Mina enei nakea se dodo me kaa ko enii'm mina yito nai se ambii ona me ekaa da ko Didiya. Me Didiya me me, me Tiatida okaa yoo ambii to. Wai uwani manisi na kaini dopeana mee mbo pi-manaa se se ambii to. Ku kaini ku uuwou epoo da aoo se kaini ku kaa uwani awita se se ambii to. Kena me Didiya me me, me ese Anegisemee yapapa se se ambii to. Kena wai Paudusi'm mina yito se se dodo ndoe, Tuhani wa'm dimina nda yakumake kumana ese “Mike ae,” se nigii.
Wahayu 1:11 - Anegisemee'm Mina Kapuge11 Kena me mina me se nasina ko “A'm diimbe-diimbe kao ku otuma kapuge kaa wudumaae. Ku kapuge kaa wudumana ndo waa ko yaadoyaae, Yesiusi kaa andagatake bage waa ku mbo dosi nde. Yadoyaake se dodo me kaa ko Epesiusi okaa yoo me nuwa, Semidina okaa yoo me nuwa, Pedigamusi okaa yoo me nuwa, Tiatida okaa yoo me nuwa, Seadisi okaa yoo me nuwa, Pidadeopiya okaa yoo me nuwa, Daodikiya okaa yoo me nuwa, ku okaa yoo dada ku kaa kiyoo togea se Yesiusi mbaya bage waa eki tao kapuge yaadoyaae,” se nasimi. အခန်းကိုကြည့်ပါ။ |
Wahayu 1:11
37 ပူးပေါင်းရင်းမြစ်များ
Waya wada nda, Epesiusi okaa yoo nakayoo, ni'm mee waa ekii mesema Keditusi kaa, mina a-mbemoo naa-mbemoo semuu naka. Etaa kan awata se ku tau. Ese yóo se emii waa mesema a-mbatume naa-mbatume siyaa mugo dodo. Ku koya mee bota-pata ku, maa poo yoo si ndomei taasea waa, ni'm awake-awake ku kaa kiyoo kam ni tao namaaniyaasi na kao mbeenaa kaa miya emi tau kiyaa. Ku otuma mike aii bada kiyaa koena. Waya wada nda ni tao namaaniyaasi na kao mbeenaa kaa miya emi tau kaasi waa, ni'm widigi kan towoo naka sese ku wisin'tana ogu bage'm yaa mu-mu nakea mina ku ni namba yaa mu-mu siyaa. Dee, ebanaa bage ekii'm nigina ko “Anikee buwaata kumana endo gapi badii nowoo se bada. Bobo uwo namba nowoo se bada,” se nigigea. Ku kindo enii mike maa poo yoo si ndomaasea waa, ku mugo mina yaa mu-mu taao sekii kiyaa.
Ni ko ni Paudusi. Ni Yesiusi Keditusi wa kaa napeyaami se mee to. Me Keditusi me me, wai Anegisemee'm wa-nini wenimana daa mbeaseke mee to kumana Keditusi se ekaa da aoo. Kena Yesiusi Keditusi kaa napeyaami me ko me Anegisemee'm gai kan Edaseo mee to se nambeasimi kumana napeyaami. Ni'm kapuge ku eki tao, eewee. Eki ko Epesiusi okaa yoo togea bage koya aii bage se ku tau. Eki ko Anegisemee wa'm bage waa kisi na wa tao eki-nini kawenimapi se bage waa. Eki Yesiusi Keditusi kaa “Mike ae,” se nigeke se bage waa. Ku mugo bage kuwa eki tao kapuge kaneo.
Ni'm sese ku kaa dama masimasea na ku kaa mina kanige-manepa. Dee, ni'm kanam-kanam awawoo naka se ndanda me ko me eki tao dama tosi na se ndanda. Me Daodikiya okaa yoo togea se Yesiusi mbaya bage ekii tao nde miya dama tosi na se ndanda. Kena ogu Yesiusi mbaya bage waa, ni'm ade taan tau se Yesiusi mbaya bage kuwa, ku en'ndo otuma ku nuwa, me ekii tao nde miya dama tosi na se ndanda. Ku kaa dama masimasea na se kaseao kan sipa.
