Wahayu 2:11 - Anegisemee'm Mina Kapuge11 Opa aoo se bage waa woe. Anegisemee Dim'mba wa'm Yesiusi kaa andagatagea bage waa ku mbo eniwoo nai mina waa ku kaa dama yayito taae. Si maaneke se kao ku mbeedi mbeasiwoo nai se bage ku waya wiya aoo me boke sekii tau. Aii ea ona ndo bomana omiwoo towoo taasea ndo,” se aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui. အခန်းကိုကြည့်ပါ။ |
Wahayu 2:11
16 ပူးပေါင်းရင်းမြစ်များ
“Ku koya ebanaa ku sii maa kaa endaaneke. Sii maa kaa endaane sipea kuwa ku dama iitaina, kisena ebo se dodo me kaa poo gemba ikemoo se. Poo gemba waa ku ikemoo se se dodo waa ko yai, ese oba! Gemba ona ndo iipi me kaa kiyoo wadobo wa'm ikemoo se ku 100 mugo ikemoo se. Sii maa kaa endaane simea ku otuma kui,” aseke. Yesiusi wa'm mina ebeabea da se asemana ndo waa ko, wai mina ebo mbeana se asina ko, “Opa ku aoo se bage waa woe. Ni'm mina ku dama nayito taae,” se aseke.
Opa aoo se bage waa woe, Anegisemee Dim'mba wa'm Yesiusi kaa andagatagea bage waa ku mbo eniwoo nai se mina waa ku kaa dama yayito taae. Si maaneke se kao ku mbeedi mbeaseke se bage ku ekii tao manina ko koo manemami se mana edoondi ku maniita. Kena pode da se oma me nde miya maniita. Me pode da se oma me kaa yipi se ekaa da aoo. Yipi se ekaa da wudumapi me ko me ogu bage waa deke sekii tau. Me manipi mee to wa ndo epi se ekaa da,” aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Opa aoo se bage waa woe. Anegisemee Dim'mba wa'm Yesiusi kaa andagatagea bage waa ku mbo eniwoo nai se mina waa ku kaa dama yayito taae. Si maaneke se kao ku mbeedi mbeaseke se mee to wa kaa wa tao dama aya yadotaata. Ni'm yadotaata aya me ko me Anegisemee'm Bayoo kiyoo mee si bosi na piya aoo. ‘Me piya me kaa poo ku nowoo se o,’ se asiita. Me bage aya yadotaata. Si maaneke mbeedi mbeaseke mee to wa kaa wa tao se asiita,” aseke. Ni'm iya-iya da kaa dema se mee to wa'm se nasimi kumana ni'm kapuge kaa wudumapa mina waa kui.
Se pikamoo semana waya kapuge ona ndamake. Me kapuge me ko me omiwoo towoo tuwaasea se bage waa, ekii ekaa da waa ku wudumami se kapuge. Me kapuge me nde miya ndamana me nda ekaa da wudumaan tau se bage waa ku otuma bidea uwo ndoo da ndoiba nda yawamoo nai se dema. Mee bota da waa mbembo simi yoo kiyoo kam memapea se bage ku nuwa, aii bota-pata bage en'ndo otuma ku nuwa, ku otuma bidea uwo ndoo da nda yawamoo nai se dema. Ekii ekaa da waa ku me kapuge me nda emi tau koena. Ku kaa kiyoo bidea uwo ndoo da nda yawamoo se se dodo me kaa ko “O me ekii'm ea wiya aoo me bomana yatoyaabuu siwoo sipi yoo ae,” se dema.
“Kena ku kasipa se-kao we-kao kuwa ku aii bage tao maniimba se ku tao. Ku peu-pau mbeedi mbembo semamea se bage waa, ku mugo bage ku ndo ekii tao ‘Eewee,’ se asiimba se-kao we-kao. Ese ekii tao daa yambembo sipa kao ku ‘Eewee,’ se asiimba mugo dodo. Ku kindo ku mugo bage ku ese okaa se niyombai waa kaambea. Kena ekii'm yapapa siwoo nakea se Anegisemee to me ni ndo se siwoo taamba,” se asimi.
“Ku koya peu-pau awawoo sipea se bage waa ekii tao manina ko ese ndani, ese dibita eponu aoo se bidea uwo ndoo da nda towoo se yoo me ndo maniita. Ku kindo me nda domoo taata se bage ku ko ku mbugu kan duwa namatamea bage waa ku nuwa, ni kaa ‘Mike ae,’ nigaao be se bage waa ku nuwa, apea se kao awamea se bage waa ku nuwa, mee agumee yambatumamea se bage waa ku nuwa, tubaka awamea se bage waa ku nuwa, mbaa wan'ta simea se bage waa ku nuwa, mbae da se anegisemee yapapa simea se bage waa ku nuwa, dim dake mina enimea se bage en'ndo otuma ku nuwa, ku se ku ese dibita eponu aoo se bidea uwo ndoo da nda towoo taasea se bage waa. Me nda ndemeke me ko me ekii'm ea wiya aoo me buwaasea yoo ndemeke mugo dodo,” se asimi.
Si maaneke se kao ku mbeedi mbembo nai mee to wa kaa wa tao dama aya yadotaata. Wa kaa dama aya yadotaata ona me ko me se de. Mee me me, me ni'm yadopeana Anegisemee'm okaa toi se yoo me kaa pi-yatoyaata se mee to. Kiyoo pi-yatoyaa ndoe, ese Anegisemee'm emaa misi kaa kiyoo mee me me wai tukuu wetapa se mee to mugo dodo kidai. Ku kaa kiyoo waya badewena yau kaa peaniyaake sekii tau se mee to. Me bage aya yadotaata, me ona. Kena ni'm wiya aoo me yadotaata me ko me se de. Wa maa da kaa ekaa wido yaawudumaata. Ekaa da ona me ko ni'm Anegisemee, wa ekaa da yaawudumaata. Me ona. Ona me ko ni'm Anegisemee wa'm kota okaa yoo me ekaa da yaawudumaata. Me kota okaa yoo me Anegisemee wa'm Siduga kaa kam domaai se kota okaa yoo, ese yipi se Yedusedem okaa yoo mei! Me kota okaa yoo me ekaa da namba wa maa da kaa yaawudumaata. Wiya. Ona me ko ni'm yipi se ekaa da me nde miya wa maa da kaa yaawudumaata. Wido. Ku ekaa da wido kuwa wa kaa yaawudumaata.
Si maaneke se kao ku mbeedi mbembo nai se mee to wa namba ku mugo bage dodo kaasi. Ese pode se manaa se kao yaamataata koena. Kena omiwoo towoo tuwaasea bage waa, ekii ekaa da waa ku kapuge ona me nda aoo. Ku kindo ko si maaneke se kao ku mbeedi mbembo nai se mee to wa ekaa da me omiwoo towoo tuwaasea bage'm kapuge me kaa kam si ekide-mbeasiita sima. Si ekide-mbeana ndo ‘Me ni mbaya mee to,’ se yasiita. Ni'm Naamee nuwa, ni'm Naamee wa'm epo wado bage waa ku nuwa, ku egi kaa kiyoo mee me me wa ekaa da yaekaa wiita. Si maaneke ku mbeedi mbembo nai se mee to wa kaa ni se yaawaata.
ကြော်ငြာတွေ