Wahayu 10:3 - Anegisemee'm Mina Kapuge

³ Se ineasita mugo ndoe mina ebo woeke. Wa'm mina ebo woeke, yai, ese siniga kamino kumake mugo dodo se yema. Se mugo mina ebo woeta mugo ndoe geemuu ea dada tai se yema.

Wahayu 10:3 ပူးပေါင်းရင်းမြစ်များ

Wahayu 14:2

Ken ndo waa ko mina yeke. Mina yeke ku ko ku ese em'mbee mamine kado kooda waa heu-mbeu siyaabuu nakea se mina mugo dodo se yema. Ku mina mbeedi se mina waa se ku tau. Ese em'mbee uwo mea nduu-puu se mina mugo dodo. Pasi maa kaa endaaneke se geemuu tayaa se mina mugo dodo. Se yeke koya mii'm awatakea se ku ni diin tau. Aii mina me ndo yema.

Wahayu 15:1

Ken ndo waa ko ni waya se dena ko Siduga maa me kaa kiyoo ese em'mbee yai se ebeabea da mugo dema. Ese em'mbee yai se ebeabea da me ko me epo wado bage ekii dada ku kaa mugo ebeabea da se dema. Ku dada kuwa ekii mee tuma da bage ku kaa bodi ababa siyaake aya yameaniyaao sekii se epo wado bage waa. Kena ekii'm bodi ababa siyaambea kao kuwa ku ese pake-takanu se bodi ababa se aya waa. Kase enta mugo ndoe, ku bodi ababa siyaambea aya dada kuwa ku meaniyaana dai kaa waa ko waya wadobo bodi ababa siyaambea kao ona kaa miya emi tau kaasi. Ku dada ku kaa ndo ebata kiyaasea. Ku se ku awata mugo ndoe, Anegisemee wa'm mee'm woo-woo se kaa yima kiki ku mike me gado dano kaasi koena. Se.

Wahayu 15:7

Ku se ku dena ko iyaao takea se emii wui kuwa, ona me ko wai eamasi keo waa dada ku maseweke. Eamasi keo waa dada ku masewena ku ekii dada se epo wado bage ku mbo pi-maneke. Ku mbo pi-manipi kuwa ku otuma ese puseopi se keo waa. Mbao kaa puseopi ee? Tau. Ese si dan ndo omiwoo towoo toi se Anegisemee to, wa'm yima kiki me ku nda domoo sipi kumana puseopi. Kena mee tuma bage ku wa'm yima kiki kan em yadasi na epo wado bage ekii dada kuwa ku mbo pi-maneke.

Wahayu 4:5

Kena ese epopi nda se ebo animana ta se yoo kiyoo kam metakea se dena ko yaabebeo-yaabebeo, geemuu-geemuu, bo ndukuu mina - bo ndukuu mina ku se ku metakea se dema. Kena ebo animana ta se yoo me kaa embato kiyoo dena ko bidea aoo se osee amba dada kiyoo aoo ae se dema. Ku osee amba dada kuwa ku aii osee waa se ku tau. Ku ese oyu kam oyu se Anegisemee Dim'mba to mei!

Wahayu 8:5

Se awamana ndo waa ko me epo wado mee me ko wai mesiba bidea tuku kaa kam bidea maseweke. Bidea masewena wa'm yimkaa dopi awe da me nda domaake. Me nda domaana ko maa me kaa wamaake. Maa me kaa wamaana peo ndoe yaabebeo-yaabebeo, geemuu-geemuu, bo ndukuu mina - bo ndukuu mina, maapui-maapui, yai, se ene!