Eduga ko ni Makedoniya maa kaa peao kan Epesiusi okaa yoo bataanka ae se dodo ndoe ni'm se kasina ko “Si meae. Nakayoo Epesiusi okaa yoo me kaa ndo tomu taae,” se kasima. Aii se tomu sise na se kasima se ku tau. Anegisemee kaa mike tau mina ku tupita se bage waa ku mbo “Tau de,” se asise na “Si meae,” se kasima. Me ona.
Me mugo mee to deta mugo ndoe, ese widaa yako wa'm bado kaa kiyoo maa nda mbato. Ese mee bota da mugo dodo kima. Ni'm se awake koya wai wa'm meyaa yato yaa da me ni kaa yaa nadapimake. Wa yaa da yaa nadapimai ndoe wa'm se nasina ko “Si widaae,” se nasimi. “Kase enta mugo ndoe, ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni,” se nasimi.
Kena Yohanesi wa ko wai ku mina kuwa masewena kapuge nda wudumei simi. Wa'm wudumei simi mina ona me ko me Anegisemee wa'm enimi mina waa, me ona. Ona me ko Yesiusi Keditusi wa kaa mina waa, me ona. Ku wiya ku kapuge nda wudumei simi. Wa'm iya-iya da kaa depi-depi en'ndo otuma ku epi kisi na kapuge nda wudumei simi.
“A'm yimkaa depe ona me ko ni'm meyaa yato yaa da kaa kiyoo okude dada yaa mu-mu naka se nadepe. Me ona. Ona me ko, osee mbembo se se eamasi kipaii dada, se ku nde miya depe. Ku se ku deke se dodo me kaa ko a'm nigina ko ‘Ku kase bage kao waa naa ya?’ se nigipe. A'm se nigeke koya endo ko ku kaa mina kanige-maniinka ndeo,” se nasimi. “Osee mbembo se se eamasi kipaii dada depe ku ko ku Yesiusi mbaya bage togea kota okaa yoo dada ku kaa mina ebeabea da mugo dodo,” se aseke. “Kena okude dada depe ku ko ku epo wado bage waa ku kaa mina ebeabea da. Ku epo wado bage dada ku ko ku kota okaa yoo dada ku nda togea se Yesiusi mbaya bage, ekii kaa ekii tao se epo wado bage waa,” se nasimi.
Me kapuge me ko me Yohanesi wa'm wudumami se kapuge. Ogiyoo Asiya maa me kaa kiyoo Yesiusi kaa andagatake yoo dada aoo. Ku dada andagatake yoo kiyoo andagatagea bage waa ekii tao kapuge, eewee. Nemugoi nakawaa woe, aba! Anegisemee Naamee mesema, wa'm Dim'mba mesema, Yesiusi Keditusi mesema, ekii'm aii se dama katoyaai waa bada ae se kaanigeo, me ona. Kena ona me ko, ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo. Anegisemee wa ko wai aoo-aoo ku aoo ndo se tutai se mee to. Ese eduga edugana nde miya towoo simi. Endo nde miya towoo nai. Waya wadobo nde miya towoo taasi. Me Anegisemee mei! Anegisemee wa'm ebo animana ta se yoo me embato kiyoo ko Anegisemee Dim'mba wa namba kiyoo aoo. Anegisemee Dim'mba wa ko wa'm yaa mani da ese oyu kam oyu se yaa mani da! Se.
Tuhani Anegisemee wa ko wa'm se enina ko “Ni ko ni aoo-aoo ku aoo ndo. Ese eduga edugana nde miya towoo sima. Endo nde miya towoo naka. Waya wadobo nde miya towoo taata,” se eneke. “Ku kaa kiyoo ese amba kaa kam wado kisee endi kaa miyo ku otuma ni'm guna miyo se kao waa. Kena ni yaa mani da me ko me uu amba maa amba ebata tau se yaa mani da. Ku sese ku Tuhani Anegisemee ni'm sese kui,” se eneke. Se.
