Kase enta mugo ndoe, ku mugo bage ekii maa kaa se-kao we-kao ku kaa ndo nigi si pe taao gai se bage waa, me ona. Ona me ko ekii'm moo wado ebo toke se kao me ekii'm maa buboo'm dim petakea se kao waa. Ekii'm naadi se kao ku kaa ndo dimotakea koena, me ona. Kena ona me ko ekii'm peu-pau awapea ku kaa ese ego kaao daan sipea koya tau. Ku awagea yako ekii kaa to apake ndo, me ona. Ku wido ku kaa kiyoo ku mugo bage ku Keditusi kaa mina ku mbeedi mbeaseao kan yape masiwoo nakea se bage waa mugo dodo ae se kasipa. Ekii'm omiwoo towoo taasea yoo me Anegisemee wa'm si dan ndo em yadawoo taasi yoo, mei!
Wahayu 17:5 - Anegisemee'm Mina Kapuge5 Kena wa etu kaa kiyoo wudumapi me ko mee'm nige-neao kana se ekaa da waa wudumapi se dema. Ku ekaa da waa ku se de. Babeo okaa yoo, me ona. Ese em'mbee mee en'ndo otuma epi se okaa yoo, me ona, wiya. Tubaka awaao kan edeke se ambii waa aoo kiyaake okaa yoo, me ona, wido. Maa kaa se-apea we-apea en'ndo otuma aoo kiyaake okaa yoo, me ona, wui. Wa'm sese epi kisi na se ekaa da waa se dema. အခန်းကိုကြည့်ပါ။ |
Wahayu 17:5
18 ပူးပေါင်းရင်းမြစ်များ
Endo se gumba Ese Ata Emi tau Tamoo se Mee to wai uwa da kaa agidimaao kana koya wa'm dimina da, Anegisemee mina tamaao gai se dimina da me me, me mee tuma kaa bage ekii'm dimina da waa ku nda koo yamugu-mugu siyaabuu nai se deo. Kena wa'm koo yamugu-mugu siyaabuu nai ku kaa kiyoo mee tuma da bage ekii Anegisemee'm mina tamoo semuu nakea. Kisena ndo waa ko Ese Ata Emi tau Tamoo se Mee to wa si agidimasi na yaamoo se mee me ko me Anegisemee wa'm wa-nini yoo yadotaasi. Si agidimasi na yaamoo se mee to me wa-nini yoo yadotaai ndoe, wa'm yaamake se ndanda me wisin'take ndo.
“A'm yimkaa depe ona me ko ni'm meyaa yato yaa da kaa kiyoo okude dada yaa mu-mu naka se nadepe. Me ona. Ona me ko, osee mbembo se se eamasi kipaii dada, se ku nde miya depe. Ku se ku deke se dodo me kaa ko a'm nigina ko ‘Ku kase bage kao waa naa ya?’ se nigipe. A'm se nigeke koya endo ko ku kaa mina kanige-maniinka ndeo,” se nasimi. “Osee mbembo se se eamasi kipaii dada depe ku ko ku Yesiusi mbaya bage togea kota okaa yoo dada ku kaa mina ebeabea da mugo dodo,” se aseke. “Kena okude dada depe ku ko ku epo wado bage waa ku kaa mina ebeabea da. Ku epo wado bage dada ku ko ku kota okaa yoo dada ku nda togea se Yesiusi mbaya bage, ekii kaa ekii tao se epo wado bage waa,” se nasimi.
Akaa'm boke yoo me ese em'mbee Yedusedem okaa yoo me kaa kiyoo boke. Yedusedem okaa yoo me ko me eduga akaa'm Tuhani wa'm eda piya aoo se piya tukuu me kaa yugumana bomi se okaa yoo, mei! Kiyoo togea se bage ekii'm dimina waa ku ese si maaneke kumana me okaa yoo me waya ekaa wiya aoo. Ona me ko Sedomi okaa yoo. Ona me ko Mesida. Ku mugo ekaa da waa aoo, epoo bage ekii dimina mbiseoo kumana. Kena me okaa yoo me kaa kiyoo Yahawee'm mina yaa-enei se bage akaa ndepi mbatumaasea se dema. Akaai boke se dodo waa ko akaa bota da ku me okaa yoo me nda em'mbee enda da me kaa boke. Me kaa bona ko maa yiba manemaan tau. Kiyoo ndo omitakea, se dema.
