Ken wa'm se nasina ko “Anegisemee'm kakumamoo nai mina waa ku waya dopeana mee mbo pi-eniwoo taae,” aseke. “A'm eduga yaa-eniwoo sime sese mugo dodo waya pi-yaa-eniwoo taae. Kena a'm eniwoo taambe mina ku mee oba mugo ekii kaa amanimake mina waa. Ku amanimake mina kuwa ku bage ona ndo ku kaa mina ndo se ku tau. Mee tuma eba epoda ona ndo ku kaa mina ndo se ku tau. Ese ata emi tau ebo bage ona ndo wa kaa mina ndo se ku tau. Ku se ku oba mugo ekii kaa amanimake mina waa. Ku mugo bage waa ekii kaa mina se ku Anegisemee mbo masewena uwa pana pi-yaa-eniwoo taae,” se aseke. Epo wado mee to wa'm se nasimi.
Wahayu 17:12 - Anegisemee'm Mina Kapuge12 Kena me epo wado mee to wa'm waya se nasina ko “Me emii me kaa piyapoo haas depe kuwa ku ebo toke edaya bage ekii haas ku kaa mina ebeabea da mugo dodo,” aseke. “Ku haas kuwa ku eduga ebo tuwaan tau se bage waa. Ku ebo tuwaan tau koya ebo tosi na se yaa mani da manina dai kaa waa ko ekii me dim peu se emii to me mesema anewena ekii ndepo ebo tuwaambea. Ekii ndepo ebo toke koya ekii'm ebo toke yoo me kidaa-kidaa se ebo toke. Mbeenaa 1 yam mugo dodo, ku kisiu ebo tuwaasea. အခန်းကိုကြည့်ပါ။ |
Wahayu 17:12
12 ပူးပေါင်းရင်းမြစ်များ
Se dena ko waya epiyoo da kaa asiyoo wa-nini se ebeabea da namba dema. Yai, me ebeabea da me ko me ese em'mbee gidigaa da aoo se hayoiyo mbato se dema. Me hayoiyo me ko eba da emo da, ken moo gea dada aoo. Ku moo gea dada ku kaa matake ku ko ese ebo toke edaya mee to wa'm eamasi daikomiya waa matayaa mugo dodo se matapea se dema. Ku daikomiya ku nde miya dada aoo se dema. Waya wa'm moo waa ku kaa kiyoo piyapoo haas aoo se ku nde miya dema.
Maakaa uwo ii da kaa tomu nai se hayoiyo me dito sita mugo ndoe, maakaa uwo ndoiba kam ese em'mbee dim peu se emii ona kiyoo kam paketai se dema. Me emii me me, wa'm sese ko ese em'mbee masiani tutu se kamino mugo dodo. Wa'm kepo ku beduani kamino, wa'm kepo mugo dodo. Wa'm gun ndoo da me siniga kamino wa'm gun ndoo da mugo dodo. Yai, ese oyu, dim peu se emii to mugo dodo se dema. Kena wa moo ku ona ndo tau. Moo gea dada aoo ae se dema. Kena ku moo gea dada ku kaa wudumina ko ekaa da waa aoo ae se dema. Wa'm moo ku kaa wudumapi se ekaa da waa kuwa ku Anegisemee wa ekaa da peu kiyaasi na se ekaa da waa. Ku Anegisemee kaa yagoea-goea sisi na se ekaa da waa se dema. Kena wa'm moo waa ku kaa waya se dena ko piya poo haas aoo ae se dema. Kena ku piya poo ku kaa yakumita sipea se daikomiya waa, ese ebo toke se edaya mee to wa'm eamasi daikomiya matayaa mugo dodo se daikomiya waa. Ku mugo daikomiya ku namba haas aoo ae se dema. Me mugo emii deke se dodo me kaa ko ii da kaa tomu nai se hayoiyo to wa'm me emii me se asina ko “Endo ko ai mee tuma da bage ku wado ese ata emi tau ebo tose na, ni'm yaa mani da ku a tao ee! Ni'm ebo animana ta se yoo me nde miya a tao ee!” se aseke. Hayoiyo me me, wa'm se aseke.
“Kena ese dim peu se emii to me mesema ese ebo toke edaya se bage waa, a'm piyapoo haas depe ku mesema ekii ndepo mbaya ona ndo anewena tubaka awaao kan edeke se ambii to wa kaa ese yabeana yawisinaambea. Ese yawisinigea yako wa'm oto kao en'ndo otuma oma yamasiimbea. Kena wa'm manaa se kao ku nde miya yabeai-pai semana amaa ndago kaa yakiyaambea. Kena wa'm oi ku nde miya nom'taambea. Ku nom'tana waa ko koma naan tau ku bidea kaa yita-pata semana yaponoyaambea. Otuma dano! Ese yawisinigea yako se yaawaasea,” se nasimi.
Se asemana dimina dano-dano kan ekii kaa to ekii'm moo kaa maa nuwaa pato se. Ekii'm moo kaa maa nuwaa pato sita mugo ndoe yee se aoo. Ese mee bona yee waa mato tayaa mugo dodo tamoo nakea. Kum seta kaa mina ebo mbeana se asina ko “Aa-oo peeto!” aseke. “Kase enta mugo ndoe, me okaa yoo me ese asiyoo kam asiyoo se okaa yoo. Ese se-gai we-gai ku kaa sinowi se okaa yoo. Kum seta kaa uwo daii nda kuma da waa donaa nakea se bage waa ku nde miya sinowi kiyaamea. Me okaa yoo me nda se-gai we-gai ku kipe kaa a-mane naa-mane simea koena,” aseke. “Ku koya ese mani, ese yam ona ndo mugo dodo ku kisiu tuta sita mugo ndoe me okaa yoo me pisime-mbeasipi. Mike embambi-pambi semapi,” aseke. “Wai, wai peeto!” aseke. Uwo daii nda kuma da waa penaa nakea bage waa ku ekii'm se aseke.
ကြော်ငြာတွေ