Kena enii naoya-oya taao sekii se kao ku bende oga kaa naambeaseae. Kena ese dim peu se Ibedisi me ko wa'm si namaaniyaao kan sipi ku aii bada kisi na, me Ibedisi me me mbeedi naambeana dama naedimaae,” aseke. [[“Ku se ku mbao kaa kasetaao sekii ee enta mugo ndoe, tau. A ko ai ese ata emi tau ebo towoo nai se mee to me ona. Ona me ko a'm yaa mani da me ese oyu kam oyu se yaa mani da me ona. Ona me ko a'm toke yoo me ese asiyoo kam asiyoo abayai se toke yoo. Taa kiyaake sekii tau, me ona. Ku kaa nigimaa yako paamee se kaseo, kui.”]] “Anegisemee mbo asetoo se se dodo me kaa ko ku mugo mina asetoo taae,” aseke. Yesiusi wa'm se tupimi.
Wahayu 1:6 - Anegisemee'm Mina Kapuge6 Yaa napatatana ko Anegisemee'm guna miyo nambeaseke. Se nambeaseke kumana wa'm Anegisemee Naamee me ko me enii'm ebo toke edaya mee to kidai, me ona. Kena ona me ko enii wa'm wa tao imam se bage waa kidai, wiya. Ku wiya ku Yesiusi wa'm enii tao se nakiyaake koena. Ku kaa kiyoo wa ekaa da ese ebo yambeana yaapapa siwoo taae. Kena wa'm ese ata emi tau ebo tutai yoo me si dan ndo ese oyu kan omiwoo towoo semuu nai waa bada ae, se yanigeke bada! Ni'm ndumbo ndo kaseo mina kui! အခန်းကိုကြည့်ပါ။ |
Wahayu 1:6
23 ပူးပေါင်းရင်းမြစ်များ
Mee'm sese pikamoo se ndanda me ko me ni yaa da kaa nambeasimi se dodo me kaa me aii se nambeasimi se ku tau. Dee, mee tuma kaa bage ekii'm nigina ko ‘Anegisemee Naamee wa ese ebo ae,’ se yanigeke. Ku kindo mee en'ndo otuma ku ni kaa namba ‘A ese ebo ae,’ se nanigi sisi na me ndanda me ni yaa da kaa nambeasimi. Ku kumana ni ekaa da ebo nambeaseao be se bage waa ku maa kaa naameyaami se Anegisemee Naamee wa ekaa da kaa nde miya ebo yambeaseao be se bage waa mugo dodo,” se aseke.
Kase enta mugo ndoe, se-kao we-kao en'ndo otuma ku wa'm ndo aoo kiyaabuu simi kao waa. Endo nde miya ku wa'm yaa mani da kaa yatoyaabuu siwoo nai se kao waa. Ku aii se yatoyaabuu siwoo nai se ku tau. Ku kaa kiyoo kam wa ekaa da ebo mbeana yapapa sisi na wa'm se awawoo semuu nai. Kum seta kaa endo kam wado enii si dan ndo wa ekaa da ebo yambeana yapapa siwoo nakea waa bada ae, se nigeo. Kui!
ku se ku en'ndo otuma se eniwoona ko “O, Yesiusi Keditusi wai enii moo wado ese ata emi tau ebo toke se Tuhani ae,” se eniwoo taasea. Wa ekaa da kaa se yapapa sisi na ebo yakiyaami. Kena Yesiusi kaa yapapa taasea se gumba me kaa kiyoo kam ko me Anegisemee Naamee wa ekaa da kaa nde miya ebo yambeana yapapa nakea mina waa kui. Ku se ku awasi na Anegisemee wai Yesiusi ese asiyoo kam asiyoo ebo yambeasimi. Se.
Kase enta mugo ndoe, wa ndo buwaao kana. Wa'm toke yoo me ao da aoo se toke yoo. Me bage ao da me enii mee tuma kaa bage enii mbo pasi kaa meao kana se ao da me nda toi. Anegisemee wa ko wai enii mee tuma'm yadeao kana se Anegisemee to. Edowaa nde miya diin tau. Anikee waa nde miya si diisea. Abayai! Anegisemee wa'm yaa mani da me ko me ese asiyoo ta keoyaao kana se yaa mani da. Ku kindo wa'm ndo enii wado ese asiyoo ebo towoo semuu nai waa bada. Kena ku kaa kiyoo enii nde miya wa ekaa da ese ebo yakiyaana yaapapa siwoo nakea waa bada. Ese ndumbo mina kaseo kui!