Se enimi se dodo me kaa ko wa ogudi mitai se epo wado mee to me nde miya ona dema. Me wiya aoo me se epo wado mee to me ko wa'm eneke mina me ko me se de. “Ese em'mbee Babeo kota okaa yoo me ko me mike embambi-pambi taasi se okaa yoo kumana endo nde miya embambi-pambi semapea se okaa yoo mugo dodo se deo!” aseke. “Dee, me okaa yoo me me, me mee en'ndo otuma maa en'ndo otuma bobo uwo manta se se ambii to wa'm sese mugo dodo se okaa yoo. Mee en'ndo otuma yuwe kiyaana wa mesema tubaka awasi na bobo uwo manta siwoo sipi mugo dodo se okaa yoo. Ku kumana Babeo okaa yoo me mike embambi-pambi semapea se okaa yoo mugo dodo se aseo!” se aseke. Epo wado mee to wiya aoo me wa'm se eniwoo nai.
Me mugo maapui meyaai se dodo me kaa ko Anegisemee wai ese em'mbee Babeo kota okaa yoo me nda togea bage waa, ekii'm peu-pau awawoo simea kuwa ku kaa Anegisemee wai andibuu taan tau. Ekii'm peu-pau sipea ku nigi simai yako ese em'mbee yima kiki aya me ekii kaa endaaniyaake. Ese em'mbee yima kiki aya me ekii kaa endaaniyaata mugo ndoe, me maapui me kaa kiyoo Babeo okaa yoo me maminiyaana pata wido pamapi se dema. Se em yadapi, Anegisemee wa ko. Waya wada nda me maapui me kaa kiyoo maa en'ndo otuma mee en'ndo otuma ekii'm okaa yoo waa ku nde miya embambi-pambi semana omiyaabuu-payaabuu semapi.
Ken ndo waa ko keo-poo dada dopea se epo wado bage, ona me ni mbo memake. Ni mbo memana se nasina ko “Mee. Ni mesema peao nde. Anegisemee wai ese em'mbee mee en'ndo otuma epi se kota okaa yoo me kaa em yadaambi,” aseke. “Me kaa em yadaambi kumana ku dese nde ni mesema mee,” se naseke. “Me okaa yoo me'm sese ko ese tubaka awaao kan edeke se ambii to wa'm sese mugo dodo se okaa yoo. Kena me tubaka aoo se ambii me me, wa'm tomu se yoo me uwo oba aoo se yoo ku wado animana tomu nai mugo dodo,” se aseke.
“Kena wa mesema tubaka awapea se bage ku ko ku maa kaa ese ata emi tau ebo togea se bage waa ku nuwa, aii maa en'ndo otuma mee en'ndo otuma ku nuwa, ku se ku me ambii mbato me mesema tubaka awawoo sipea mugo dodo,” aseke. “Wa mesema tubaka awawoo sipea kumana ekii'm dimina ku ese si yamaaniyaabuu nai. Ese aniguda poo odi nona edidi kiyaabuu nai mugo dodo. Ese mike dim'mba tau se yakiyaabuu nai koena,” aseke. “Kum seta kaa wa kaa em yadaambi yoo a namba dese nde, ‘Ni mesema mee,’ se kasipa ndeo,” se nasimi.
Ni'm se nigeke koya me epo wado mee me me, wa'm se nasina ko “Tau de. A'm ‘Abayai!’ se nigeke ku tau de. Kase enta mugo ndoe, ku kaa mee'm si nige-neke se mina kuwa ku ni'm kanige-maniimba mina waa,” aseke. “Me ambii me kaa mina nuwa, kena wa'm donaa se emii to, moo gea dada, piyapoo haas aoo se emii to me me, me kaa mina nuwa, ku mina ku kanige-maniimba,” aseke. “Ku kindo ‘Abayai!’ se dimina me mbeas. Me si nigaae,” se nasimi.
