Wahayu 1:12 - Anegisemee'm Mina Kapuge

^12-13 Se asita mugo ndoe mina nasei nai se mee to me deao kan ni ogato iyamake. Ni ogato iyamai ndoe ni'm dena ko mee tuma da kaa yombai me mugo mee to se dema. Kena wa'm yau-yau osee mbembo se se eamasi kipaii dada aoo ae se ku namba dema. Kena mee me me, wa'm manaa se kao ona me ko ese eduu se maawiya wiga kaa kam kisee bado kaa se mugo eduu da matapi se dema. Me ona. Ona me ko wa'm egi kaa kiyoo eamasi mbisine matapi se dema. Me ona. Ku se ku matapi se dema.

Wahayu 1:12 ပူးပေါင်းရင်းမြစ်များ

Wahayu 1:19

Kena wa'm waya se nasina ko “Ku kumana a'm depe mina ku otuma kapuge kaa wudumei taae. Kena endo se gumba awatakea se mina waa ku nuwa, waya wadobo anikee waa awaasea se mina waa ku nuwa, ku mina se ku nde miya kapuge kaa wudumei taae,” se nasimi.

Wahayu 1:20

“A'm yimkaa depe ona me ko ni'm meyaa yato yaa da kaa kiyoo okude dada yaa mu-mu naka se nadepe. Me ona. Ona me ko, osee mbembo se se eamasi kipaii dada, se ku nde miya depe. Ku se ku deke se dodo me kaa ko a'm nigina ko ‘Ku kase bage kao waa naa ya?’ se nigipe. A'm se nigeke koya endo ko ku kaa mina kanige-maniinka ndeo,” se nasimi. “Osee mbembo se se eamasi kipaii dada depe ku ko ku Yesiusi mbaya bage togea kota okaa yoo dada ku kaa mina ebeabea da mugo dodo,” se aseke. “Kena okude dada depe ku ko ku epo wado bage waa ku kaa mina ebeabea da. Ku epo wado bage dada ku ko ku kota okaa yoo dada ku nda togea se Yesiusi mbaya bage, ekii kaa ekii tao se epo wado bage waa,” se nasimi.

Wahayu 2:1

Kena ni'm iya-iya da kaa dema se mee me me wa'm se nasina ko “Epesiusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae,” se naseke. “Wa tao naawudumaambe mina ku se de. Ni ko ni'm meyaa yato yaa da kaa kiyoo okude dada ku yaa mu-mu nai se mee to. Osee mbembo se se eamasi kipaii dada aoo ku ko ku nda epopi nda penaa nai mee to me ni. Kena ni'm kaseao kan sipa mina ku se de.

Wahayu 4:1

Ku semana ndo waa ko ni'm dena ko yai! Siduga pesi na se gine to me waditapi ae se dema. Se dena ko mina yeke. Ese eduga edugana mina nasipi mee to wa'm mina waya yeke. Mbee to se mina se ku tau. Ese em'mbee mina, ese tuwoo-tuwoo awe da minasiyaake mugo dodo se yeke. Se mina yeta mugo ndoe, “Nakayoo pakee,” se naseke. “Waya wadobo ba-gamitaao kana se pi-pamiyaasi mina ku kaadeyaabuu taanka ndeo. Ku kindo nakayoo pakee,” se nasimi.