Ese eduga edugana ko maa nuwa, epo nuwa, ku se ku aoo kiyaan tau yoo me kaa miyo ko Yesiusi wa ko wai Anegisemee mesema omiwoo towoo simi. Ese amba ndaga se yoo kiyoo ko wai Anegisemee mesema towoo simi koya wai wa-nini se mee to tau. Wa ko wai ese mike Anegisemee mei. Kena wai Anegisemee wa'm nigitai mina ku uwa da kaa kiyaabuu nai se mee to kumana wa ekaa da ona me ko Mina Mee to, se ekaa da aoo.
Wahayu 1:4 - Anegisemee'm Mina Kapuge4 Me kapuge me ko me Yohanesi wa'm wudumami se kapuge. Ogiyoo Asiya maa me kaa kiyoo Yesiusi kaa andagatake yoo dada aoo. Ku dada andagatake yoo kiyoo andagatagea bage waa ekii tao kapuge, eewee. Nemugoi nakawaa woe, aba! Anegisemee Naamee mesema, wa'm Dim'mba mesema, Yesiusi Keditusi mesema, ekii'm aii se dama katoyaai waa bada ae se kaanigeo, me ona. Kena ona me ko, ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo. Anegisemee wa ko wai aoo-aoo ku aoo ndo se tutai se mee to. Ese eduga edugana nde miya towoo simi. Endo nde miya towoo nai. Waya wadobo nde miya towoo taasi. Me Anegisemee mei! Anegisemee wa'm ebo animana ta se yoo me embato kiyoo ko Anegisemee Dim'mba wa namba kiyoo aoo. Anegisemee Dim'mba wa ko wa'm yaa mani da ese oyu kam oyu se yaa mani da! Se. အခန်းကိုကြည့်ပါ။ |
Wahayu 1:4
41 ပူးပေါင်းရင်းမြစ်များ
Ku kaa kiyoo, eki ko eki Anegisemee wa'm ese kaembaake se bage waa se kadeo, me ona. Ona me ko eki Anegisemee wa'm wa tao dimi se bage kisi na mina kawoemi se bage waa se deo, me ona. Ku mugo Edoma okaa yoo togea se bage en'ndo otuma, ni'm kaawudumapa kapuge, eki tao eewee! Aba! Enii'm Naamee, Anegisemee me mesema Tuhani Yesiusi Keditusi me mesema, akaa'm aii se dama katoyaai waa bada ae se kaanigeo, me ona. Kena ona me ko, akaai ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo.
Aba! Enii'm ebo se Tuhani, Yesiusi Keditusi me mesema, Anegisemee Naamee me mesema, akaai aii se dama katoyaagea waa bada ae se kaanigeo, me ona. Kena ona me ko ese widigi tau se dimina da me nde miya kakumagea waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Aba! Enii'm ebo se Tuhani, Yesiusi Keditusi me mesema Anegisemee Naamee me mesema, akaai aii se dama katoyaagea waa bada ae se kaanigeo, me ona. Kena ona me ko ese widigi tau se dimina da me nde miya kakumagea waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Waya na kiyaa ese ndumbo mina me ko me se de. Enii'm toke yoo ese dama se kao aoo kipii, ese si maaneke kaa miya emi tau se kao aoo kipii kindo ko “O, ku Siduga nda toi se Anegisemee wa'm aii se naadomoo sipi kao waa ae,” se ku ndo nigaao sekii. Wa'm sese wa-nini kiyaake sekii tau koena. “Dama tosi na se kao ku ndo naadomoo siwoo nai ae,” se ku ndo yanigaae. Me kaa mina ebeabea da me ko me se de. Anegisemee wai epiyoo kaa kiyoo ao da aoo kiyaasi na se-kao we-kao anegi semami. Ku kao ku kaa kiyoo kam maa kaa yaapun'ta yoo aoo. Ku yaapun'ta yoo kuwa dodo ndo se takea se ku tau. Ebanaa gado ebo kitakea. Ebanaa gado mbeedi kitakea. Ebanaa gado wa-nini kitakea. Ku koya Anegisemee wai yaapun'ta yoo mugo tau. Wa'm dama naawaao gai se dimina me omiyaa siyaa ku ndo dodo ndo se tai. Ku kaa kiyoo wa'm enii tao dama tosi na se kao ku ndo naadomoo siwoo nai ae, se ku ndo yanigaae.