Ku demata mugo ndoe wai mina ese ebo mbeana se asina ko “Ese em'mbee Babeo okaa yoo me ko me mike embambi-pambi semapi se kota okaa yoo, se deo!” aseke. “Mbao kaa embambi-pambi semapi ee? Tau na, me kota okaa yoo em yadaao kan embambi-pambi semapi se deo,” aseke. “Dee, me okaa yoo me me, me mee en'ndo otuma maa en'ndo otuma bobo uwo maniwoo nai se ambii to wa'm sese mugo dodo se okaa yoo. Mee en'ndo otuma wa mesema tubaka awasi na bobo uwo maniwoo nai se ambii to mugo dodo se okaa yoo. Ku kaa kiyoo aii bage en'ndo otuma ku nuwa, maa waa wado ese ata emi tau ebo toke se bage waa ku nuwa, ku se ku Babeo okaa yoo mesema tubaka awawoo nakea se bage waa mugo dodo se deo. Ku kumana Babeo okaa yoo em yadaao kan mike embambi-pambi semapi se deo!” se asimi. “Kena ona me ko Babeo okaa yoo me nda togea bage waa ekii'm se-gai we-gai ku kaa dim peta semuu nakea ku nuwa, tubaka kaa dim peta semuu nakea ku nuwa, ku ese asiyoo wa-nini keo. Ku se ku, ku kaa dim petakea kumana se-gai we-gai edeke ku nde miya ese asiyoo wa-nini edita semuu siwoo sipea. Waya ku degea yako aii yoo maa kaa kam oto kao yaedisi na donaa nakea se bage waa ku nde miya ekii Babeo okaa yoo me kaa do-meta semuuna kipe oba awita semuu nakea. Ese sinowi kumapea. Ku kumana Babeo okaa yoo em yadaao kan mike embambi-pambi semapi ndeo!” se asimi. “Babeo okaa yoo embambi-pambi semapi kumana waya wadobo epoo bage keke ku mee tuma kaa bage se ku tau. Ku ese dimi peu se-mbaa we-mbaa ku nuwa, ese nao daa se-bido we-bido ku nuwa, ese eaa, nao daa se-emii we-emii ku nuwa, ku mugo kao ku ndo Babeo okaa yoo me nda ndemina ekemuku semana takea se deo,” se asimi. Ku mina kuwa ku ese abayai se depa se epo wado mee to wa'm mina ebo mbeana se mina enii, se dema.
Kena ndo waa ko ni'm se dena ko ese oyu se epo wado mee to ona wai ese em'mbee se oma mbato ona yaataana maakaa uwo ndoiba me nda wamaai se dema. Se dena ko me epo wado mee to wa'm se asina ko “Ese em'mbee Babeo okaa yoo me ni'm wamaapa se oma mugo dodo kaasi. Kase enta mugo ndoe, me okaa yoo me nde miya oyu kan pai ata mugo ndoe waya wadobo epipi mbee to mbeenaa kaa miya si diimbea sima!” se asimi.
Kase enta mugo ndoe, Babeo okaa yoo me kaa em yadake se dodo me kaa ko ese dama ese ndumbo ndo em yadamapi kumana mataae! Dee, me kota okaa yoo me me, wa'm peu-pau awawoo sipi ku eneke sekii tau. Ese tubaka awaao kan edeke se ambii to wa'm sese mugo dodo. Ku kaa kiyoo maa en'ndo otuma mee en'ndo otuma wa mesema tubaka awawoo simea, me ona. Ona me ko Anegisemee wa'm wa tao ndanda yaawanaa se bage ku nde miya mbatumei siwoo simi, me ona. Kum seta kaa Anegisemee wa'm em yadamapi ku ese ndumbo ndo em yadamapi. Enda-gambe se mbeenaa kaa miya emi tau. Mee'm si maaneke awamea ku kaa dodo ndo em yadamapi kumana wa kaa ‘Paamee, mataae,’ se aseao ndo bada,” se en'takea se mina se yema.
Mina ebo se woena ko “Odi ndeo! Maa nuwa, maakaa uwo nuwa, piya waa nuwa, ku se ku si maaniyaake ku mbeenaa odi ndeo! Kase enta mugo ndoe, enii'm Anegisemee to wa'm gai-gai yaawawoo nakea se bage waa ku maa kaa ndigi. Ku kindo ku bage ku kaa enii kita ebeabea da yamamaanka ndeo. Ekii etu kaa Anegisemee'm yaa dine ebeabea da waa yamamaanka bada. Ku enii kita yaa dine yamamana ndo waa ko eki wui eki maa ku si maaniyaambea bada o,” se aseke. Se asemana ko ku mugo bage ekii etu kaa yaa dine yamamake.
ကြော်ငြာတွေ