Dee, ebanaa bage ku oko'm one damana dai kaa waa ko ekii'm maa buboo ku si maaneke aoo kumana ku kaa kiyoo kam ambii maseke sekii tau, me ona. Kena ona me ko ebanaa bage ekii'm eedoo misi ku mee'm eedoo yamase-mbeasipea kumana me kaa kiyoo kam ambii maseke sekii tau, me ona, wiya. Kena ona me ko ebanaa bage ku ese ata emi tau ebo toke se Anegisemee wa tao ndanda ku ndo yaa mu-mu taao gai kumana ekii kaa to se mbeana ko ‘Tau. Ambii si masiimba ndeo,’ se mbeaseke, me ona, wido. Ku kumana ambii si maseke nde miya sekii se dimina aoo kipii kindo ko ‘Bado o bada,’ se nigimana ambii si maseae,” aseke. Yesiusi wa'm se tupimi.
Wahayu 14:4 - Anegisemee'm Mina Kapuge4 Aii se gapemapi se ku tau. Ku Anegisemee mesema Dom'mba Yuwa akaai kaa akaai tao gapemapi se bage waa kisi na. Ku akaai tao gapemapi bage kuwa ku oba aoo ko aoo koya mbeenaa ndo. Waya wadobo ese oba aoo kaasea. Ese oba aoo kaasea kumana Anegisemee mesema Dom'mba Yuwa to akaa'm nigina ko “O, ku mee tuma kaa bage kuwa ku anai tao ese amba mato kaa kiyoo ikiina ayuwee keke se dodo me kaa dawepea se poo-paa mugo dodo se bage waa. Kase enta mugo ndoe, ku mugo bage waya wadobo oba yagapei siwoo taata ae,” se nigeke. Ku 144.000 kooda waa kuwa ku Dom'mba Yuwa wa ogudi penaa nakea se bage waa. Ekii'm dimina ku ese Dom'mba Yuwa wa mbo kumana wa-nini kao yapapa se mbeenaa kaa miya awaan tau se bage waa. Kiyoo kam ese tubaka mugo mbeenaa kaa miya awaan tau se bage waa mugo dodo se dema. အခန်းကိုကြည့်ပါ။ |
Wahayu 14:4
32 ပူးပေါင်းရင်းမြစ်များ
Kena Yesiusi wa'm se asina ko “Anikee waa ni Siduga kaa kam endidona mee wado ese ata emi tau ebo tuwaata se gumba me kaa dama masimasea na, mina ebeabea da kasiinka ndeo. Mee ona wai ambii masipi kumana wai badii naao gai. Kena wa mesema badii naao gai se pane waa ekii haas aoo. Ku pane haas ku ko ekii namba me badii me naao gai kumana ekii'm minaki uwo awe da aoo se osee waa ku yaa-dona ambii masipi mee to wa mesema ade taao kan wa'm odi ukaambi yoo me kaa pi-tomuuna yadito nakea.
“Kena mina ona me ko ni'm gai-gai ku ni tao naawawoo taao gai kipii kindo ko ni ogudi medona ni'm sese ku ekokeduwaae. Kena ni'm gai-gai naawanaa se mee to wai ni mbo ndo tuta siwoo taambi. Waya wada nda, Anegisemee Naamee wai me mugo mee to wa ekaa da ese ebo yakiyaabuu taasi,” aseke. Yesiusi wa'm se tupimi.
Kena Yesiusi wa'm waya ekii se asina ko “Ni ko ni mee en'ndo otuma, maa en'ndo otuma, eki'm dimina da waa kawadaniyaabuu sisi na se ao da mugo dodo se mee to,” aseke. “Kum seta kaa ni'm mina yaa mu-mu se bage waa ku tuku nda toke mbeenaa kaa miya sekii tau. Waya na kiyaa, mee toyaasi na se ao da me ekii'm dimina da ku nda yawadaniyaabuu siwoo naka,” se aseke.