Me kapuge me nda mina waa ku Yesiusi Keditusi wa'm uwa da kaa kiyaabuu simi se mina waa. Dee, ku mina kuwa ku mee'm eduga yiin tau se amanimake mina waa. Ku amanimake se mina kuwa ku mike pi-pamaao pasi se amanimake mina waa. Ku pi-pamaao pasi se mina kumana Anegisemee wai ku mina kuwa Yesiusi Keditusi mbo yamatake. Aii se yamatake se ku tau. Wa'm wa kaa wa tao ndanda yaawanaa se bage waa ku otuma ku namba epi kisi na Keditusi mbo yamatake. Ku kindo ku Keditusi mbo yamatana ko ku mina ku enii namba epi kisi na Keditusi wai wa'm epo wado mee to ona Yohanesi mbo yapeyaake. Yohanesi mbo yapeyaana ko ku mina kuwa dopeana pi-yanige-maneke. Me Yohanesi me me, wai Keditusi wa'm wa kaa wa tao ndanda yaawanaa nai se mee to. Wa mbo pi-yanige-maneke.
Kena me mina me se nasina ko “A'm diimbe-diimbe kao ku otuma kapuge kaa wudumaae. Ku kapuge kaa wudumana ndo waa ko yaadoyaae, Yesiusi kaa andagatake bage waa ku mbo dosi nde. Yadoyaake se dodo me kaa ko Epesiusi okaa yoo me nuwa, Semidina okaa yoo me nuwa, Pedigamusi okaa yoo me nuwa, Tiatida okaa yoo me nuwa, Seadisi okaa yoo me nuwa, Pidadeopiya okaa yoo me nuwa, Daodikiya okaa yoo me nuwa, ku okaa yoo dada ku kaa kiyoo togea se Yesiusi mbaya bage waa eki tao kapuge yaadoyaae,” se nasimi.
Me mugo mee to deta mugo ndoe, ese widaa yako wa'm bado kaa kiyoo maa nda mbato. Ese mee bota da mugo dodo kima. Ni'm se awake koya wai wa'm meyaa yato yaa da me ni kaa yaa nadapimake. Wa yaa da yaa nadapimai ndoe wa'm se nasina ko “Si widaae,” se nasimi. “Kase enta mugo ndoe, ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni,” se nasimi.
“A'm yimkaa depe ona me ko ni'm meyaa yato yaa da kaa kiyoo okude dada yaa mu-mu naka se nadepe. Me ona. Ona me ko, osee mbembo se se eamasi kipaii dada, se ku nde miya depe. Ku se ku deke se dodo me kaa ko a'm nigina ko ‘Ku kase bage kao waa naa ya?’ se nigipe. A'm se nigeke koya endo ko ku kaa mina kanige-maniinka ndeo,” se nasimi. “Osee mbembo se se eamasi kipaii dada depe ku ko ku Yesiusi mbaya bage togea kota okaa yoo dada ku kaa mina ebeabea da mugo dodo,” se aseke. “Kena okude dada depe ku ko ku epo wado bage waa ku kaa mina ebeabea da. Ku epo wado bage dada ku ko ku kota okaa yoo dada ku nda togea se Yesiusi mbaya bage, ekii kaa ekii tao se epo wado bage waa,” se nasimi.
Tuhani Anegisemee wa ko wa'm se enina ko “Ni ko ni aoo-aoo ku aoo ndo. Ese eduga edugana nde miya towoo sima. Endo nde miya towoo naka. Waya wadobo nde miya towoo taata,” se eneke. “Ku kaa kiyoo ese amba kaa kam wado kisee endi kaa miyo ku otuma ni'm guna miyo se kao waa. Kena ni yaa mani da me ko me uu amba maa amba ebata tau se yaa mani da. Ku sese ku Tuhani Anegisemee ni'm sese kui,” se eneke. Se.
