Mina se yawoewena wa mbo ukita mugo ndoe, badii epomee wa'm se asina ko “Mee en'ndo otuma enii'm sese ku se de. Badii noke se dodo me kaa ese badii se aniguda poo uwo ku kita mee mbo yawadimana noyaake. Se noyaabuu-payaabuu semana ndo waa ko badii n'takea bage waa ku mbeenaa edidi kipea se dodo waa ko ii da mbeenaa emi tau se aniguda poo uwo ku ndo noyaayaa,” aseke. “Ku mee en'ndo enii'm awawoo nakea sese koya a'm awape ku kawitana wa-nini se kadeo. Kase enta mugo ndoe, ese badii se aniguda poo uwo ku yimkaa nanoyaan tau. Ogudi ndo nanoyaae ae, se kadeo,” aseke. Yesiusi wai miga uwo ku kaa kam ese dama se aniguda poo uwo agidiyaapi ku wa si nige-neke kumana se asipi. Se.
Wahayu 17:2 - Anegisemee'm Mina Kapuge2 “Kena wa mesema tubaka awapea se bage ku ko ku maa kaa ese ata emi tau ebo togea se bage waa ku nuwa, aii maa en'ndo otuma mee en'ndo otuma ku nuwa, ku se ku me ambii mbato me mesema tubaka awawoo sipea mugo dodo,” aseke. “Wa mesema tubaka awawoo sipea kumana ekii'm dimina ku ese si yamaaniyaabuu nai. Ese aniguda poo odi nona edidi kiyaabuu nai mugo dodo. Ese mike dim'mba tau se yakiyaabuu nai koena,” aseke. “Kum seta kaa wa kaa em yadaambi yoo a namba dese nde, ‘Ni mesema mee,’ se kasipa ndeo,” se nasimi. အခန်းကိုကြည့်ပါ။ |
Wahayu 17:2
14 ပူးပေါင်းရင်းမြစ်များ
Se enimi se dodo me kaa ko wa ogudi mitai se epo wado mee to me nde miya ona dema. Me wiya aoo me se epo wado mee to me ko wa'm eneke mina me ko me se de. “Ese em'mbee Babeo kota okaa yoo me ko me mike embambi-pambi taasi se okaa yoo kumana endo nde miya embambi-pambi semapea se okaa yoo mugo dodo se deo!” aseke. “Dee, me okaa yoo me me, me mee en'ndo otuma maa en'ndo otuma bobo uwo manta se se ambii to wa'm sese mugo dodo se okaa yoo. Mee en'ndo otuma yuwe kiyaana wa mesema tubaka awasi na bobo uwo manta siwoo sipi mugo dodo se okaa yoo. Ku kumana Babeo okaa yoo me mike embambi-pambi semapea se okaa yoo mugo dodo se aseo!” se aseke. Epo wado mee to wiya aoo me wa'm se eniwoo nai.
“Ekii'm awaasea ku ekii'm ndo nigita kaa awaasea kao se ku tau. Ku Anegisemee wa'm yakumamoo sipi se dimina waa ku kaa kiyoo se awaasea. Waya wada nda ekii'm dimina ona ndo kan ekii'm ebo tosi na se yaa mani da me emii me tao maneke se dodo me kaa me nde miya ekii'm nigita kaa awake se kao se ku tau. Me Anegisemee'm gai-gai yaa-awasi na yakumamoo sipi se dimina waa kiyoo kam se awaasea. Anegisemee wa'm aii dodo amanimami mina ku pi-pamiyaasi na Anegisemee wa'm se yakumamoo sipi koena,” se nasimi.
Kena wa etu kaa kiyoo wudumapi me ko mee'm nige-neao kana se ekaa da waa wudumapi se dema. Ku ekaa da waa ku se de. Babeo okaa yoo, me ona. Ese em'mbee mee en'ndo otuma epi se okaa yoo, me ona, wiya. Tubaka awaao kan edeke se ambii waa aoo kiyaake okaa yoo, me ona, wido. Maa kaa se-apea we-apea en'ndo otuma aoo kiyaake okaa yoo, me ona, wui. Wa'm sese epi kisi na se ekaa da waa se dema.
“Dee, a'm depe se emii me me, me eduga tomi se emii to. Eduga tomi se emii me epopi nda dodo si detakea koya waya ukaao pasi se emii to. Wai ogiyoo kiyoo otou - kima otou tau se gumo da kaa kiyoo kam pakemaao pasi se emii to. Kiyoo kam pakemana ko Anegisemee wa ko wai me emii me me, okaa em yadamana yadano kiyaasi,” se nasimi. “Me emii me me, me eduga tomi, epopi nda se dodo me kaa si deke, anikee waa waya diisea se emii to. Kena waya ukipi ae se degea yako maa kaa togea bage waa ekii wa kaa ese ‘Abayai,’ se yanigaasea. Anegisemee wa mbaya tau se bage waa ekii'm ndo se yanigaasea. “Ese eduga edugana ko maa nuwa, epo nuwa, ku se ku anegi semaan tau se dodo me kaa omiwoo towoo tuwaasea bage waa ekii ekaa da waa ku kapuge ona me nda wudumami, Kisena ndo waa ko me emii me kaa ‘Abayai,’ se yanigaasea bage kuwa ku me kapuge me nda wudumaan tau se bage waa. Ekii'm ndo ‘Abayai,’ se yanigaasea. Se.