Ku kaa kiyoo kam Anegisemee wa'm kamatana ko me Yesiusi mbaya bage mbo mina eneao epi se yaa mani da kamatami kipii kindo ko Anegisemee'm mina ku mee mbo tupita sita mugo ndoe Anegisemee'm kakumamoo sipi mina ku ndo eniwoo taae. Kena a'm awaao epi se kao me ogu bage tao maanisi na se ndanda yaawaao epi se yaa mani da aoo kipii kindo ko Anegisemee'm kakumawoo nai se yaa mani da me kaa kiyoo ndo kusipimana dama ndo yaawawoo taae. Wa'm kanepi se yaa mani da me kaa ndo kusipimana yaawawoo nae kipii kindo ko ogu bage ku kadegea yako “O, mee me me, wai Yesiusi Keditusi mesema dipinimapi kumana wa'm awake-awake ku en'ndo otuma maaneke ndo ae,” se kanigaambea. Se kanigimagea yako me kaa kiyoo kam ogu bage ekii Anegisemee ekaa da me ebo yambeana “Paamee! Mataae,” se asiimbea. Yai, Anegisemee wa'm yaa mani da me ko me kiyoo ndigi kema ndigi tau se yaa mani da. Wa'm ese ebo abayai se toke yoo me nde miya ese asiyoo. Kum seta kaa enii ese si dan ndo “Paamee! Mataae!” se mina ku ndo asiwoo semuu taao ndo sekii. Ese ndumbo kaseo, kui!
Ku kindo ko mbae da mina ku si yitona ndo Yesiusi Keditusi wa'm aii se dama katoyaabuu nai ku kaa kusipimana dama sese ku ndo agi kiwoo towoo taae. Waya wada nda wa'm sese ku kaa nde miya epi kiwoo taae. Enii'm ebo toke se Tuhani, Yesiusi Keditusi me me, wai enii'm woo-woo se kaa em si nadana ndo dama natoyaabuu nai se mee to. Ku kumana wa ekaa da ebo yambeana yapapa siwoo taao ndo sekii. Endo kam wado kisena omiwoo towoo semuu taasea kui. Ni, Petadusi, ni'm mina se naa aoo.
Ni, Yohanesi, ni eki'm mesema Yesiusi kaa eniikinaa bage waa. Kena enii Yesiusi nda dipinimake kumana enii ndepo enii kaa nameaniyaabuu sipi kao ku se de. Ona me ko enii Yesiusi mbaya bage kumana mee waa ekii bodi naababa siyaake, me ona. Ona me ko bodi ababa se koya dimina katu tau. Aii dama kusipimana towoo semuu nakea ndo, me ona, wiya. Ona me ko enii'm ese ebo toke edaya mee to me Anegisemee. Enii ndepo wa'm guna miyo togea se bage waa, me ona, wido. Ku se ku ni, eki mesema Yesiusi nda dipinimai yako nameaniyaabuu sipi kao waa. Ni ko ni Anegisemee'm mina nuwa, Yesiusi kaa mina waa ku kaa nuwa, ku dopeana mee mbo eniwoo sima. Ku eniwoo sima kumana mee waa ekii nabeagea yako yaa napineana Patamosi epogo maa me kaa kiyoo pi-nambeasimea.
“Enii'm Yahawee Anegisemee woe. ‘Paamee! Mataae!’ se kaanigeo. Kase enta mugo ndoe, se-kao we-kao en'ndo otuma ku a'm ndo anegi semame se kao waa. Ku a'm gai kan anegi semame se kao waa. Ku a'm gai kan aoo kiyaabuu sime kao waa. Ku kumana ku kaa kiyoo mee en'ndo otuma ‘Paamee! Mataae!’ se kaasetoo taao ndo bada. ‘A ese asiyoo ebo toke ae, a'm yaa mani da ese asiyoo wa-nini ae,’ se kaapapa taao ndo bada. A kaa mina se ku ese ndumbo se mina kumana a ekaa da ebo mbeana kaapapa taao ndo sekii,” se eniwoo nakea. Kudoo-padoo se ebo bage ekii'm eniwoo nakea mina se ku ni se yema. Se.
Kena a'm wada nda aoo kiyaake kao ona me ko a'm Anegisemee tao tabemame se bage kuwa ku Ebo Toi se Anegisemee wa guna miyo togea se bage waa se yakiyaabuu sime. (Haa ii) Aii se yakiyaabuu sime se ku tau. (Haa ii) Ku Anegisemee wa tao ndanda yaawawoo sisi na imam se bage waa se yakiyaame. (Haa ii) Se yakiyaai yako anikee waa ekii maa kaa tuwaasea se dodo me kaa ese ata emi tau ebo toke se bage waa towoo taasea. (Haa ii) Ku se ku awamame kumana me bibinimapea kapuge me me masewena ekatake ku a'm mike awaao ndumbo se kao. (Haa ii) Ku a'm ndo awaao sekii,” (Haa ii) se enigea. Me mugo yipi se euu mina enigea ndoe yito sima.
ကြော်ငြာတွေ