Se asemana Yesiusi wa'm se ambewaana ko “Tau, ni'm kasipa mina me Anegisemee wa'm mee wado ese ata emi tau ebo toi ae se nigisi na se mina da. Eduga ko me mina da me kaa mina waa ku Anegisemee wa'm koo gamami se mina waa. Ku koya endo ko wa'm ebo toke sese ku epi kisea na eki'm dimina da waa ku kawadaniyaapi,” aseke. “Yibanda kiyaa ogu bage waa ekii'm dimina da waa ku yawadaniyaan tau,” aseke.
Wahayu 1:20 - Anegisemee'm Mina Kapuge20 “A'm yimkaa depe ona me ko ni'm meyaa yato yaa da kaa kiyoo okude dada yaa mu-mu naka se nadepe. Me ona. Ona me ko, osee mbembo se se eamasi kipaii dada, se ku nde miya depe. Ku se ku deke se dodo me kaa ko a'm nigina ko ‘Ku kase bage kao waa naa ya?’ se nigipe. A'm se nigeke koya endo ko ku kaa mina kanige-maniinka ndeo,” se nasimi. “Osee mbembo se se eamasi kipaii dada depe ku ko ku Yesiusi mbaya bage togea kota okaa yoo dada ku kaa mina ebeabea da mugo dodo,” se aseke. “Kena okude dada depe ku ko ku epo wado bage waa ku kaa mina ebeabea da. Ku epo wado bage dada ku ko ku kota okaa yoo dada ku nda togea se Yesiusi mbaya bage, ekii kaa ekii tao se epo wado bage waa,” se nasimi. အခန်းကိုကြည့်ပါ။ |
Wahayu 1:20
24 ပူးပေါင်းရင်းမြစ်များ
Kena Yesiusi wa'm se asina ko “Tau, ni'm kasipa mina me Anegisemee wa'm mee wado ese ata emi tau ebo toi ae se nigisi na se mina da,” aseke. “Eduga ko me mina da me kaa mina waa ku Anegisemee wa'm koo gamami se mina waa. Ku koya endo ko wa'm ebo toke sese ku epi kisea na eki'm dimina da waa kawadaniyaapi,” aseke. “Ku koya ogu bage waa ku tau. Ogu bage waa ku mbo aii mina ebeabea da waa ku ndo asei se,” se aseke. “Mbao awasi na mina ebeabea da waa ku ndo asei sipa ee? Tau. Ogu bage ku Anegisemee'm sese ‘Deke ko deke koya dimina da nda si desi na, yeke ko yeke koya mike si masimasi na,’ ku se ku awasi na aii mina ebeabea da waa ku oba eniwoo naka,” aseke.
Endo ko Yahudi tau se Yesiusi kaa eniikinaa bage waa woe. Eki kaa to dodo se kan “O, enii ko enii ese epi se bage waa. Yahudi bage ku tau,” se dimina da me si nigaae. Kena me mugo dimina da me si nigisea na mee'm yiin tau se mina me kanige-maniinka ndeo. Me mina me ko me se de. Endo se gumba Isedeo bage ku ko ekii ese oba mugo dim mbiseoo aoo. Ku koya anikee waa ekii'm dim mbiseoo ku dano kaasea. Kase dodo dano kaasea ee? Tau na. Dee, ogu Yahudi tau se bage ku nde miya Anegisemee mbaya bage kaasea. Moo mugo ee, se ku me Anegisemee wa'm ese epi se kao. Ku kindo wa'm aii dodo eamami ku kisiu pi-pam'dai se gumba ndoe, Isedeo bage ekii dim mbiseoo ndo tutakea se gumba me nde miya dano kaasi.
Kena me mina me se nasina ko “A'm diimbe-diimbe kao ku otuma kapuge kaa wudumaae. Ku kapuge kaa wudumana ndo waa ko yaadoyaae, Yesiusi kaa andagatake bage waa ku mbo dosi nde. Yadoyaake se dodo me kaa ko Epesiusi okaa yoo me nuwa, Semidina okaa yoo me nuwa, Pedigamusi okaa yoo me nuwa, Tiatida okaa yoo me nuwa, Seadisi okaa yoo me nuwa, Pidadeopiya okaa yoo me nuwa, Daodikiya okaa yoo me nuwa, ku okaa yoo dada ku kaa kiyoo togea se Yesiusi mbaya bage waa eki tao kapuge yaadoyaae,” se nasimi.
Wa'm meyaa yato yaa da kaa yaa mu-mu nai kao ku okude dada mugo yaa mu-mu nai se dema. Kena wa'm ebe kaa kam mitai me ese uuda aoo se yape yado da mitai se dema. Me yado me embato miya uuda aoo, duwato miya uuda aoo, eo wiya aoo se mugo yado da se dema. Kena wa emaa-paa ese ao da aoo! Ese daamee epopi se gumba daamee uuda mbane-mbane awatai se mugo dodo se dema.