Ken ndo waa ko Siduga kam mina ona me se nasina ko “Endo kam wado Tuhani kaa ‘Mike ae,’ nigimana buwai-pai taasea se bage waa, ku mugo bage kuwa ku ese bani-bani taasea se bage waa,” aseke. “Ku kindo me mina me ko me kapuge kaa naawudumaae,” se aseke. Siduga kaa kam mina se nasimi. Se nasemana ko Anegisemee Dim'mba wa namba se asina ko “Mike na! Ku mugo bage ku ese mike dama yatoyaai yako bani-bani siwoo taasea se bage waa. Kase enta mugo ndoe, buwaan tau yoo ekii'm Anegisemee tao ndanda awamea-awamea ku ese kinu-panu kan yaawawoo simea se ndanda waa. Ese kinu-panu kan awawoo simea ndanda koya bona dai kaa waa ko yaa embewena dama towoo taasea. Waya wada nda ekii'm awamea-awamea ku andibuu se sekii tau. Ku otuma ku kaa Anegisemee wai nigi seke kumana dama aya yadotaa taasi sima. Ku kindo Tuhani kaa buwai-pai taasea se bage waa ku bani-bani siwoo taasea se bage waa mugo dodo,” se aseke. Anegisemee Dim'mba wa'm se aseke se yema.
Se yemana ko me epo wado mee to me me wa'm se nasina ko “Ni'm kasiinka mina ku mbae da mina se ku tau. Ku Anegisemee wa'm ebe kaa mina waa kumana ese ndumbo mina ku ndo kasiinka ndeo,” aseke. “Anegisemee wa'm ebe kaa mina ku se de. ‘Dom'mba Yuwa me me, wai wa'm ambii maseke se dodo me kaa badii naambea. Ku kindo ko “Mewee! Mewee! Badii naao nde, mewee!” se asiisi bage waa ku ese bani-bani siwoo taasea se bage waa,’ se aseke. Anegisemee'm ebe kaa mina kasipa kuwa ku kapuge nda wudumaae,” se nasimi.
Kena ni'm iya-iya da kaa dema se mee me me wa'm se nasina ko “Epesiusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae,” se naseke. “Wa tao naawudumaambe mina ku se de. Ni ko ni'm meyaa yato yaa da kaa kiyoo okude dada ku yaa mu-mu nai se mee to. Osee mbembo se se eamasi kipaii dada aoo ku ko ku nda epopi nda penaa nai mee to me ni. Kena ni'm kaseao kan sipa mina ku se de.
Kena wa'm wadobo se nasina ko “Pedigamusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni yape yado da yaa mu-mu naka se mee to. Ni'm yape yado da me ese uuda aoo se yado da. Embato miya uuda aoo, duwato miya uuda aoo, eo wiya se yape yado da mei! Kena ni'm kaseao kan sipa mina ku de.
Kena wa'm waya wadobo se nasina ko “Tiatida okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni Anegisemee Yombai. Ni'm emaa misi ku bidea gida waa mugo dodo. Ni'm bado ku namba wiki-wiki se aoo. Ese tem'baga besi oma mugo bidea kaa yitana wiki-wiki nai se mugo dodo. Kena ni'm kaseao kan sipa mina ku ko ku se de.
Tiatida okaa yoo togea se bage waa woe. Eki ebanaa me ambii me'm tupina mina yaa mu-mu se koya eki ebanaa ku ko tau. Eki ebanaa ku mugo tupina mina yito taao be koena. Waya ebanaa bage ekii'm kasina ko ‘Ibedisi wa'm koo daa manee se mina waa ku kaa kanige-maniinka ndeo! Ku kaa kanige-maniinka ndeo!’ se kaseke koya tau. Ku nde miya eki ebanaa yito taao be. Ku peu se mina ku yito taao be se bage waa eki kaa kaseao kan sipa mina ku se de. Eki'm dimina ese maaneke. Ku kindo ni'm waya ukaata yoo me kaa miyo me bage dimina me ndo dama dowoo taae. Kena me mina me kam wado ni'm waya ‘Se awaae! Se awaae!’ se mina waa se ku kadotaao be. Ku si kasiimba. Aii dama se dimina me ndo yaa mu-mu taae se kasipa mina ku ndo kaseao kan sipa, kam tau.
Kena wa'm wadobo se nasina ko “Semidina okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni. Eduga ko boke ko boma koya maa poo yoo ndomana iyaao towoo naka se mee to me nde miya ni. Kena ni'm kaseao kan sipa mina ku de.
