Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wahayu 17:16 - Anegisemee'm Mina Kapuge

16 “Kena ese dim peu se emii to me mesema ese ebo toke edaya se bage waa, a'm piyapoo haas depe ku mesema ekii ndepo mbaya ona ndo anewena tubaka awaao kan edeke se ambii to wa kaa ese yabeana yawisinaambea. Ese yawisinigea yako wa'm oto kao en'ndo otuma oma yamasiimbea. Kena wa'm manaa se kao ku nde miya yabeai-pai semana amaa ndago kaa yakiyaambea. Kena wa'm oi ku nde miya nom'taambea. Ku nom'tana waa ko koma naan tau ku bidea kaa yita-pata semana yaponoyaambea. Otuma dano! Ese yawisinigea yako se yaawaasea,” se nasimi.

အခန်းကိုကြည့်ပါ။ ကော်ပီ




Wahayu 17:16
17 ပူးပေါင်းရင်းမြစ်များ  

Se dena ko waya epiyoo da kaa asiyoo wa-nini se ebeabea da namba dema. Yai, me ebeabea da me ko me ese em'mbee gidigaa da aoo se hayoiyo mbato se dema. Me hayoiyo me ko eba da emo da, ken moo gea dada aoo. Ku moo gea dada ku kaa matake ku ko ese ebo toke edaya mee to wa'm eamasi daikomiya waa matayaa mugo dodo se matapea se dema. Ku daikomiya ku nde miya dada aoo se dema. Waya wa'm moo waa ku kaa kiyoo piyapoo haas aoo se ku nde miya dema.


Kena bidimi aoo me epo wado mee to wai wa'm keo me dopeana ese em'mbee Epadasi uwo kaada me kaa pi-gabemaake. Epadasi uwo me kaa pi-gabemaata mugo ndoe uwo deda-weda seopi. Mbao awasi na deda-weda siyaapi ee? Tau na. Me ko me ese ata emi tau ebo toke se bage waa ku nuwa, ekii'm guna miyo tentada bage kooda waa ku nuwa, ku Epadasi uwo ata yau kaa pesi na Epadasi uwo me me deda-weda siyaake. Ku ebo toke se bage kuwa ekii ogiyoo awea yato kam meesea se bage waa.


“Kena mina ebeabea da ona me ko moo gea dada kuwa ku ebo toke se edaya bage waa ekii dada mugo dodo, ku kaa mina ebeabea da, me ona. Ku ebo toke se edaya bage dada kuwa, edibi ku eduga bomea se ebo bage. Ona me ko me endo se gumba ebo toi se mee to. Ona me ko anikee waa ukaasi se ebo mee to. Anikee waa ukaasi me ko wai paga mbeenaa ndo ebo tuwaao sekii. Kam dano kaasi,” se nasimi.


Se asemana dimina dano-dano kan ekii kaa to ekii'm moo kaa maa nuwaa pato se. Ekii'm moo kaa maa nuwaa pato sita mugo ndoe yee se aoo. Ese mee bona yee waa mato tayaa mugo dodo tamoo nakea. Kum seta kaa mina ebo mbeana se asina ko “Aa-oo peeto!” aseke. “Kase enta mugo ndoe, me okaa yoo me ese asiyoo kam asiyoo se okaa yoo. Ese se-gai we-gai ku kaa sinowi se okaa yoo. Kum seta kaa uwo daii nda kuma da waa donaa nakea se bage waa ku nde miya sinowi kiyaamea. Me okaa yoo me nda se-gai we-gai ku kipe kaa a-mane naa-mane simea koena,” aseke. “Ku koya ese mani, ese yam ona ndo mugo dodo ku kisiu tuta sita mugo ndoe me okaa yoo me pisime-mbeasipi. Mike embambi-pambi semapi,” aseke. “Wai, wai peeto!” aseke. Uwo daii nda kuma da waa penaa nakea bage waa ku ekii'm se aseke.


“Wa kaa em yadake se dodo me kaa ese oyu kam oyu se Tuhani Anegisemee wa'm em yadaambi kumana onu ona ndo se gumba ndoe yadano kiyaambi. Dee, wa'm em yadake me kaa kiyoo mee buwaa nuwa, dim bodi kan yee semuu se nuwa, namo apuu ku nuwa, ku se ku meaniyaana em yadaambi. Kam waa ko bidea kaa yaponoyaambi. Ese onu ona ndo mina wiya tau kumana ku otuma yadano kiyaabuu taambi! Ese oyu kam oyu se Tuhani Anegisemee wa'm em yadaambi koena,” se aseke. Ku mina kuwa ku ni'm Siduga maa kaa kam yema se mina waa.


“Me badii me nosea na mee bota-pata ku nosea nde,” se asimi. “Mee bota-pata ku ko ku ese ebo toke edaya bage waa ku nuwa, tentada bage wado ebo dito se bage waa ku nuwa, ese oyu se bage waa ku nuwa, kuda kamino waa duwa da kaa animana donaa sipea se bage waa ku nuwa, ekii'm donaa sipea kuda kamino waa ku nuwa, yaa pineana masii maseke se bage waa ku nuwa, yaa pineasiin tau se bage waa ku nuwa, ebo se bage waa ku nuwa, mbeedi se bage waa ku nuwa, puu, mee en'ndo otuma bota-pata ku nosea na mi-andagatawee,” asimi. Epo wado mee to wa'm se-bido we-bido ku se asii se dema.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