Me kapuge me ko me Yohanesi wa'm wudumami se kapuge. Ogiyoo Asiya maa me kaa kiyoo Yesiusi kaa andagatake yoo dada aoo. Ku dada andagatake yoo kiyoo andagatagea bage waa ekii tao kapuge, eewee. Nemugoi nakawaa woe, aba! Anegisemee Naamee mesema, wa'm Dim'mba mesema, Yesiusi Keditusi mesema, ekii'm aii se dama katoyaai waa bada ae se kaanigeo, me ona. Kena ona me ko, ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo. Anegisemee wa ko wai aoo-aoo ku aoo ndo se tutai se mee to. Ese eduga edugana nde miya towoo simi. Endo nde miya towoo nai. Waya wadobo nde miya towoo taasi. Me Anegisemee mei! Anegisemee wa'm ebo animana ta se yoo me embato kiyoo ko Anegisemee Dim'mba wa namba kiyoo aoo. Anegisemee Dim'mba wa ko wa'm yaa mani da ese oyu kam oyu se yaa mani da! Se.
Kena wa etu kaa kiyoo wudumapi me ko mee'm nige-neao kana se ekaa da waa wudumapi se dema. Ku ekaa da waa ku se de. Babeo okaa yoo, me ona. Ese em'mbee mee en'ndo otuma epi se okaa yoo, me ona, wiya. Tubaka awaao kan edeke se ambii waa aoo kiyaake okaa yoo, me ona, wido. Maa kaa se-apea we-apea en'ndo otuma aoo kiyaake okaa yoo, me ona, wui. Wa'm sese epi kisi na se ekaa da waa se dema.
Ni'm se nigeke koya me epo wado mee me me, wa'm se nasina ko “Tau de. A'm ‘Abayai!’ se nigeke ku tau de. Kase enta mugo ndoe, ku kaa mee'm si nige-neke se mina kuwa ku ni'm kanige-maniimba mina waa,” aseke. “Me ambii me kaa mina nuwa, kena wa'm donaa se emii to, moo gea dada, piyapoo haas aoo se emii to me me, me kaa mina nuwa, ku mina ku kanige-maniimba,” aseke. “Ku kindo ‘Abayai!’ se dimina me mbeas. Me si nigaae,” se nasimi.
Kena ni'm iya-iya da kaa dema se mee me me wa'm se nasina ko “Epesiusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae,” se naseke. “Wa tao naawudumaambe mina ku se de. Ni ko ni'm meyaa yato yaa da kaa kiyoo okude dada ku yaa mu-mu nai se mee to. Osee mbembo se se eamasi kipaii dada aoo ku ko ku nda epopi nda penaa nai mee to me ni. Kena ni'm kaseao kan sipa mina ku se de.
Kena wa'm wadobo se nasina ko “Pedigamusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni yape yado da yaa mu-mu naka se mee to. Ni'm yape yado da me ese uuda aoo se yado da. Embato miya uuda aoo, duwato miya uuda aoo, eo wiya se yape yado da mei! Kena ni'm kaseao kan sipa mina ku de.
Kena wa'm waya wadobo se nasina ko “Tiatida okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni Anegisemee Yombai. Ni'm emaa misi ku bidea gida waa mugo dodo. Ni'm bado ku namba wiki-wiki se aoo. Ese tem'baga besi oma mugo bidea kaa yitana wiki-wiki nai se mugo dodo. Kena ni'm kaseao kan sipa mina ku ko ku se de.
Kena wa'm wadobo se nasina ko “Semidina okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni. Eduga ko boke ko boma koya maa poo yoo ndomana iyaao towoo naka se mee to me nde miya ni. Kena ni'm kaseao kan sipa mina ku de.
Kena ni'm iya-iya da kaa dema se mee me me wa'm waya se nasina ko “Seadisi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ese oyu kam oyu se Anegisemee Dim'mba wai ni nduwawe toi. Kena okude dada ku nde miya ni yaa da kaa yato naka. Kena ni'm kaseao kan sipa mina ku se de. Eki'm awake-awake ku ni epi. Dee, yau-yau bage ekii'm kanigina ko ‘O, ese dimina iyaao takea se bage waa ae,’ se kanigeke. Ogu bage ekii'm se kanigeke koya ni'm kadena ko wa-nini. Eki'm awake-awake ku deo yako ese dimina bota-pata bage waa mugo dodo se kadeta.
Kena wa'm wadobo se nasina ko “Daodikiya okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ekaa da ko ‘Kui.’ Kase enta mugo ndoe, Anegisemee wa'm pi-pamiyaao gai ku otuma ni kaa pi-pamiyaana kui kidai. Ku kumana ni ekaa da ko ‘Kui’ kasipa. Kena Anegisemee wa'm uwa da kaa aoo kiyaapi mina kuwa ku masewena dimina ona ndo kan ndumbo ndo eniwoo nai se mee to, me ko me ni. Kena Anegisemee wa'm eduga anegi taao kan simi se-kao we-kao, ku en'ndo otuma aoo kiyaabuu sima mee to me nde miya ni. Kena ni'm kaseao kan sipa mina ku se de.
Kena wa'm wadobo se nasina ko “Pidadeopiya okaa yoo togea se Yesiusi mbaya bage ekii kaa eki tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Si maaneke ona kaa miya emi tau se Anegisemee to me ni. Ese mike Keditusi me ko me nde miya ni. Ese ata emi tau ebo tomi se Daudi wa'm gine ndagide me ni mbo ndigi. Kena ni wa'm sipi mugo ese ebo toke kumana ni'm waditapa me mee agumee'm manimaao iyo. Kena ni'm manimapa me namba mee agumee'm nawaditaao iyo. Ese eduga tomi se Daudi wa'm ebo tomi se gine ndagide me ni mbo ndigi koena. Kena ni'm kaseao kan sipa mina ku se de.
ကြော်ငြာတွေ