Kena ndo waa ko ebo animana ta se yoo me kaa animai mee to wa'm se nasina ko “Ni'm mina ku dama nayito taae,” aseke. “Se-kao we-kao en'ndo otuma ku ni'm yipi se-kao we-kao yakiyaabuu naka,” aseke. “Ku kasipa mina kuwa ku mbae da mina tau. Ku ese mike se mina kaseo. Ku ese ‘Mike ae,’ nigaao sekii se mina waa kaseo. Ku kumana ni'm kasipa mina ku masewena kapuge nda naawudumaae,” aseke. Ebo animai mee to wa'm se nasimi.
“Ni ko ni Yesiusi. Ese ata emi tau ebo tomi Daudi, wa'm wado one damea mee to me ni,” asimi. “Kena ni'm sese ko ni aweao pasi se dodo ndoe mbane-mbane petai se okude wa'm sese mugo dodo se mee to. Ni ko ni ese yipi se gumba aoo kiyaabuu taamba se mee to koena,” asimi. “Kena me epo wado mee to me me, wa'm kasipi mina ku ni'm yamatana mi-kasipi mina waa. Dee, ni kaa andagatagea se bage eki ko eki ku mina yemana ‘Ku ndumbo mina waa ae,’ se nigisea na ni'm epo wado mee to ona wa kaa yamatana eki mbo kameyaapa,” asimi. Yesiusi wa'm se asimi.
Kena ni'm iya-iya da kaa dema se mee me me wa'm waya se nasina ko “Seadisi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ese oyu kam oyu se Anegisemee Dim'mba wai ni nduwawe toi. Kena okude dada ku nde miya ni yaa da kaa yato naka. Kena ni'm kaseao kan sipa mina ku se de. Eki'm awake-awake ku ni epi. Dee, yau-yau bage ekii'm kanigina ko ‘O, ese dimina iyaao takea se bage waa ae,’ se kanigeke. Ogu bage ekii'm se kanigeke koya ni'm kadena ko wa-nini. Eki'm awake-awake ku deo yako ese dimina bota-pata bage waa mugo dodo se kadeta.
Kena wa'm wadobo se nasina ko “Daodikiya okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ekaa da ko ‘Kui.’ Kase enta mugo ndoe, Anegisemee wa'm pi-pamiyaao gai ku otuma ni kaa pi-pamiyaana kui kidai. Ku kumana ni ekaa da ko ‘Kui’ kasipa. Kena Anegisemee wa'm uwa da kaa aoo kiyaapi mina kuwa ku masewena dimina ona ndo kan ndumbo ndo eniwoo nai se mee to, me ko me ni. Kena Anegisemee wa'm eduga anegi taao kan simi se-kao we-kao, ku en'ndo otuma aoo kiyaabuu sima mee to me nde miya ni. Kena ni'm kaseao kan sipa mina ku se de.
Seadisi okaa yoo togea se Yesiusi mbaya bage ku ndamata mugo ndoe, si maaneke yaa mu-mu taan tau se bage waa, ku mbeenaa ndo ndigi ae se kadeta. Ku mbeenaa ndo ndigi kuwa ekii dama ndo awagea yako ekii'm manaa se kao ku maa emi tau se manaa se kao mugo dodo ae se detaa. Ku kumana ku mugo bage ku ni mesema penaa taao sekii se bage waa. Kiyoo kam ese pode se maawiya yamatana ni mesema penaa taata ndeo.
Kena wa'm wadobo se nasina ko “Pidadeopiya okaa yoo togea se Yesiusi mbaya bage ekii kaa eki tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Si maaneke ona kaa miya emi tau se Anegisemee to me ni. Ese mike Keditusi me ko me nde miya ni. Ese ata emi tau ebo tomi se Daudi wa'm gine ndagide me ni mbo ndigi. Kena ni wa'm sipi mugo ese ebo toke kumana ni'm waditapa me mee agumee'm manimaao iyo. Kena ni'm manimapa me namba mee agumee'm nawaditaao iyo. Ese eduga tomi se Daudi wa'm ebo tomi se gine ndagide me ni mbo ndigi koena. Kena ni'm kaseao kan sipa mina ku se de.
ကြော်ငြာတွေ