Kena Yesiusi waya se asina ko “Ku se ku aoo kaasea koya ku mbeedi. Waya wadobo ese peu bodi ababa siyaabuu taasea se kao ku ese oba kiwoo taasea koena,” aseke. “Ku kaa mina ebeabea da me ko me se de. Yuwa anei taao kan andine-wandine se awatai. Kena yuwa anei taao ese pasi kii, pasi kii, pasi kii se dodo ndoe andine-wandine nai ku nde miya ese bodi kiwoo, bodi kiwoo semuu nai,” aseke. “Ku mugo yaa, maapui-maapui, namo apuu - namo apuu ku ebo ko ebo koya tau. Ku se ku dena ko ‘O peu se kao ku se ku nde miya ese oba kiwoo taambea ae,’ se nigisi na se ebeabea da waa ae, se ku ndo nigaae,” aseke.
Wahayu 12:2 - Anegisemee'm Mina Kapuge2 Me ambii me me, wai daba aoo. Kena wa'm yuwa anei taao pasi kumana andine wandine nai se ene! Ese yai bodi kumana yee gana-gana mina, mina ebo woewoo nai se dema. အခန်းကိုကြည့်ပါ။ |
Wahayu 12:2
12 ပူးပေါင်းရင်းမြစ်များ
“Eki'm awaasea sese ku masimasea na, mina ebeabea da ona me ko me se de. Ambii ona wai yuwa anei taao pasi se dodo me kaa ko andine-wandine semuu sita mugo ndoe bodi ababa se aoo. Bodi ababa se aoo ko aoo koya wa'm yuwa me maa kaa endaaniyaata mugo ndoe bani-bani se kidai. Iyaao tai se yuwa to one dapi ae se dei yako wa'm bodi ababa sipi ku mike andibuu semapi kidai. Aii bani-bani kan ndo se tai,” aseke.
Wai, wai, aa-oo, ni'm dimi se yopaa waa woe. Eduga ko eki yipi se dimina one kadasi na kanam-kanam katupiwoo sima. Bodi ababa se nde miya aoo. Ni'm toma sese me ko me ese ambii ona yuwa one daao kan andine-wandinena bodi ababa se mugo dodo se toma. Kena endo nde miya ni eki kaa kai-bai se dimina waya meaneke. Kase enta mugo ndoe, anikee waa Anegisemee wai eki tao Keditusi'm sipi mugo dodo se kakiyaabuu taasi. Ku koya endo se gumba Keditusi wa'm sipi mugo dodo kakiyaan tau kumana “Yai, wa'm sipi mugo kigea waa bada ae,” se kanigimaa yako dim kai-bai aoo.
Ni'm kasipa mina me ko me Yesiaya wa'm eduga wudumami mina mugo dodo. Dee, eduga ko wa'm se wudumana ko “Mbaii kan yuwa one da-diin tau se ambii to woe, bani-bani taae. Daba si ke-dena andine wandine se diin tau se ambii to woe, bani-bani se kan mina ebo patatawee! Kase enta mugo ndoe, a'm yopaa ku oba kaasea koena. Dee, endo ko a'm nigina ko ‘Ni mbaii kumana ni'm sese me yimee'm nagimitapi se ambii mugo dodo ae,’ se nigeke. Kena ‘Ogu ambii wai yuwa waa one dake kumana wai yimee'm yadito nai se ambii mugo dodo ae,’ se nigeke. Ku koya tau de. Yimee'm yadito nai se mugo ambii wai yuwa waa one dake koya mbeenaa ndo kaasea. Yibanda kiyaa mbaii se ambii to wa'm yuwa ku oba kam oba kaasea. Ku kaa wai bani-bani taao ndo bada.” Yesiaya wa'm se wudumami.
Ku se ku dena ko wa'm apu da me epiyoo da kaa apu wadu pai ndoe okude waa oba mugo epiyoo kaa kam gimeyaana maa me kaa odi pai miyaabuu nai. Se awamai ndoe epiyoo asiyoo ona dano, wiya ndigi. Ona dano, wiya ndigi. Ku kisiu maa kaa odi pai miyaabuu sipi. Ni'm se dema. Kena me hayoiyo me me, wai me ambii me egi kaa kiyoo dito nai. Daba aoo se ambii me'm one daanki yuwa me naao kan kiyoo dito nai, se dema.
ကြော်ငြာတွေ