“Endo ko penatuwa bage waa woe. Eki kaa to nuwa, eki'm yaa da kaa dito nakea se Yesiusi mbaya bage ku nuwa, ku dama dito taae. Kase enta mugo ndoe Anegisemee Dim'mba wai ku bage ku wado ebo dito se se bage waa se kambeasipi koena. Eki'm dito nakea se Yesiusi mbaya bage kuwa ku Yesiusi wa'm emu yaa-ogayaana tabemapi se bage waa. Ku kindo ko ekii Anegisemee wa'm dom'mba egina mugo dodo se bage waa. Eki ko wa'm dom'mba egina maneke bage mugo dodo nde. Ku kumana ku bage kuwa dama dito taae,” aseke.
Akaya maa me kaa kiyoo ese eduga edugana Keditusi kaa “Mike ae,” se nigimamea se bage waa ku Sepanusi sepao. Sepanusi sepao ekii “Mike ae,” se nigimana dai kaa waa ko ekii Anegisemee wa'm bage ku tao maanisi na se ndanda ku ese dimina ona ndo kan yaa-awawoo semuu nakea. Ekii'm sese ku eki eo baa. Ku kindo ko nikinaa bage waa woe. Ni'm ese oyu kan kaseao gai se mina me ko me se de.
Ku koya a ambii masipe kipii kindo ko me woo-woo se kao se ku tau. Mee mbo pepi se ambii me nde miya woo-woo se kao se ku tau. Ni'm kaseao kan sipa mina me ko me se de. Nakayoo maa kaa togea se dodo ndoe, akaa bubee kindo widigi ebo se tuwaambea. Yibanda kiyaa ambii masiin tau se mee to nuwa, mee peen tau se pane to nuwa, ekii'm widigi aoo se toke yoo ku mbeenaa etaa. Ku kindo eki'm widigi aoo se toke yoo me mbeenaa etaa kisi na akaa bubee si amase se dena towoo nakea waa bada ae se kanigimana kasipa.
Ni'm kaseao kan sipa mina me ko me se de. Anegisemee mbaya bage eki'm dimina ku Anegisemee wa mbo tau kipii me dimina se kadena ko Anegisemee wai eki kaa kaemaayoo aoo. Ku mugo yaa, eki'm dimina da ku Keditusi kaa pataweke kipii kindo ko ni nde miya eki kaa kaemaayoo aoo. Ku kaa mina ebeabea da kasiinka ndeo. Eki ko eki Keditusi wa'm kamasiisi se ambii se bage waa mugo dodo. Kamaseao kan mina ku mike bota. Anikee waa mike kamasiisi. Kum seta kaa, anikee waa kamasimana wa'm egi kaa kiyoo tomu se se dodo me kaa ni'm eki kaa kaseao gai se mina ku se de. “Keditusi woe, a'm ambii se bage waa ku dee. Ese tubaka mbeenaa kaa miya si awan ndo a kaa dimina ona ndo kan towoo sipea se ambii, ku dee.” Me mugo mina kaseao gai. Ku se ku mike kaseao gai kumana ni eki kaa kaemaayoo aoo.
Anegisemee Dim'mba me kita nepi kumana wadobo daa naambembo se kao ku si niisi se ku tau. Mike niisi sima! Anegisemee mbaya bage ku yapatatana asiyoo nadotaasi koya tau. Maa kaa ndigi se dodo me kaa miyo Anegisemee Dim'mba enii nduwawe okaa toi kumana “O, wa'm niisi kao ku mike ba-gamitake sekii tau ae,” se nigiwoo nakea. Ku mina ku kaa kiyoo Anegisemee yapapa sisi na se mina waa. Ku wa'm sese ku kaa nuwa, wa ekaa da me kaa nuwa, ku kaa “Awanke! Mataae!” se yaapapa sisi na se mina waa.
Kena wa'm naabomi ona me ko wai wa kaa wa tao maseao kan se ambii to mugo nakiyaao kan naabomi. Wa'm sese ko ese ambii maseke mugo dodo koya wa'm anikee waa masiisi ku ko ku Yesiusi mbaya bage waa namasiisi. Ku Yesiusi mbaya bage kuwa ku Anegisemee'm emaa misi kaa ese abayai deao disi se ambii to mugo nakiyaasi. Si maaneke nuwa, peu se kao nuwa, woo-woo se nuwa, ku se ku ona kaa miya emi tau se ambii to nakiyaasi. Ese, ese dimi ndumbo se ambii to nakiyaasi. Wa tao me mugo ambii to namaseao kan naabomi, Keditusi wa ko.
