to mesema Dom'mba Yuwa to, akaai ekaa da waa ku ebo yambeaseao waa bada ae, se kanigeo. (Haa ii) ‘Paamee! Mataae!’ se yasetoo nakea waa bada ae, se kanigeo. (Haa ii) Kena akaa'm ese ata emi tau ebo tutakea yoo me ko me enii kaa wado si dan ndo ese oyu kan omiwoo towoo togea waa bada ae, se nigimana yapapa taao bada. (Haa ii)” Ku mugo euu mina se yapapa nakea se yema.
Se nasemana ko ambiyoo iyamata mugo ndoe, ebo animana ta se yoo pasi kaa kiyoo Dom'mba Yuwa to ona aoo. Kiyoo inewena tai se dema. Me Dom'mba Yuwa me yau-yau kusinimapea kiyoo iyaao takea se emii mugo kao wui kasipa kuwa ku namba kiyoo aoo. Kena kudoo-padoo se ebo bage waa ku namba aoo. Ku se ku Dom'mba Yuwa me yau-yau kusinimapea se dema. Kena me Dom'mba Yuwa me ndamata mugo ndoe, “Yai, mee'm yambatumamea se Dom'mba Yuwa to me inda-banda mugo dodo ae,” se dema. Kena wa'm moo kaa kiyoo piya poo dada aoo se dema. Emaa misi waa dada ku nde miya dema. Ku emaa misi dada kuwa ku Anegisemee wa maa en'ndo otuma peyaabuu simi se Dim'mba to me ae, se dema. Ese oyu kam oyu se Anegisemee Dim'mba mei!
“Mbao kaa waya wadobo si bodi ababa taambea ee? Tau. Me Dom'mba Yuwa me me, ebo animana ta se yoo me kaa ese epopi nda kiyoo tomu nai se Dom'mba Yuwa me ko wai eki tao yaman'ta siwoo nai. Ekii tao man'ta se mee to keke se dodo waa ko wa'm sese ko ese dom'mba man'ta se mee to wa'm sese mugo dodo kaambi,” aseke. “Kase enta mugo ndoe, wai ku bage ku bada yamadona uwo batu-batu aoo se yoo pi-yambembo siwoo taambi. Miga uwo se uwo batu-batu se ku tau. Ku ese dama yatoyaabuu siwoo sisi na se uwo batu-batu waa ku kaa bada yamadona pi-yambembo siwoo taambi,” aseke. “Kena Anegisemee wa ko wa nde miya ekii'm dimina da nda dano-dano se ku yadano kiyaana ekii'm yee gumba en'ndo otuma yawanamoo taambi,” aseke. Kudoo se ebo mee to ona wa'm se nasimi.
ကြော်ငြာတွေ