Ese asiyoo kam asiyoo sese me ko me mee kaa yaembaake. Dee, ni ko ni ku wa-nini maa ena kaa bage'm mina waa ku nuwa, epo wado bage ekii'm mina waa ku nuwa, ku se ku eneao sekii kipii kindo ko ku ebo ko ebo koya tau. Kase enta mugo ndoe, mee kaa si yaembaake kan ku mugo mina enei se waa aii opa dindi kiyaa, embaake se dimina da emi tau kindo. Aii besi nuwa, besi damu nuwa, ku se ku peo-peo sita mugo ndoe mee opa dindi awayaa mugo dodo siyaa.
Wahayu 14:2 - Anegisemee'm Mina Kapuge2 Ken ndo waa ko mina yeke. Mina yeke ku ko ku ese em'mbee mamine kado kooda waa heu-mbeu siyaabuu nakea se mina mugo dodo se yema. Ku mina mbeedi se mina waa se ku tau. Ese em'mbee uwo mea nduu-puu se mina mugo dodo. Pasi maa kaa endaaneke se geemuu tayaa se mina mugo dodo. Se yeke koya mii'm awatakea se ku ni diin tau. Aii mina me ndo yema. အခန်းကိုကြည့်ပါ။ |
Wahayu 14:2
29 ပူးပေါင်းရင်းမြစ်များ
Waya wada nda asiyoo Siduga kaa kam mina ebo yeke. “Akai pakewee! Akai nakayoo pakewee!” se mina yeke. Me mugo mina yemana akaai maa wanda pakeke. Maa wanda paketakea se dodo me kaa sinu ona me nda tomu sita mugo ndoe Siduga maa me kaa paketakea. Akaa'm yape bage waa, ekii'm emaa misi kaa kiyoo se paketakea. Se dema.
Ku semana ndo waa ko waya wa-nini epo wado mee to ona wai wa'm tuwoo-tuwoo awe da minasiyaake. Dada aoo me wa'm “Puu,” ata mugo ndoe Siduga kaa kam mina ebo se mina waa ku yema. Ku mina ebo se mina waa kum se asina ko “Endo ko enii'm Tuhani Anegisemee me nuwa, wa'm wa-nini wenimana daa mbeaseke se Keditusi me nuwa, akaa'm ebo toke yoo me maa en'ndo otuma mee en'ndo otuma ku wado ebo towoo semuu nakea,” asimea. “Kena Anegisemee wa'm ebo toke yoo me taa kiyaake sekii tau. Aii omiwoo towoo semuu nai kui,” se asimea. Mina ebo se mina waa kum se asimea.
Kena ni waya se dena ko maakaa uwo se dema. Miga maakaa uwo se ku tau. Uwo daii da me ko me ese tunaa ese ayadau da mugo dodo se dema. Kena uwo ndoiba ku miga uwo ndo se ku tau. Ku mbeenaa bidea mesema tabo-tabo semapi se uwo mugo dodo ae se dema. Kena maakaa uwo ii da kaa deta mugo ndoe mee kooda waa namba dema. Ku mee kooda waa kuwa ku dim peu se emii to mbeedi yambeasipea se bage waa. Dee, ekii me emii me nuwa, wa'm sipi mbato mugo kao me nuwa, akaai kaa yapapa taan tau se bage waa. Kena wa ekaa da kaa nigi sisi na se nomodo me nde miya ekii'm maa buboo kaa wudumaan tau se bage waa. Ku se ku mbeenaa kaa miya awaan tau se bage waa se dema. Kena ekii yaa da kaa dotakea ku ko ku mamine kado waa aoo ae se dema. Ku mamine kado waa ku ko ku Anegisemee wa'm ekii tao manipi se mamine kado waa, ku mugo dotakea se dema.
“Kum seta kaa me okaa yoo me nda waya wadobo si yiimbea se mina waa ku se de. Euu mina en'takea ku nuwa, mamine kado mugo kao ku nuwa, sedudin tuwoo-tuwoo awe da ku nuwa, sean'kakada tuwoo-tuwoo awe da ku nuwa, ku mugo minasiyaake ku nde miya mike emi tau kaasi. Ku mike waya wadobo si yiimbea se mina waa,” se asimi. “Kena gan'dumi boo gemba-gemba ku yemei taao kan yemei se se dodo me kaa yeke se mugo mina mbee ku nde miya me okaa yoo me nda waya wadobo si yiimbea se mina. Se-ndanda we-ndanda epi se bage ku nde miya me okaa yoo me nda waya wadobo si diimbea se bage waa,” se asimi.
Bibinimapi kapuge pi-maseweta mugo ndoe, iyaao takea se emii wui ku nuwa, kudoo-padoo se ebo bage waa 24 ku nuwa, ku en'ndo otuma me Dom'mba Yuwa me egi kaa kiyoo maa nda mbato. Maa nda mbato se dembea ndoe ekii'm yaake kao ku ko mamine kado yaatoo se, me ona. Ona me ko eamasi se pidini awe da mugo kao yaatoo se, me ona. Ekii otuma ku wiya se ku yaatoo nakea ae se dema. Kena ekii'm pidini awe da me nda kiyoo ese dama se eponu aoo se kao waa me nda aoo. Ku bidea yitana dama eponu pesi na kao waa. Ku dama eponu pesi na se kao kuwa ku Anegisemee wa'm wa tao bage ekii'm asetoo sipea mina waa ku kaa mina ebeabea da mugo dodo. Se dema.
Ku semai ndoe ni waya se dena ko me Dom'mba Yuwa me ko me bibinimapi kapuge me kaa ndaginimapi kao ona me opitai se dema. Ona me opitai ndoe bidimi ku ndo ndigi se dema. Se dena ko iyaao takea se emii waa, wui kuwa, ona me ko wai mina ebo woeke. Wa'm mina ebo woepi me ko ese geemuu tayaa se mina mugo dodo se yema. Ese ebo keo. Kena wa'm mina ebo se woewena ko “Mee!” se mina, mina woeweke.
Se dena ko epo wado mee to ona wai wa'm tuwoo-tuwoo awe da minasiyaake. “Puu,” ata mugo ndoe maa me kaa wamoo siyaabuu nai ku ko sida uwo oma mbane-mbane edii ku nuwa, bidea nuwa, ku se ku emu mesema tabo-tabo semana maa kaa wamoo nai, se dema. Ku se ku maa kaa wamoo-pamoo semata mugo ndoe maa en'ndo otuma ponoyaake se ku tau. Maa ona mugo ponoyaapi. Maa wiya mugo paki ndigi. Maa ona mugo ponoyaapi kindo maa wiya mugo paki ndigi. Ku kisiu ponoyaapi kindo ku ponoyaapi maa waa ku kaa kiyoo piya-piya, boo-baa tuma en'ndo otuma bidea'm ponoyaapi kidai. Se awamapi se dema. Epo wado mee to wa'm “Puu,” aseke se dodo me kaa kiyoo ni'm se dema.
ကြော်ငြာတွေ