“Kena me okaa yoo me nda togea bage ku ona kaa miya em tau kaambea kumana osee ao da mugo waya wadobo mbeenaa kaa miya si diimbea. Kena eduga ko mbayuwaa ku ambii maseke se dodo me kaa ko bani-bani se aoo. Eduga ku kaa bani-bani se aoo koya waya wadobo emi tau kaambea. Me okaa yoo me nda togea bage emi tau koena. Babeo okaa yoo em yadake se dodo me kaa ku kasipa kuwa ku mike emi tau kaambea,” se asimi. “Babeo okaa yoo em yadake se dodo me kaa mbao kaa em yadake ee? Tau na. Ona me ko Babeo okaa yoo togea bage ebanaa ku ko ekii kipe aweao kan se-gai we-gai a-mane naa-mane simea. Ese kipe badeao epi kumana ekii kaa to dodo se ku ese asiyoo wa-nini kidai. Ekii kaa to dodo se kan se nigina ko ‘Enii ko ebo. Ogu bage en'ndo otuma mbeedi,’ se nigiwoo simea. Ekii'm se nigiwoo simea kumana Babeo okaa yoo em yadake. Me ona. “Ona me ko Babeo okaa yoo nda togea bage ekii'm mbaa wanewoo simea ku ese wa-nini kumana mee en'ndo maa en'ndo otuma yadeba siwoo simea. Ku kaa kiyoo nde miya em yadake. Me ona, wiya.
Babeo okaa yoo em yadana bidea kaa yaponoyaake se dodo me kaa mbeenaa bende kam dito nakea se bage waa aoo. Ku bage ku ko ku maa en'ndo otuma ku wado ebo togea se edaya bage waa. Ku bodi ababa taambea ku widaana bende kaa tomuna dito nakea se dema. Dee, ku ebo bage ku ko ku Babeo okaa yoo me mesema tubaka awawoo simea se ebo bage waa. Ku Babeo okaa yoo me mesema sinowi kan ekii'm dim peta simea - dim peta simea se kao ku ndo awawoo simea se ebo bage waa. Ku mugo ebo toke se edaya bage waa ekii bende kaa tomuna onduu pudumitai sese dito nakea. Ku dito sita mugo ndoe ese dim bodi kan yee se nde miya aoo. Ese mee bona waa, yee waa mato tamoo siyaa - tamoo siyaa en'takea mugo dodo se yee semuu nakea. Ekii'm yee gana-gana mina se enina ko “Aa-oo wai, wai, wai,” se enigea. “Babeo okaa yoo me ese abayai asiyoo kam asiyoo se kota okaa yoo. Me nda togea bage ku ese oyu se bage waa. Ku koya ese mani, yam ona ndo mugo dodo, ku kisiu em yadata mugo ndoe, ku otuma pisime-mbeasipi ae! Wai, wai, aa-oo!” se en'takea.
Eduga ko ni'm aii dodo se kasina ko ‘Eki ko bodi ababa taambea koya ku kaa dimina si katu kaae. Aii oyu kan kusipimana towoo taae,’ se kasima. Kisena ndo waa ko eki ni'm mina dama yemagea yako bodi ababa se se dodo me kaa aii kusipimana towoo nakea, se kadeta. Ni'm mina dama nayito nakea kumana ni'm eki tao dama aya kadotaa taata ku se de. Anikee waa maa kaa togea bage waa ekii'm dimina da waa ku uwa da kaa deyaasi na maa en'ndo mee en'ndo otuma bodi ababa taasea se gumba meyaata. Bodi ababa taasea se gumba meyaata koya eki kaa si meyaata. Ni'm ‘Kusipimana tuwaae,’ se mina ku tamaan tau kumana dama kaedimaata ndo.
Waya wada nda ekii'm mee mbatumei siwoo nakea ku nuwa, mbaa wanewoo nakea ku nuwa, tubaka awawoo nakea ku nuwa, oma masiwoo nakea ku nuwa, ku se ku ona kaa miya si mbanamana aii yaataa-yaataa ndo yaa mu-mu nakea se dema. Ku bage kuwa ekii mee buwaa ku depea ko depea koya Anegisemee yato emba matake mee to ona kaa miya emi tau. Se awamapea se dema. Bidimi aoo me epo wado mee to wa'm tuwoo-tuwoo awe da minasiyaake se dodo me kaa kiyoo ko ni'm se dema.
ကြော်ငြာတွေ