Waya na kiyaa, ekii'm mbae da mina tupita se ona me ko “Ambii si maseae. Me daa nde!” Me ona. Ona me ko “Noke kao ebanaa ku daa nde. Ku si naae!” Me ona. Ku se ku tupitakea. Yai, ese dim dake mina ku ko. Dee, noke kao ku en'ndo otuma ku enii'm nosi na se kao waa. Anegisemee wa'm enii tao se naanegi semami koena. Ku kindo ko Anegisemee kaa ndumbo mina epi kina “Mike ae,” se nigeke bage waa enii'm sese me ko me se de. Enii “Paamee,” se nigimai ndoe noke kao otuma noke.
Kena eki'm memapea yoo me Keditusi kaa “Mike ae,” se nigimamea bage waa, Anegisemee wa'm yaa yuwa se yopaa waa en'ndo otuma kuwa, eki'm andagatapea yoo me kaa kiyoo memapea. Ku bage ku ko ekii'm ekaa da waa ku Siduga maa kaa aoo se kapuge me nda wudumami se ekaa da waa. Kena eki'm memapea yoo kiyoo ese eduga bomea se dim ndumbo se bage waa, ekii'm dim'mba poo ku namba kiyoo aoo. Ku ese si maaneke mbeenaa kaa miya emi tau se yakiyaabuu sipi se bage waa. Kena eki'm memapea yoo kiyoo ko Anegisemee wa namba kiyoo aoo. Me Anegisemee me me, me mee en'ndo otuma ekii'm awamea-awamea ndamana pikamoo taasi se Anegisemee to.
Dee, enii tao dama tosi na se kao ona me ko me se de. Anegisemee wai enii tao se nambeana ko enii ko enii wa'm mike ndumbo mina ku kaa “Mike ae,” se nigeke kipii kindo ko me mina me kaa kiyoo yipi se dimina da one nadamaasi, se nambeasimi. Aii se, se naambeasimi se ku tau. Wa'm se-anegi we-anegi simi ku otuma mbeedi, kena enii ndo wa'm ese ebo, dimi se bage waa kisi na, ku taao kan wa'm se nambeasimi.
Ku koya eki ko eki ku mugo bage tau. Dee, eduga ko eki tuku nda tomea se bage waa. Se towoo simea koya endo ko Anegisemee wa'm mina kawoemi se mina me yayito simea kumana eki'm dimina ku kawadaniyaana wa'm ese abayai se ao da nda pi-togea se bage waa kidai. Dee, eduga se gumba eki Anegisemee wa'm bage waa se ku tau. Aii bage waa se ndo tomea. Kase enta mugo ndoe, me gado me kaa kiyoo Anegisemee wa'm aii se kagane kan dama katoyaao sekii se dimina da me nde miya diin tau. Ku koya endo ko wa'm aii se gane kan dama katoyaabuu sipi kumana me kaa kiyoo eki wa'm wa kaa wa tao se bage waa kidai. Wa'm ese dimi se bage waa kidai, me ona. Ona me ko eki Anegisemee wa'm wa tao daa kambeana wa-nini kawenimami se bage waa kidai, me ona. Kena ona me ko Anegisemee wai eki'm moo wado ese ata emi tau ebo toke se mee to kidai. Kena eki ko eki wa'm guna miyo wa'm ndanda yaawawoo nakea se imam se bage waa mugo dodo kidai, me ona. Mbao awasi na ku mugo bage kakiyaami ee, enta mugo ndoe? Tau na, Anegisemee wa'm abayai sese ku kaa mina ku dopeana mee mbo pi-eniwoo sisea na ku mugo bage se kakiyaabuu simi.