Ni, Yohanesi, ni eki'm mesema Yesiusi kaa eniikinaa bage waa. Kena enii Yesiusi nda dipinimake kumana enii ndepo enii kaa nameaniyaabuu sipi kao ku se de. Ona me ko enii Yesiusi mbaya bage kumana mee waa ekii bodi naababa siyaake, me ona. Ona me ko bodi ababa se koya dimina katu tau. Aii dama kusipimana towoo semuu nakea ndo, me ona, wiya. Ona me ko enii'm ese ebo toke edaya mee to me Anegisemee. Enii ndepo wa'm guna miyo togea se bage waa, me ona, wido. Ku se ku ni, eki mesema Yesiusi nda dipinimai yako nameaniyaabuu sipi kao waa. Ni ko ni Anegisemee'm mina nuwa, Yesiusi kaa mina waa ku kaa nuwa, ku dopeana mee mbo eniwoo sima. Ku eniwoo sima kumana mee waa ekii nabeagea yako yaa napineana Patamosi epogo maa me kaa kiyoo pi-nambeasimea.
Se dena ko wa-nini se epo wado mee to ona aoo. Me epo wado mee me ko me uwo en'ndo otuma ku wado ebo dito nai se epo wado mee to. Kena me epo wado mee to wa'm se asina ko “O Tuhani woe, A ko ai ese kiyoo ndigi kema ndigi tau se towoo semuu nae se Anegisemee to. Kena a'm sese ko ai ese si maaneke ona kaa miya emi tau se mee to. Ku kaa kiyoo a'm mee tuma kaa bage em yadaao kan meaniyaabuu nae se kao kuwa ku otuma ese ndumbo ndo meaniyaabuu sipe kao waa ae se deo. Koweke kan em yadake se ku tau.
Kena wa'm wadobo se nasina ko “Pedigamusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni yape yado da yaa mu-mu naka se mee to. Ni'm yape yado da me ese uuda aoo se yado da. Embato miya uuda aoo, duwato miya uuda aoo, eo wiya se yape yado da mei! Kena ni'm kaseao kan sipa mina ku de.
Kena wa'm waya wadobo se nasina ko “Tiatida okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni Anegisemee Yombai. Ni'm emaa misi ku bidea gida waa mugo dodo. Ni'm bado ku namba wiki-wiki se aoo. Ese tem'baga besi oma mugo bidea kaa yitana wiki-wiki nai se mugo dodo. Kena ni'm kaseao kan sipa mina ku ko ku se de.
Kena wa'm wadobo se nasina ko “Semidina okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni. Eduga ko boke ko boma koya maa poo yoo ndomana iyaao towoo naka se mee to me nde miya ni. Kena ni'm kaseao kan sipa mina ku de.
“Ni ko ni Yesiusi. Ese ata emi tau ebo tomi Daudi, wa'm wado one damea mee to me ni,” asimi. “Kena ni'm sese ko ni aweao pasi se dodo ndoe mbane-mbane petai se okude wa'm sese mugo dodo se mee to. Ni ko ni ese yipi se gumba aoo kiyaabuu taamba se mee to koena,” asimi. “Kena me epo wado mee to me me, wa'm kasipi mina ku ni'm yamatana mi-kasipi mina waa. Dee, ni kaa andagatagea se bage eki ko eki ku mina yemana ‘Ku ndumbo mina waa ae,’ se nigisea na ni'm epo wado mee to ona wa kaa yamatana eki mbo kameyaapa,” asimi. Yesiusi wa'm se asimi.
Kena ni'm iya-iya da kaa dema se mee me me wa'm waya se nasina ko “Seadisi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ese oyu kam oyu se Anegisemee Dim'mba wai ni nduwawe toi. Kena okude dada ku nde miya ni yaa da kaa yato naka. Kena ni'm kaseao kan sipa mina ku se de. Eki'm awake-awake ku ni epi. Dee, yau-yau bage ekii'm kanigina ko ‘O, ese dimina iyaao takea se bage waa ae,’ se kanigeke. Ogu bage ekii'm se kanigeke koya ni'm kadena ko wa-nini. Eki'm awake-awake ku deo yako ese dimina bota-pata bage waa mugo dodo se kadeta.
