Wahayu 12:5 - Anegisemee'm Mina Kapuge

⁵ Ku taao kan kiyoo dito se koya iyo! Mbayuwaa yuwa one yadamana ndo waa ko Anegisemee wai me yuwa me mani mbimewena asiyoo wa mbo yadotaapi kumana naao iyo. Waya wada nda Anegisemee mbo yadotaai ndoe wa'm ebo animana ta se yoo me kaa nde miya yatoyaai. Kase enta mugo ndoe, me ambii me me, wa'm one yadamapi se mbayuwaa yuwa me aii mee to se ku tau. Wa ko wai mee en'ndo otuma ku wado ese ata emi tau ebo towoo taambi se mee to. Kena wa'm ebo toke yoo ku tunaa kan ebo toke se ku tau. Ese, ese oyu kan ebo towoo taasi. Se.

Wahayu 12:5 ပူးပေါင်းရင်းမြစ်များ

Madakusi 16:19

Ku mina ku Yesiusi wa'm se asemana ndo waa ko Anegisemee wai Yesiusi Siduga maa me kaa yadotaake. Siduga maa me kaa yadotaana ko Yesiusi wai Anegisemee wa'm meyaa yato me kaa ebo animana tomu se. Yesiusi wa'm se awami.

2 Kodintusi 12:2

Ni ko ni Keditusi mesema nadipinimapi se mee to. Kena ni iyaao toma se gumba ndoe, Anegisemee wa'm ni wa mbo kidaa nadotaana wado daamee endii pakei haas kumana bado kaa wui om'pa. Kena wa mbo kidaa nadotaami se dodo ndoe, aii epiyoo kaa nadotaami se ku tau. Aii epo wado bea da kaa nadotaami se ku tau. Wa'm okaa toi se yoo me kaa kiyoo nadotaami. Me maa me ekaa da ko Pidausi maa. Kena me kaa nadotaake se dodo ndoe ni'm maa buboo nadotaami ee? Ni'm dim'mba poo me ndo nadotaami ee? Ku kaa ni si nige-neke aoo. Ni'm dim'mba me ndo ee, ni'm maa buboo mesema ee? Ku se ku Anegisemee wa'm ndo naepi.

2 Kodintusi 12:4

Kena wa mbo nadotaana ko ese wa-nini abayai se mina waa yema. Ku mina kuwa ku enii mee tuma kaa bage enii'm uwa da kaa aseao daa se mina waa, se yema.

Wahayu 11:12

Waya wada nda asiyoo Siduga kaa kam mina ebo yeke. “Akai pakewee! Akai nakayoo pakewee!” se mina yeke. Me mugo mina yemana akaai maa wanda pakeke. Maa wanda paketakea se dodo me kaa sinu ona me nda tomu sita mugo ndoe Siduga maa me kaa paketakea. Akaa'm yape bage waa, ekii'm emaa misi kaa kiyoo se paketakea. Se dema.

Wahayu 12:13

Ku semana ndo waa ko Ibedisi wa ko me hayoiyo me me, wa'm se nigina ko “Yai, maa yoo nawamaapea ae,” se nigeke. Se nigimai yako mbayuwaa yuwa one damapi se ambii to wa kaa ese peu, bodi ababa siyaabuu taao kan ebaake.

Wahayu 12:2

Me ambii me me, wai daba aoo. Kena wa'm yuwa anei taao pasi kumana andine wandine nai se ene! Ese yai bodi kumana yee gana-gana mina, mina ebo woewoo nai se dema.

Wahayu 19:15

Kena pode se kuda kamino donaa se mee me waya deta mugo ndoe, wa'm ebe kaa kam mitai ku ese uuda aoo se yape yado mitai se dema. Me yape yado me ko me mee en'ndo otuma mbeedi mbeana em yadaao sekii se yape yado da. Dee, ese Oyu kam Oyu se Anegisemee wai mee'm woo-woo se kaa ese yima kiki aoo. Ese yima kiki aoo kumana ko ku kaa kiyoo pode se kuda kamino donaa se mee me ko wai ese, ese em'mbee yima kiki aya mee tuma da bage kaa endaaniyaabuu taasi. Mee tuma da bage em yadake se dodo me kaa ko tunaa kan em yadake se ku tau. Wa'm sese ko me ese aniguda poo odi pesi na poo nduwei se yoo me nda domoona bado'm nduwei siyaa mugo dodo se em yadaasi. Ku semana ndo waa ko pode se kuda kamino donaa se mee to wai mee waa ku wado ese ata emi tau ebo towoo taasi. Tunaa kan ebo toke se ku tau. Ese oyu kan ebo towoo taasi. Mee ona wa'm mina tamake kipii kindo ko mina wiya tau kumana em yadake ndo. Ese besi ndamo masewena mani paiina em yadayaa mugo dodo kaasi. Se.