“Ku semana ndo waa ko ku ebo bage haas kuwa ekii Dom'mba Yuwa me mbeedi yambeaseao kan yape pi-masiisea. Yape pi-maseke ko masiisea koya aii bada kaasea ndo. Kase enta mugo ndoe, se-ebo we-ebo se bage en'ndo otuma ku Dom'mba Yuwa wa guna miyo se bage waa. Ku otuma mbeedi. Dom'mba Yuwa wa ndo ese ebo kam ebo se edaya mee to. Wa ndo ese ebo kam ebo se Tuhani. Kum seta kaa ku edaya bage haas kuwa ku Dom'mba Yuwa mbo yape pi-masiisea se dodo me kaa iyo kaasea. Wa'm ndo ku haas kuwa mbeedi yambembo-pambo semaasi koena,” se nasimi. “Ku se ku mbeedi mbeaseke se dodo me kaa me Dom'mba Yuwa wa mba nda penaa nakea bage ku ko ku aii bage waa se ku tau. Ku wa'm mina woewepi se bage waa. Ku wa'm ese dimi, wa-nini pikimami se bage waa. Ku wa kaa dimi wiya-wiya se mbeenaa kaa miya emi tau se bage waa. Ku mugo bage ku wa mbaya anewena wa ogudi penaa nakea se bage waa,” se nasimi.
Kena me okaa yoo me nda ndamata mugo ndoe Yahawee'm okaa ee me si deke. Kase enta mugo ndoe, Ese Oyu kam Oyu se Tuhani Anegisemee me nuwa, Dom'mba Yuwa to me nuwa, akaa ndepi me okaa yoo me nda okaa togea kumana akaai kaa yapapa taao gai kipii kindo akaa mbo ndo uwa da kaa uwa pana yapapa taao sekii. Yahawee'm okaa ee me nda tau.
Kena me okaa yoo me deta mugo ndoe ese ao da aoo ae se dema. Dee, me ao da me ko me Anegisemee wa'm aoo-aoo aoo se ao da. Kena Dom'mba Yuwa wa'm sese me nde miya ese osee wake mugo dodo kumana wa kaa nde miya ao da aoo. Ku kaa kiyoo daamee nuwa, aumo nuwa, ku se ku emi tau nde miya bada o. Aii ao da ndo se tuta siyaabuu nakea koena.
Seadisi okaa yoo togea se Yesiusi mbaya bage ku ndamata mugo ndoe, si maaneke yaa mu-mu taan tau se bage waa, ku mbeenaa ndo ndigi ae se kadeta. Ku mbeenaa ndo ndigi kuwa ekii dama ndo awagea yako ekii'm manaa se kao ku maa emi tau se manaa se kao mugo dodo ae se detaa. Ku kumana ku mugo bage ku ni mesema penaa taao sekii se bage waa. Kiyoo kam ese pode se maawiya yamatana ni mesema penaa taata ndeo.
Kena maa nda mbatona tomu nakea kuwa eki yipi se euu mina patatake. Ekii'm yipi se euu mina me se enina ko “Bibinimapi kapuge maseke me a'm ndo maseweao sekii se kao. (Haa ii) Kena me kapuge me kaa ndaginimake kao ku a'm ndo opitaao sekii se kao. (Haa ii) Kase enta mugo ndoe, mee'm kambatumamea kumana me kapuge me masewena ekataao sekii. (Haa ii) Kena ona me ko a'm emu ogayaamea ku kaa kiyoo Anegisemee tao mee tuma kaa se bage waa ku yaatabemame kumana me kapuge me masewena ekataao sekii. (Haa ii) A'm Anegisemee wa tao yaatabemame se bage kuwa ku tai ona ndo tau. (Haa ii) Bage ona ndo yaabome se ku tau. (Haa ii) Eba epoda ona ndo yaabome se ku tau. (Haa ii) Mina tuma da ona ndo yaabome se ku tau. (Haa ii) Ku kaa kiyoo a'm tabemame se bage waa ku maa en'ndo otuma aoo. (Haa ii) Ku kisiu a'm emu yaa-ogayaana yaatabemame kumana me bibinimapea kapuge me a'm ndo masewena ekataao sekii. (Haa ii)
ကြော်ငြာတွေ