Kena wa'm wadobo se nasina ko “Daodikiya okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ekaa da ko ‘Kui.’ Kase enta mugo ndoe, Anegisemee wa'm pi-pamiyaao gai ku otuma ni kaa pi-pamiyaana kui kidai. Ku kumana ni ekaa da ko ‘Kui’ kasipa. Kena Anegisemee wa'm uwa da kaa aoo kiyaapi mina kuwa ku masewena dimina ona ndo kan ndumbo ndo eniwoo nai se mee to, me ko me ni. Kena Anegisemee wa'm eduga anegi taao kan simi se-kao we-kao, ku en'ndo otuma aoo kiyaabuu sima mee to me nde miya ni. Kena ni'm kaseao kan sipa mina ku se de.
Kena wa'm wadobo se nasina ko “Pidadeopiya okaa yoo togea se Yesiusi mbaya bage ekii kaa eki tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Si maaneke ona kaa miya emi tau se Anegisemee to me ni. Ese mike Keditusi me ko me nde miya ni. Ese ata emi tau ebo tomi se Daudi wa'm gine ndagide me ni mbo ndigi. Kena ni wa'm sipi mugo ese ebo toke kumana ni'm waditapa me mee agumee'm manimaao iyo. Kena ni'm manimapa me namba mee agumee'm nawaditaao iyo. Ese eduga tomi se Daudi wa'm ebo tomi se gine ndagide me ni mbo ndigi koena. Kena ni'm kaseao kan sipa mina ku se de.
Kena ese epopi nda se ebo animana ta se yoo kiyoo kam metakea se dena ko yaabebeo-yaabebeo, geemuu-geemuu, bo ndukuu mina - bo ndukuu mina ku se ku metakea se dema. Kena ebo animana ta se yoo me kaa embato kiyoo dena ko bidea aoo se osee amba dada kiyoo aoo ae se dema. Ku osee amba dada kuwa ku aii osee waa se ku tau. Ku ese oyu kam oyu se Anegisemee Dim'mba to mei!
Kena ku mugo emii wui ku deta mugo ndoe ku otuma ekii gidigaa da waa bidimi aoo se dema. Ku'm eba da kaa otuma emaa misi kooda waa. Gidigaa miyo nde miya aoo, se dema. Kena ndeemaa nde miya, apikaa nde miya ku si omiin ndo Anegisemee kaa yapapa se mina eniwoo nakea. Ekii'm eniwoo nakea se mina ku se de. “Yahawee Anegisemee wa'm sese ese wa-nini keo! Wa'm yaa mani da me ese, ese asiyoo me kaa ama emi tau se yaa mani da. Wa'm sese ko si maaneke mbeenaa kaa miya emi tau sese. Ese wa-nini ae! Ese wa-nini ae! Ese wa-nini ae!” se eniwoo nakea. “Anegisemee wa ko wai aoo-aoo ku aoo ndo. Ese eduga edugana nde miya towoo simi. Endo nde miya towoo nai. Anikee waa nde miya towoo semuu taasi.” Iyaao takea se emii waa ekii'm se eniwoo nakea.
Se nasemana ko ambiyoo iyamata mugo ndoe, ebo animana ta se yoo pasi kaa kiyoo Dom'mba Yuwa to ona aoo. Kiyoo inewena tai se dema. Me Dom'mba Yuwa me yau-yau kusinimapea kiyoo iyaao takea se emii mugo kao wui kasipa kuwa ku namba kiyoo aoo. Kena kudoo-padoo se ebo bage waa ku namba aoo. Ku se ku Dom'mba Yuwa me yau-yau kusinimapea se dema. Kena me Dom'mba Yuwa me ndamata mugo ndoe, “Yai, mee'm yambatumamea se Dom'mba Yuwa to me inda-banda mugo dodo ae,” se dema. Kena wa'm moo kaa kiyoo piya poo dada aoo se dema. Emaa misi waa dada ku nde miya dema. Ku emaa misi dada kuwa ku Anegisemee wa maa en'ndo otuma peyaabuu simi se Dim'mba to me ae, se dema. Ese oyu kam oyu se Anegisemee Dim'mba mei!
ကြော်ငြာတွေ