Se asemana Yesiusi wa'm se ambewaana ko “Tau, ni'm kasipa mina me Anegisemee wa'm mee wado ese ata emi tau ebo toi ae se nigisi na se mina da. Eduga ko me mina da me kaa mina waa ku Anegisemee wa'm koo gamami se mina waa. Ku koya endo ko wa'm ebo toke sese ku epi kisea na eki'm dimina da waa ku kawadaniyaapi,” aseke. “Yibanda kiyaa ogu bage waa ekii'm dimina da waa ku yawadaniyaan tau,” aseke.
Wahayu 17:9 - Anegisemee'm Mina Kapuge9 “Ku kasipa mina kuwa ku dim pame aoo se bage waa ekii'm ndo masimaao sekii se mina kumana ku kaa dim pame aoo se dimina kapaae! Dee, me emii me me, wa'm moo gea dada kuwa ku kaa mina ebeabea da wiya aoo. Mina ebeabea da ona me ko me moo gea dada ku ko ku ndii waa dada mugo ku kaa mina ebeabea da, me ona. Ku ndii waa dada kuwa ku ni'm kasipa tubaka aoo se ambii to wa'm animana ta se ndii waa mugo dodo,” se nasimi. အခန်းကိုကြည့်ပါ။ |
Wahayu 17:9
10 ပူးပေါင်းရင်းမြစ်များ
(Endo ko ni Mandiusi, ni'm waya wadobo kaawudumaanka mina kuwa ku ndamake se dodo me kaa dama nigi si pe taae. Ku kaa dama masimagea waa bada ae se nigeo!) Yesiusi wa'm asina ko “Ese pake-takanu se gumba aoo kaasi kumana Yahawee'm mina yaa-enei simi mee to, Danieo me me, wa'm aii dodo enimi mina ku pi-pamiyaasi se dodo me kaa ko ese peu, ese ediga se kao me me, me ese daa se yoo me nda inewena tomu taasi, se diisea. Me nda inewena tomu nai se dodo ndoe, me ese daa se yoo me me si maaniyaasi. Si maaniyaai yako mee en'ndo otuma me nda si gagana bado dawiisea ndo. Ese odeapo kan me nda si gagataasea ndo, se diisea,” aseke.
Maakaa uwo ii da kaa tomu nai se hayoiyo me dito sita mugo ndoe, maakaa uwo ndoiba kam ese em'mbee dim peu se emii ona kiyoo kam paketai se dema. Me emii me me, wa'm sese ko ese em'mbee masiani tutu se kamino mugo dodo. Wa'm kepo ku beduani kamino, wa'm kepo mugo dodo. Wa'm gun ndoo da me siniga kamino wa'm gun ndoo da mugo dodo. Yai, ese oyu, dim peu se emii to mugo dodo se dema. Kena wa moo ku ona ndo tau. Moo gea dada aoo ae se dema. Kena ku moo gea dada ku kaa wudumina ko ekaa da waa aoo ae se dema. Wa'm moo ku kaa wudumapi se ekaa da waa kuwa ku Anegisemee wa ekaa da peu kiyaasi na se ekaa da waa. Ku Anegisemee kaa yagoea-goea sisi na se ekaa da waa se dema. Kena wa'm moo waa ku kaa waya se dena ko piya poo haas aoo ae se dema. Kena ku piya poo ku kaa yakumita sipea se daikomiya waa, ese ebo toke se edaya mee to wa'm eamasi daikomiya matayaa mugo dodo se daikomiya waa. Ku mugo daikomiya ku namba haas aoo ae se dema. Me mugo emii deke se dodo me kaa ko ii da kaa tomu nai se hayoiyo to wa'm me emii me se asina ko “Endo ko ai mee tuma da bage ku wado ese ata emi tau ebo tose na, ni'm yaa mani da ku a tao ee! Ni'm ebo animana ta se yoo me nde miya a tao ee!” se aseke. Hayoiyo me me, wa'm se aseke.
Ni'm iya-iya da kaa me mugo kao se asimi kumana dim pame aoo se dimina kapaae! Dee, dim peu se emii to, eduga edugana ukipi me me, wa'm nomodo me 666. Me nomodo me me dim pame kan dama masimake kipii kindo ko dim peu se emii kadeba se sekii tau kaasi. Wa'm ukaasi yoo aii miga mee to mugo agidimaasi koya “O, me miga mee to me tau. Me dim peu se emii mbato ae,” se yanigaao sekii kaasea. Wa'm nomodo dim pame kan dama eamapea kindo.
“Me tubaka awaao kan edeke se ambii to depe me me, me ese em'mbee mee en'ndo otuma epi se kota okaa yoo me kaa ebeabea da. Kena maa en'ndo otuma mee en'ndo otuma ekii'm ebo togea se edaya bage waa ku otuma ebo ko ebo koya mbeedi. Kase enta mugo ndoe, ekii'm moo wado ebo togea ku ko ku me kota okaa yoo me nda togea se ebo bage waa. Ku ndo ese ebo kam ebo togea se bage waa. Ogu maa en'ndo otuma ebo bage waa ku mbeedi,” se aseke. Epo wado mee to wa'm se nasimi.
Se nasemana ko Anegisemee Dim'mba wai namugu-mugu siyaai yako me epo wado mee me me, wa'm ni nadopeana mee tuwaan tau yoo maa ndani se maa me kaa pi-nambeaseke. Me kaa pi-nambeana se dembea ndoe ese em'mbee emo da se emii mbato deke. Me emii me ko moo gea dada se emii to. Kena ku moo gea dada ku kaa wado piya poo haas aoo ae, se dema. Kena wa'm maa buboo kaa wudumapea ku ko ku ekaa da waa oba wudumapea se dema. Ku ese peu se ekaa da waa. Ku Anegisemee ekaa da peu kiyaasi se ekaa da waa se wudumei sipea. Ku mugo ekaa da waa dema. Kena wa'm em'kaa kiyoo animana tomu nai se ambii to ona aoo se dema.
Ni'm se nigeke koya me epo wado mee me me, wa'm se nasina ko “Tau de. A'm ‘Abayai!’ se nigeke ku tau de. Kase enta mugo ndoe, ku kaa mee'm si nige-neke se mina kuwa ku ni'm kanige-maniimba mina waa,” aseke. “Me ambii me kaa mina nuwa, kena wa'm donaa se emii to, moo gea dada, piyapoo haas aoo se emii to me me, me kaa mina nuwa, ku mina ku kanige-maniimba,” aseke. “Ku kindo ‘Abayai!’ se dimina me mbeas. Me si nigaae,” se nasimi.
ကြော်ငြာတွေ