Kena mee'm egipina yapapa se se mbae da se anegisemee waa ku dopeana Anegisemee wa'm wa kaa yapapa sisi na se okaa ee me nda pi-mbeaseke bada yee? Tau na, akaa ndepi yaa mu-mu se sekii tau. Ku mugo yaa, Anegisemee mbaya bage ku nde miya mee'm egipina epipi semapea se mbae da se anegisemee waa yapapa se me ese si maaneke se kao. Kase enta mugo ndoe, enii aii bage tau. Enii ko enii ese mike iyaao toi se Anegisemee wa'm okaa ee to mugo dodo se bage waa. Dee, Anegisemee wa'm enimi mina ona me ko me se de. “Ni ekii nduwawe okaa towoo taata. Ni ekii mbo penaa taata. Ekii'm yapapa se se Anegisemee me ni, se kaata. Kena ni'm bage ku, ekii, se kaasea.” Anegisemee wa'm se enimi.
Wahayu 11:1 - Anegisemee'm Mina Kapuge1 Ken ndo waa ko piya poo ona nemi. Piya poo ona neke me ko me ebeabea da ebeasi na se piya poo nemi. Me bage piya poo nena ko ni mina ona se yena ko “Yahawee'm okaa ee me kaa peae,” nasimi. “Me kaa pemana ko Anegisemee kaa yapapa nakea se bage waa ku eaae,” nasimi. “Ku eamana Yahawee wa'm okaa ee me nuwa, mesiba bidea tuku me nuwa, ku ndo ebeabea da ebeae,” nasimi. အခန်းကိုကြည့်ပါ။ |
Wahayu 11:1
15 ပူးပေါင်းရင်းမြစ်များ
Kena eki ko eki wa mbaya emba matana aneweta mugo ndoe eki nde miya iyaao takea se oma waa mugo dodo se kadetai. Kase enta mugo ndoe, eki wa mesema kadipiniyaabuu siwoo nai se dodo me kaa Anegisemee Dim'mba toi se ee to yaameao kan kayigimei-pai semuu nai se oma waa mugo dodo. Wa'm kaawawoo nai ku aii se kaawake se ku tau. Eki ko eki Anegisemee wa'm wa kaa wa tao daa se imam bage waa kakiyaasi na Anegisemee Dim'mba wai eki nduwawe toi. Waya wada nda Anegisemee Dim'mba wa'm kakumawoo nai me kaa kiyoo eki'm nigeke-nigeke, aseke-aseke, awake-awake ku en'ndo otuma Anegisemee wa'm emaa misi kaa maaneke kidai. Ese wa kaa yapapa sisi na se bidea kaa yaaponoyaapea se kao waa mugo dodo se kadetai. Ku kadeta mugo ndoe wa'm nigina ko “Awankea! Yesiusi Keditusi wa'm awami me kaa kiyoo kam eki'm sese ku ni'm emaa misi kaa ese maaneke sese waa, ae,” se kanigitai.
Ku koya eki ko eki ku mugo bage tau. Dee, eduga ko eki tuku nda tomea se bage waa. Se towoo simea koya endo ko Anegisemee wa'm mina kawoemi se mina me yayito simea kumana eki'm dimina ku kawadaniyaana wa'm ese abayai se ao da nda pi-togea se bage waa kidai. Dee, eduga se gumba eki Anegisemee wa'm bage waa se ku tau. Aii bage waa se ndo tomea. Kase enta mugo ndoe, me gado me kaa kiyoo Anegisemee wa'm aii se kagane kan dama katoyaao sekii se dimina da me nde miya diin tau. Ku koya endo ko wa'm aii se gane kan dama katoyaabuu sipi kumana me kaa kiyoo eki wa'm wa kaa wa tao se bage waa kidai. Wa'm ese dimi se bage waa kidai, me ona. Ona me ko eki Anegisemee wa'm wa tao daa kambeana wa-nini kawenimami se bage waa kidai, me ona. Kena ona me ko Anegisemee wai eki'm moo wado ese ata emi tau ebo toke se mee to kidai. Kena eki ko eki wa'm guna miyo wa'm ndanda yaawawoo nakea se imam se bage waa mugo dodo kidai, me ona. Mbao awasi na ku mugo bage kakiyaami ee, enta mugo ndoe? Tau na, Anegisemee wa'm abayai sese ku kaa mina ku dopeana mee mbo pi-eniwoo sisea na ku mugo bage se kakiyaabuu simi.
Ken wa'm se nasina ko “Anegisemee'm kakumamoo nai mina waa ku waya dopeana mee mbo pi-eniwoo taae,” aseke. “A'm eduga yaa-eniwoo sime sese mugo dodo waya pi-yaa-eniwoo taae. Kena a'm eniwoo taambe mina ku mee oba mugo ekii kaa amanimake mina waa. Ku amanimake mina kuwa ku bage ona ndo ku kaa mina ndo se ku tau. Mee tuma eba epoda ona ndo ku kaa mina ndo se ku tau. Ese ata emi tau ebo bage ona ndo wa kaa mina ndo se ku tau. Ku se ku oba mugo ekii kaa amanimake mina waa. Ku mugo bage waa ekii kaa mina se ku Anegisemee mbo masewena uwa pana pi-yaa-eniwoo taae,” se aseke. Epo wado mee to wa'm se nasimi.
Kena mina nasipi se epo wado mee to me deta mugo ndoe, wai eamasi se piya poo ona yaa kaa dopi ae se dema. Me eamasi piya poo me me, me ebeabea da ebeasi na se piya poo. Mbao kaa ebeasi na se piya poo da ee? Tau. Me okaa yoo me nuwa, yau-yau eda da me nuwa, eda gine waa ku nuwa, ku se ku ebeasi na se piya poo se dema.
ကြော်ငြာတွေ